|
سوسة في (ضرس التاريخ) !! الموضوع يتكون من جزيئين .. الجزء ( ط ) .. هو سواليف وسعة صدر .. الجزء ( ش) هو : همسات مغاطية .. بكيفي موضوعي وأسمي (أجزائي اللي أبي) .. ط اثنين من الربع .. آخذين بي مقلب إني (فال خير) .. وواحدن يقول : ياخي مغاط "محظوظ ولد اللذينا" .. لو يفتح مطعم "مأكولات إيرانية" على خط سريع .. مشى سوقه !! قلت اذكر الله أنت ووجهك .. وين معه محظوظ ؟! وأنتم أخوياي !! وبعدين : عاجبكم هالثوب !! وأنا أوقّف وأوريهم ثوبي !! عاد توني جاي من سفر ومفصّل ثياب يا جماعة الخير .. صايرن تسني مراسل بوزارة الحج والأوقاف .. " قصار !! و جهه أطول من جهه " والقلابيّ منفرش صايرن كنه (حمامة راجنه على بيض) .. لاعب فيهن الخياط لعب .. لدرجة يوم جيت أتقيسهّن عنده نشبت في الثوب .. وقعدت ازاعق في غرفة القياس ربع ساعة .. أبيهم يسمعوني !! بغيت انكتم !! وتطامروا الزيود .. وقاموا يجروني من الثوب كني تحت (أنقاض) !! وبعد محاولات بديت أشوف النور .. وأشوى طلعت .. و الخياط .. يقول لي وش اللي صار ؟ قلت : انطم بس !! أنت خياط وإلا ميكانيكي؟؟ وش هالثوب ؟! آخذن مقياسي أنت وإلا مقياس سيقاني بلحالهن !! استحى القصّاب .. قصدي الخياط وقال ما يكون خاطرك إلا طيب .. حقك علينا .. و بكرة وهن عندك زي ما تبي !! المهم (لمصقهن) لي .. وجيت من بكرة وأنا لابس (دبة اكسجين ) قلت يمكن أنشب ثانية .. وأنكتم في الثوب .. !! <<-- لا أحد يدقق .. " ولا أحد يسألني عن كلمة (لمصق) لأني مدري وش معناها بس نقولها إذا صار الواحد مسوي الشغل .. أي كلام ) .. قالوا : بسسسسسسسس !! قلنا شكلك خسرانن في أسهم !! وإلا ملعوبن عليك في أرض !! المهم يا مغاط .. نبي نشوف المباراة سواء !! عاد هم من مشجعي (الجار) .. قلت : أخمّك بذا الجيك !! ومباراة الهلال ؟! قال شوي .. نحط على الهلال وشوي علينا !! قلت له : أنت قد سكنت مع بنغاليين ؟! قال : وش دعوى زعلت !! قلت : يخوك ما زعلت .. بس لا عاد تفكّر إذا نويت تفكّر مرة ثانية علمني أطلع .. !! المهم قضت السالفة على ضحك .. !! ويوم خلصت مباراة الهلال .. يالله لك الحمد (وتأهل الزعيم) .. دقوا علي : يباركون ويهنّون ويقولون تكفى تعال !! طالبينك طلبه !! وبيني وبينكم ما بين بيتي وبيته إلا شارعين .. قمت ألبس (ثوبي ) وأنا أحاول وطقاق أنا وأياه الين دخلت .. ورحت لهم !! جيت على وقت البلنتيات .. وهم اللي يقربوني للتلفزيون .. ويقولون (والله إنك فال خير) !! وإن شاء الله نبي نرجع للبطولات دامك جيت !! قلت اسمها (نهائيات) وينك ووين البطولة أنت !! قالوا يا حبّك للتدقيق !! قلت لا يكثر لا أطلع !! سكتوا .. وبلتي للشباب !! وبلنتي للنصر .. وشتني واشوتك !! ويفوز (الجار) !! يااالله يا ناس .. فرحة بحياتي ما قد شفت مثلها .. والتفت علي خويّ .. بقول له : وش رايك فيني ؟! يوم دريت وأثره (يصيح) !! وماسك الجوال ويكلّم !! قلت : شكل فيه احد (مندعس) وإلا ناشب في ماصورة !! قلت وش السالفة !! وهو يشاهق !! قال لي : ما قلت لك إنك فال خير !! ويطمر على رقبتي .. ويجّر ثوبي .. قلت وخّر عن الثوب .. هو ناقصك !! وباركت لهم .. أما خوينا الثاني .. ولا ازود عليكم حرف يا جماعة .. قاموا يدور في الحوش كنه مهبول .. ويصارخ !! ويقول : فعلا ما لها إلا رجالها !! قلت أنا ( قلت حلو شكل حركة حماس أدبوّا إسرائيل) !! وأثره برضوا يكلمّ في الجوال .. ويباركون لبعض كنها ثبتت رؤية (هلال شهر شوال) !! و يستاهلون والله قلت ذولا : موب صاحين .. خلني أناظر التلفزيون أصرف لي .. يوم ناظرت وأثر العالم : داقينها (بتسوة) وصياح ومناشق !! ويحييّون الجماهير .. واللي راقي لم الجمهور !! واللي منطلق ما مسكوه إلا في الشارع العام !! و بلا قرار (الرئاسة بمنع الدخول بعد المباراة) بلا تين شوكي !! الظاهر ما بقى أحد ما دخل الملعب بعد المباراة .. حتى (وحيد سيف) طاب مع الجمهور !! و قمت أدقق في اللي طابين قلت شكل (فوزية الدريع) جايه !! مابقى أحد ما طب !! والاسعاف راقي لأن فيه مجموعة من الجماهير أغمى عليهم !! و اللاعبين ما عاد صار يدري وينه فيه !! شوي يوم دخلوا علي .. واحد منهم يقول لي : آبييي طووو ساااا أبدا خووو <<-- والله ما أدري وش يقول بس حسيت أنه وده يوصف فرحته وخانه التعبير !! والثاني .. عاد فيه ربو !! قلت الله يستر لا يتمدد علينا !! وأناظر وجهه واناظر الدريشة .. أشوف هو بيمديني القطه و اطلّع وجهه معها لو تشنج !! باركت لهم وقلت تستاهلون !! وألف مبروك .. ويحق لكم تفرحون !! وإن شاء الله بداية موفقة إن شاء الله .. قال لي خويي : أن،،ااا أججييي أبوووو ن <<--- برضوا ما أدري وش قال بس حسيت إن وده يقول : الله يبارك بعمرك .. حتى يوم طلعت يسألني السواق المصري .. يقول : هو فيه أيه ؟! أيه الفرح ,, دأ كلوّ ؟! قلت : لا بس تأهلوا للعالمية مرة ثانية !! ---------------------------------- العصابة قبل الفلقة : مثل "شعبي" يعني : أن تختلق وأن تبحث عن مبررات لفشلك قبل (وقوعه) !! و أنتم على موعد مع (حملة شرسة) لم تشهد لها رياضتنا مثيل !! لاستقصاد التحكيم !! ولانتقاصه !! وللهجوم عليه !! ولمحاولة زعزعة النفوس !! واستجداء التعاطف !! وطلب الود !! سترون حملة (مستعرة) ستلامس نيرانها كل (ذي صافرة) !! وستحرق كل (نفس ٍ ضعيفة ) !! وستبدأ (الأقلام المأجورة) شن ّ غارتها !! وسيطول (الشرفاء) من " قبح كلامهم " ما لم ينلهم من قبل !! وسيبكون ويتباكون !! وسيصرخون !! وسيستجدون !! وسيلمّحون ويصرحوّن !! وسيخرج ( بدل الرويبضة) رويبضون كثر !! مسكين ٌ هو من ينتمي لـ (لجان التحكيم) !! مسكين هو من لبس (قميص العدالة) !! ستلوث مسامعكم (أقلامهم ) !! وستنال ذممكم (أقلامهم) !! وستجرح أفئدتكم ( أقلامهم) !! سيخوفونكم !! وسيحاولون (إرهابكم) !! سيستأجروا أقلاما ( تقذف) !! ويستأجروا " وسيعي "وجهٍ" وذمه " ليعكروا (صفو رياضتنا) !! وسيستأجروا (جيوشا) تم تدريبها في " ميادين الرماية العفنة " !! وسيخرجوا ( جموعا ) !! و ( فرادى ) !! وسيدّب الرعب في ( قلوب .. ضعاف النفوس ) !! وستمر هذه (الحرب .. بردا وسلاما ) لمن يملك (ضميرا) !! وستغدوا (شعاراتهم ولهيب نيرانهم) هباءا منثورا !! تريكم أياه ( شمس الضمائر ) !! وتكشفه لكم ( أنوار الحق ) !! فلن يتصدى لهم سوى ( الشرفاء ) !! و لن نسمح لهذه (السوسة) أن تنخر "ما شاءت" ---------------------------------------------- |
ش همسات (مغاطية ) / في (أذن الإدارة ) : ومن يوصي حكيما !! وهل يـُفتى ومالك ٌ في المدينة !! ولكنها (همسات محبّ ) نريد أن نتجنب (التصريحات) !! - ونوقف كل "الشعارات" !! لا نريد أن "يفبرك" (محسوبا أمتلأت الصحافة بأمثاله) !! ويفسره كيفما اشتهى !! لأن في هذه التصريحات .. ما قد ينعكس (سلبا ً) على أداء اللاعبين !! أو ( يزيدهم حملا ) ويفقدهم (التركيز) !! فلغيرنا : ( الخطب الطنانة ) و (التصريحات الرنانة ) !! ولنا : (هلالنا ) بهدوء رجاله !! وبحنكة أبناءه .. وبثقة لاعبيه !! وسننال الذهب .. بحيل الله وقوته !! همسة في أذن اللاعبين : لا نريد .. إلا (أن تكونوا كما أنتم ) !! لا نريد .. إلا (روح الزعامة التي نراها في أعينكم ) !! لا نريد .. إلا هدوءا (يفقدهم التركيز) !! لا نريد .. إلا ثقة ً ( تكسبكم تفوقا وانتصارا ) !! فرغبتكم بتقبيل الذهب .. يفصل بينكم وبينها : - احترام (المنافس) .. أيا ً كان !! - التوكل على من (وهبكم روح الزعامة) !! - عدم الالتفات لـ "كل من حاول استدراجكم لكمينه" !! بتصريح ٍ !! أو تقليل شأن !! أو تخدير !! وإعطاء "ضمانات بالفوز" !! وإيقان أن (الرغبة) لا تجلب (ذهبا ) !! ولكن (عزيمتكم !! وإصراركم .. والتفافكم حول بعضكم البعض .. هو من سيحقق رغباتكم ) !! ------- وسنساندكم بـ ( دعاء المؤمن المخلص الشاكر ) !! وفقكم الله !! ----------------- والله مالي وجه أعتذر عن الاطالة .. |
ما شاء الله عليك موضوعك كامل و الكامل وجه رب العالمين ,,, اهم شيء الهمسات اللي تطرقت لها اخوي و الثقة و احترام الخصم هي من ستقود الزعيم الى البطولة ,,, و سلمني على ابو يمن :d و عواااافي اخوي على الموضوع الراااائع ,,, و بالتوفيق للازرق s13s |
الله يعطيك العافافية اخوي لاعدمناك واصل والله معك |
مغاط كلامك منتاز بالحيل فالك التثبيت وتقبل مروري |
موضوع راقي كرٌقيك ابدعت بما طرحت اخذتنا بعالم الضحك تاره وتاره بعالم العقل جميل ماطرحت من همسات لعلها تصل والزعيم زعيم متى ماوجدت روحه داخل المستطيل يجب تهيئه اللاعبين للحرب (( الضروس)) من قبل الصحافه والله الله بالتهئيه النفسيه مغاط سلمت لنا قلما مبدعا دائما تحياتي لك ولنزف (( قلمك )) الرائع |
ياحبيلك بعد والله ان موضوعك ولا اروع وقل لبويمن بينكم وبين البطوله طول وعرض المحيط الاطلسي وعاد الموج انتم ابخص بهs13s --------------- تحياتي |
حللت اهلا بــما كتبت اخي مغاط من عادتي ان لا احبذ الرد على المواضيع,, ولكن موضوعك يجبر المار مرورا فقط على ان يضع اعجباه وشكره لما تكتبه .. ان قلت اني من متابعين مايسطره قلمك فقد كذبت ,, بل انا من المعجبين بما تهمس به الينا .. واصل اخي العزيز ولا تحرمنا من همسات قلمك ,, وابداع سطورك.. تقبل مروري و إعجابي فيصــــل المطيري |
تدري اني ظليت سنه ابي القى رد سنع مالقيت ..... ماشاالله عليك يامغاط مدري من وين تجيب هالافكار والسوالف وتربطها بواقعنا الرياضي بطريقه عجيبه وهنا تكمن <<<ركز على تكمن تراها بالموت طلعت خخخخخخخ المهم وهنا تكمن العظمه والقدره والفكر الراقي لديك <<<باخذ نفس يعني بالعربي انت عضو مبدع وانا اتشرف اني ارد على عضو مثلك وانا معاك في كل اللي قلته والسلام |
مغاط و ش باقي ماقلته 00 ضحكتني 00 موضوعك من المواضيع التي تستحق التَّميز و الإمتياز00 و ماهي مجاملة 00 بل حقيقة 00 صراحة (أبدعت و تفننت و أتقنت)00 يعطيك ربي العافية 00 و تفرح عيونك و عيوننا أجمعين بالبطولة القادمة بإذن الله تعالى00 |
هههههههههههههههههههههههههههههههههههههههههههههههههههه كثرر منهاا هالسوالف الي فووق احسن شي صديقك الي بــه ربوو الله يعطيك العاافيه مشكوور وماقصرررت صراحه فرفشنااا معك بهالموضوع الاكثررر من راائع ســجل اعجاابي بقــلمك صرااحه قليل ادخل المنتدى واوول مرره اقراء لك والحين ابي اررجع لمواضيعك اشووف تنسيمك بها :) اما بخصووص الفقرره ش اتووقع هالكلام المفروض يقولونه النصراويين لإدارتهم حنا الحمد لله ادارتنا متمررسه وفااهمه وانشالله بعد كل اعضااء الجهاز الفني واعظاء الشررف مثلهم |
آبييي طووو ساااا أبدا خووو <<-- والله ما أدري وش يقول بس حسيت أنه وده يوصف فرحته وخانه التعبير !! ههههههههههههههههههههههههههه مغاط موضوع متكامل ماشاء الله بارك الله فيك |
بكل صراحه موضوع مميز وجاي في وقته بالضبط كل كلمه فيه أنا أختم عليها بختم الموافقه وضرورة التنفيذ تحياتي لك مغاط 000 |
هلا والله ( بـ ) مغاط . . وينك الله يرحم والديك لي يومين استنى لك موضوع الحاله صارت مزريه :d . . . معتكف بالمسجد لي يومين وجالس ادعي :d . . . نرجع للموضوع : الجزء ط :d : وش قصتك مع الثياب كل موضوع غير القى ثياب وشمغ ( احس اني داخل على مغسله مو موضوع :d ) الجزء ش : بإذن الله تعالى ان الكأس في العريجا ( بخزينة الهلال ) وان شاء الله اللاعبين ما يلتفتون لمثل هالجوم( اليائس ) ويكونون على الموعد كما عهدناهم . . . مالي وجه اعتذر عن الاطاله المفروض انك ( مغط ) تنا [ على اسمك :d ] في الجزء ط ( لانه يروق لي كثيرا ) << متعوب عليها :d . . الف الف شكر على موضوعك الرائع ورده تـقـبـل مـروريـ |
يسلمووووووووووو مـــــــ ـــــــــــــــغـــــــــــــــــــ ــــــــــــــــــــا ط سلمت اناملك والله انك مبدع ....+ هرجك كثير (بس رووووعه) |
| الوقت المعتمد في المنتدى بتوقيت جرينتش +3.
الوقت الان » 11:34 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd