23/03/2002, 02:20 AM
|
زعيــم جديــد | | تاريخ التسجيل: 18/03/2002 المكان: المملكه العربيه السعوديه-الدوادمي-مصده
مشاركات: 44
| |
القصيده التي اثارت غضب بنات الخليج والرد عليها ياللي تنشّد عن علوم الذي طــاف *** كــــل البحور وكل دولة وديرة
خذ من علومي علم أوصافه أوصاف *** جزلٍ سمين يشتعل له ســـعيره
الزين عقب المغربيات يــــنعاف*** غيدٍ لهن بالزين ذكره وســـيره
فيهن حلا طاغي ولين وتـــعطاف*** وفيهن حنانٍ يشعل القلب غــيره
حلوات وصف وفاهماتٍ بالاعــراف*** زينات منطق صافيات الســريرة
بنات قومٍ طيبهم غصب يـــنشاف*** اولاد مغرب بالليالي العـــسيرة
ياللي تنشّد عن علومي بالانــصاف *** هرجي يكفي صامله عن كــثيره
الزين في لميا وتغريد والــــطاف *** ماهوب في حصة وكشرة مـنيره
رد على القصيدة
قال الذي في بدع الأمثال صـرّاف *** جزلٍ يفرق بين درهم ولــــيره
ياللي مدحت المغربيات بــجحاف *** الله يجيرك من عماة البـــصيرة
لـــو تعجبك لميا وتغريد والطاف *** مايصلحن لهل الوجيه الســـفيره
مفصخات ولبسهم حــول الارداف *** وبليس أغواهم بكشف الســـتيرة
متعوداتٍ كلهم زيف وخــــفاف *** على التغنج والتعطف وغــــيره
كل يوم مع صاحب ولافيهم أعـفاف *** خويّهم اللي فلوســه كــــثيره
ترى البضايع عدة أشكال واصـناف *** وكلٍ ينوخ وسط سوقه بــــعيره
عز الله ان الطيب في بنت الاشراف *** اللي على الحشمه تربّت صـــغيره
مثل القماشة فالبحور الغزيرة *** و لاتبين منها كود الاطراف
ياللي تدوّر بالجواهر والاصــداف *** الزين كله في بنات الجـــــزيرة |