السلام عليكم ورحمة الله وبركاته

انا ياشباب بشكي لكم من هم بقلبي

لا والله الصحيح اني متأزم وفي ورطة كبيرة

لأن عندي ياطويلين العمر جهاز هارديسك من نوع TOSHIBA وخرب علي السلك ( Cable ) حق الجهاز وتوهقت مالقيت محلات تبيع السلك لحاله وللمعلوميه ان السلك حق الهارديسك تبعي فتحت اليو اس بي كبيرة مع الجهتين ..

وكل مارحت لمحل قال مانبيع الا هارديسك كامل طبعاً حست عليه بأماكن كثيرة بس الرياض كبير وفيه مناطق بالوسطى يمكن القى فيها فياليت لو تكرمتوا لو احد يعرف وين تنباع وهو متأكد انها موجوده هناك يعلمني سواء ع الخاص اذا يبيني ادق عليه واتفاهم معه ويبشر بعزّه او يبي يعلمني هنا بالموضوع لأني بعيد عن الرياض وما اقدر اجي للمحل عشان يقول لي ماعندي شي !!!!

وتكفون ترى والله ضاقت بي الحيله والمشكله الهارديسك فيه ملفات والله احتاجها وبقوة بعد وحاولت انقلها للجهاز بس مايكفي لأني اخذت سلك واحد من الربع بس الملفات كبير والهارديسك 80 قيقا مليان تقريباً ..

بحط لكم صور الهارديسك وطبعاً موديله ( 2519t) ..

هذي صور للهارديسك





وهذي صور للكيبل وطبعاً كل الفتحتين كبيرات



وشريت كيبل يباع في بعض المحلات وجربته على الهاردسك وما اشتغل عليه ويقول لي مهندس ان مايشتغل الهارديسك الا على كيبل مثل هاللي فوق





واتمنى اني القى تجاوب منكم الله يرحم والديكم

طويرق

هلا اخوي
ايه السلك يدخل بالهارديسك بس مايقراه
والله مانيب دلوله بالحيل بالرياض
لو تعرف مكان وكالتهم وصفه لي لاهنت ..


المستشار

سم بس لاتدف


ثنيان الزعيم

هلا والله
ياخي والله احس انك مهندس

بصراحة مالي خبره باالغلاف الخارجي والداخلي

لكن اعتبرني رحت لأي محل ودخلت عنده وش اقوله ؟؟؟

يالله بمثل لك

انا رحت لمحل ودخلت وقلت السلام عليكم ولقيت الهندي وقال وأليكوم صلام وقلت له انا صديق ابغى ........ << وش احط محل النقط

تكفى ياخوك والله اني مادري عن هالهارديسك شي
اذا كنت متأكد طال عمرك من محل يبيعه بالرياض علمني وينه فيه وانا اروح له ..