التركيز على النصر ونسيان الاهم - نادي الهلال السعودي - شبكة الزعيم

عفره · #1 26/03/2008, 10:02 AM

بسم الله الرحمن الرحيم
يالله حيهم
بالبدايه انا انسان مااعرف اكتب مقدمات وبما اني مااعرف اكتب مقدمات
ابي ادخل بالموضوع على طول وبما اني ابي ادخل بالموضوع على طول لازم تقرون
وبما انكم لازم تقرون لازم بعد تنفذون اللي اقول ..

مفهوم يالشباب..
.
.
.
.
نلاحظ من جمهورنا الكريم انه مركز على مباراة النصر ونسى اللي اهم منه اللي هي مباراة الاتفاق مع العلم ان مباراة الاتفاق تسبق مباراه النصر

انا معكم ان مباراة النصر نهائي وبطولة بس ياناس الدوري اهم
يعني لو تحسبونها شوي لو اخذنا الدوري نبي نلعب السنة الجاية ان شاء الله بالبطولة الاسيوية .. اما كاس فيصل العربية اعتقد او الخليجية
انا مااقلل من اهمية البطولة بس الصدق ان الدوري اهم منه بكثير
اللي غابني انا وفاقع مرارتي ان النهائي مع النصر .. يعني لو لا قدر الله وفازوا قسم بالله ان يجلسون الى عام 1440 يزعجوننا وهذا اللي انا خايف منه
المهم انا بديت اشطح واجد بس حبيت اقولكم ياناس اجلوا الكلام عن المباراة هذي الى مابعد مباراة الاتفاق

*اقتراح*
اتنمى من المدرب انه يركز على اللاعبين الشباب في النهائي

عشانهم هم اللي لعبوا من بداية البطولة .. بعدين صدقوني والله راح يكون له فايده كبيرة لهم انهم يلعبون نهائي ويكسبون خبرة ما بالك انه قدام النصر
وخل لاعبين الفريق الأول لمبارايات الدوري الأهـــم

وفي النهاية احب اشكر كل من ساهم في نجاح هذا الموضوع وخصوصا اللي اتعبوا معنا كثيروكانوا خلف الكواليس

وبالتوفيق للزعيـــــــــــم

الخيال1 · #2 26/03/2008, 10:17 AM

كلام سليم والله يعطيك العافيه

وانا والله خايف من هالشيء والله مايسكتوناذا اخذوا الكاس

يعني حرام والله صاير لهم 16 سنه ماخذوا ولا بطوله ويجون وياخذون بطوله

ولا على يد الزعييم والله اني خايف مرررررررررررررررررررررررررررررررره

وبالتوفيق للزعيم

ومشكووووووووووووور على المضوع

الليل الأزرق · #3 26/03/2008, 11:15 AM

الله يكتب اللي فيه الخير للهلال

وان شاء الله نحتكر جميع البطولات

الهلالي دائماً · #4 26/03/2008, 11:40 AM

ما شاء الله ايه الموضوع القميل ده ورده

هلا وغلا اخوي عزام

اتفق معك بعنف بالفعل مباراة الاتفاق اهم من مباراة النصر بكثير ...

والدوري اهم بكير برضوا ...

بس مو معنا هذا اننا نفرط بكاس فيصل الله يرحمه بالعكس الكاس عزيز و الغامدي

اقصد عزيز علينا

لذلك مثل ما قلت يلعب بنفس تشكيلة الاولمبي اللي وصلوا لها المباراة وما يجيب احد من الاول ...

لا ياسر ولا طارق ولا الشلهوب ...

بس تفاريس ضروري يلعب ويحط معه ليليو

>>> احس خطتي محيوسة

المهم انتم فاهمي وش اقصد >>> صرفها

مشكور اخوي عفره ورده

والله يعطيك العافية ,,,

جلـــــــــــمود · #5 26/03/2008, 01:27 PM

يعطيك العافيه كلامك سليم...
بس هالبطوله اقرب وحرام تروح ....

عفره · #6 26/03/2008, 08:32 PM

الخيال1 - الليل الازرق - ماجد مقبل - جلمود
مشكورين على المرور وماقصرتوا

هلمجرا · #7 26/03/2008, 08:41 PM

عندي سؤال
انت واضح من اجاباتك انك رجل
ولكن اسم عفره هو اسم بنت ...!!
الا اذا تقصد شئ اخر

البدائع بلاد الروائع · #8 26/03/2008, 08:52 PM

=
=
=

مباراة النصر اهم مليون مره من مباراة الاتفاق 000ليه000؟
مباراة النصر 90دقيقة وتكسب بطولة 000فقط0000!
مباراة الاتفاق دورية والفوز بها يقرب للمركز الاول ولايجلب بطولة 00!
يعني ممكن تعوض بالمباراة اللي بعدها00
بس النهائي لاخسرتة ماتقدر تعوض الا السنة القادمة000!

الز88عيم · #9 26/03/2008, 08:56 PM

فعلاً مباراة الأتفاق الأحد القادم في الدمام ................................................... هي الأهم

عفره · #10 26/03/2008, 09:06 PM

هلمجرا انا رجل والرجال قليلوو يالذيب
واسمي عباره عن اختصار لاسمي الاول والثاني والثالث والرابع وعليك الحسبة
ومشكور على المرور

AlaSmRI · #11 26/03/2008, 09:08 PM

كلام سليم والله يعطيك العافيه

بس اعتقد ان السنة الجاية مافيه اسيويه