#91  
قديم 25/03/2008, 12:02 AM
الصورة الرمزية الخاصة بـ هلمجرا
عضو ادارة الموقع الرسمي لنادي الهلال
تاريخ التسجيل: 29/08/2001
المكان: الرياض
مشاركات: 10,841
مغاط انت مبدع بمعنى الكلمة
لخصت كل شي نريد ان نقولة كشعب هلالي بلغة يفهمنا العامة والبسيط
لم تكون لغة خطابية
ولم تكن لغة محنطة نخبوية
بل هي ببساطة لسان حالنا جميعا

اشد على كلامك خاصة الرد والهمسات لها معنى كبير لانة الوقت طويل من الان للمباراة
والشحن النفسي سيكون حاضر من الطرف الاخر

دمت بخير
اضافة رد مع اقتباس
  #92  
قديم 25/03/2008, 12:39 AM
زعيــم مميــز
تاريخ التسجيل: 15/12/2005
المكان: 21D172EE
مشاركات: 7,252
مغاط

و ش باقي ماقلته 00 ضحكتني 00 موضوعك من المواضيع التي تستحق التَّميز و الإمتياز00
و ماهي مجاملة 00 بل حقيقة 00 صراحة (أبدعت و تفننت و أتقنت)00
يعطيك ربي العافية 00 و تفرح عيونك و عيوننا أجمعين بالبطولة القادمة بإذن الله تعالى00
اضافة رد مع اقتباس
  #93  
قديم 25/03/2008, 01:18 AM
الصورة الرمزية الخاصة بـ مجنـــــون الهلال9
زعيــم متألــق
تاريخ التسجيل: 28/09/2007
المكان: على عرش الزعيم
مشاركات: 1,172
شـــــــــــــــــــكراً أخوي مغاااااااااااااطوووووووهــ
فطســــــــــــــــت من الزحـــــــــــــــكــــ
وربي مساكـــــــــن ، ودي يرجعون يشوفوون مباراة الهلال والاهلي
يشوفــــوفون اللعب الجماعي التكتيكي ، مو لعب نقاز الكوره ، وشوت من الباب للباب
ذكروني بأيام الإبتدائيه .


وأنا أهمس مثلك مغاااااااااطوه إلا كل لاعب هلالي الله يوفقهم


إقتباس
الرسالة الأصلية كتبت بواسطة مغـاط
ش




همسات (مغاطية ) /





همسة في أذن اللاعبين :

لا نريد .. إلا (أن تكونوا كما أنتم ) !!
لا نريد .. إلا (روح الزعامة التي نراها في أعينكم ) !!
لا نريد .. إلا هدوءا (يفقدهم التركيز) !!
لا نريد .. إلا ثقة ً ( تكسبكم تفوقا وانتصارا ) !!

فرغبتكم بتقبيل الذهب .. يفصل بينكم وبينها :

- احترام (المنافس) .. أيا ً كان !!
- التوكل على من (وهبكم روح الزعامة) !!
- عدم الالتفات لـ "كل من حاول استدراجكم لكمينه" !!
بتصريح ٍ !! أو تقليل شأن !! أو تخدير !! وإعطاء "ضمانات بالفوز" !!


وإيقان أن (الرغبة) لا تجلب (ذهبا ) !!

ولكن (عزيمتكم !! وإصراركم .. والتفافكم حول بعضكم البعض .. هو من سيحقق رغباتكم ) !!


-------

وسنساندكم بـ ( دعاء المؤمن المخلص الشاكر ) !!

وفقكم الله !!
..

أشكركـــ أخوي على الهمسات الرائعه
هذهـ الهمسات : ((كلام من ذهب- ماشاء الله- مثل البطولهـ اللي بناخذههاا))

تقبل مروري...ورده
اضافة رد مع اقتباس
  #94  
قديم 25/03/2008, 03:13 AM
الصورة الرمزية الخاصة بـ انترميلاني
زعيــم متألــق
تاريخ التسجيل: 22/05/2005
المكان: ثـول
مشاركات: 1,130
الله الله عليك..يابو مغطه

همسة في أذن اللاعبين :

إقتباس
لا نريد .. إلا (أن تكونوا كما أنتم ) !!
لا نريد .. إلا (روح الزعامة التي نراها في أعينكم ) !!
لا نريد .. إلا هدوءا (يفقدهم التركيز) !!
لا نريد .. إلا ثقة ً ( تكسبكم تفوقا وانتصارا ) !!

وباذن الله لو الاعبين نفذو النصيحه ذي الكاس هلالي ..هلالي
اضافة رد مع اقتباس
  #95  
قديم 25/03/2008, 03:24 AM
الصورة الرمزية الخاصة بـ المدافع الصلب
زعيــم مميــز
تاريخ التسجيل: 30/12/2006
المكان: الـ Fire
مشاركات: 20,406
اقوول هات خشمكـ...باعطيه حبــه لونها ازرق هههههههه

والله قلمكـ.ينثر ذهــب وباذن الله ما يرووح هالكلام هدر وباذن الواحــد احـــــــــــد الـــــــــــــكــــــــــــــــــــــــــأس هــــــــــــــــــــــــــــــــــــــــــــــــلالــــــــــــــــــــــــــــي

بــــــــــاذن الله.................

والله يوفــــــق زعيـــــــ م ـــــنــــــــــا
اضافة رد مع اقتباس
  #96  
قديم 25/03/2008, 06:09 AM
زعيــم نشيــط
تاريخ التسجيل: 03/10/2007
مشاركات: 697
بصراحه موضوع متاكامل و الكامل وجه الله لا كن الموضوع يدل على صاحبه ويدل على انك مبدع بكل ما تحمله الكلمه وكم لنى فخر انه كل يوم يطلع لنا زعيم كاتب وممبدع في كل شي كم انت كبيير يازعيم في كل شي

تسلم على هذا الموضوع مرره ثانيه

تقبل مروري
اضافة رد مع اقتباس
  #97  
قديم 25/03/2008, 10:33 AM
الصورة الرمزية الخاصة بـ هلالي صميم%
زعيــم متألــق
تاريخ التسجيل: 20/07/2007
المكان: طيبه الطيبه ( :
مشاركات: 1,132
هلا وغلا بالغالي مغــــــاط

موضوع رائع بل في قمة الروعه يعجز اللسان عن

وصف هذا الابداع الفطري فالكتابه <<< متوعب عليها ( :

حكم و كلام يطرز بالذهب <<< يقولون الذهب مرتفع هاليومين

اتمنى ان تصل همساتك لأذان الاداره واللاعبين وبالتوفيق

لنجومنا و ان شاء الله نحتفل سوياً بكأس البطوله

من بطوله الى بطوله والهلال من يطوله
اضافة رد مع اقتباس
  #98  
قديم 25/03/2008, 10:59 AM
الصورة الرمزية الخاصة بـ الــقـ الأزرق ـلم
زعيــم مميــز
تاريخ التسجيل: 29/04/2002
المكان: مع الزعيم دائما
مشاركات: 3,823
اذا كنت كذا اخوي مغاط تعال معي نحضر المباراه !!!!

بالتوفيق للزعيم ..
اضافة رد مع اقتباس
  #99  
قديم 25/03/2008, 01:32 PM
الكاتب الساخر
تاريخ التسجيل: 19/06/2006
المكان: Najd
مشاركات: 1,022
قسم بالله كني جايب سطل مليان (تين) .. والحمد لله ( كفـّانا) كلنا .. وما تصدقون وشلون .. لاعبة في حسبتي الفرحة .. وأنا اشوفكم مبسوطين وتاكلون .. <<--- أنحاقت أم (الصور والتشبيهات بمخه) !!


----------------
darseen

إقتباس
اما بخصووص الفقرره ش

اتووقع هالكلام المفروض يقولونه النصراويين لإدارتهم

النصراويين !! أي "حزب" فيهم ؟! لأنهم (تفرقوا )إلى بضع ٌ و (عشرين) شعبة !!
وبعدين محدن فاضي للثاني الحين !! وبعضهم مواصل من ذاك اليوم من الوناسة .. وواحد مقترحن عليهم يقول : كل هالمواهب عندكم في التنطيط وفي المطامر !! ولا سويتوا لكم (فرقة ) !!
وش زود (فرقة الدرعية و فرقة ابو سراج ) عنكم !! منها يترزقون الله !! ومنها يكون (ملحكم في دقيقكم) !! بس يا "حبي" لهم يستاهلون !!

تحياتي لك ولمرورك يا بعدي انت .. مشكور على هالمتابعة ..

--------------------------------
الســـ الهلالي ـــهم


إقتباس
مغاط موضوع متكامل ماشاء الله

بارك الله فيك

الموضوع متكامل بوجودك يا بعدي ..
و صدقت فعلا الله يبارك فيني <<--- تكفى غض البصر !!
تحياتي لك ولحضورك الدايم ..


--------------------------
qaaz

إقتباس
كل كلمه فيه أنا أختم عليها بختم الموافقه وضرورة التنفيذ



على طاري الختوم .. ذكرتني ختم(ن) عند الوالد مبطي فيه اسمه .. ولا عادت عليه من ختم .. كل من بغى شهادة في المحكمة .. طار الوالد معهم .. وكل من جاء يتملك جاك الوالد معهم .. وكل من بغى (تزكية) .. رز الوالد هالختم !! حتى من الفضوة .. لاقينه آخر الايام يطبّع في ختمه على سيقانه ..
يا اخي صادز اللي قال : الفراغ والجده مفسدة للمرء أي مفسدة !!
<<-- ليته يشطفك وأنت ترد عشان يصير اخر رد بحياتك !!

مشكور حبيبّي (قاز) .. ومنورّ الموضوع .. بهالرد المشّرف ..


------------------------
ALAMEER 14


إقتباس
الجزء ط : وش قصتك مع الثياب كل موضوع غير القى ثياب وشمغ ( احس اني داخل على مغسله مو موضوع )

وش تبيني اسولف عنه وأنا أخوك ؟؟
عن جدايلي !؟ وإلا شعري وأنا رابطه ( كعكع ) ؟؟
وإلا عن " تاتو" حاطه ّ في الجبهه !!
وتعرف أبوانّا منول ما ينبسطون الين يشترون لنا بناطيل وتكاميل !!
والله ما اذكر اني لبست تكميلة الا في درس الرياضة !! وأحس إننا مستحين من بعض .. وكل واحد وده يذبّ على الثاني بس عاذرين بعض .. !!
فتخيّل من أول ما عرفنا نقرا الحمد .. وهم ملبسينا شماغ .. لدرجة لو تفكه وأنت في المدرسة .. طرّقك ولطخّك أبوك الين تشوف النقط الحمر سود !!
أذكر مرة في الشتاء الوالدة رابطة شماغي .. وموصيتني ما أفكه .. عشان لا يدخلني البرد .. !! تحسب البرد حاط رجل على رجل ولا له شغل إلا أنا !!
المهم كانت (زارة الربطة) لدرجة أبعلمها أنها (قوية) بس ما قدرت اتكلم .. أخاف تقول لي (يالعاق) !!
رحت للمدرسة وأنا كني (ددسن) منعفط الشاصي حقه !!
فتشوف رجليني مع جهه .. ووجهي مع جهه .. كني أتويقع على لفة من بعيد !! ومع ذلك صابر ومحتسب لأني أدري ان البلاوي ما تقع الا على المؤمن الصابر .. ورحت وكملت ويوم طلعت من المدرسة .. وجت تفك امي اللطمة ما قدرت !! ونجيب (أبو جلمبو) وأذكر الوالد عنده (عدّة) وحبة توماتيك كانك تعرفها ؟؟ ويجيبون (ذيك المزيته الحمراء) .. ويحاولون فيني .. وانا معترض في الصالة اللي يشوفني يقول ناشب برقبتي (توأم سيامي) .. بغيت أموت ذاك اليوم .. على أبو لا يدخلني البرد !!
وتبيني ما أتكلم في الشماغ والثوب !! هن راس المال !!
ومشكووووووور حبيبي على هالرد .. وعلى هالحضور المستمر ..
وتحياتي لك ولإضافتك ..

---------------
..<<زعيمكوووووصل>>..

إقتباس
والله انك مبدع ....+ هرجك كثير (بس رووووعه)

يطول عمرّك .. والله وش نسوي .. بعض الاحيان الفكرة هي اللي تجبرك تطـّول .. وبعدين شف المعلقات طويلات ومع ذلك ينحفظن ويستشهدون بهن <<--- تخيل واصلة صدق فيني وساعة الوجه إني أقارن بهالشكل ..
مشكور حبيبي

بس عندي سؤال ممكن ؟؟
إذا هذا (يوزرك) ولحسة مخ !!
أجل (باسووردك وشلون ) ؟!
تحياتي لك ولمرورك المشرف ..


-------------------

سعد الصباح


إقتباس
والنصراويين يبون يصيدون عشرة عصافير من ( حقطة وحدة ) << اتحداك تعربها

الإعراب على وجهين :

الكوفيين : لا هالجملة ولا ( خراطهم ) له محل من الاعراب !!
البصريين : إذا كان ما قبل (حقطه) " عاقل " .. فيرفع "على الراس" !!
وإن كان "ماهنا" عاقل فهم يعربونها نفس (الكوفيين) !!

تحياتي لك .. ولمشاركتك اللي اعتز فيها .. تحياتي لك اخوي سعد
ولتواجدك المستمر ..


--------------------------
دوح !!

إقتباس
مغاط بينك وبين التاريخ شيء

عطسه بوجه التاريخ وسوسة في ظرس التاريخ

مبدع واسلوب السهل المتتنع صعب كتابته والقبول من الله

والله إني دابتن سليمة يومني صغيّر .. وأذكر ان اهلي شارين لي سيكل .. وعيال الحارة يسوقونه أكثر مني !!
وماشي سيده ومالي ومال المشاكل !!
ومتسلطن علي مدرس (التاريخ) !!
وكل ما شافني .. يالله قم يا مغاط علمنا وراها زالت الدولة الاموية .. قلت تدري .. خلني (امارس ظرافتي) ..
قلت والله ما بعد أنولدت ذيك الأيام والا تسان علمتك !!
قال لي : رح جب عصا !!
أنا مستبعد إني (المعني) في الموضوع .. وأرقى وأجيب لك عصا جارّها جر من كبرها !!
قال لي : أفتح !!
يوم بدت تنتفض شفتي اللي تحت .. لأن العصا اللي أنا جايب ملفوف عليها (شطرطونات) تمديد كيابل !!
أذكر قام يمحطنيّ الله لا يوفق الظالم !!
قلت عناد(ن) فيه ما نيب صايح !!
وأشوف الرجال (استحلى الموضوع) .. لزخني يمكن 7 !!
قلت تدري يا رجال .. كل هاللي في الفصل بزارين(ن) مجمّعة .. صح بس !!
وأنا أجرها (ونـّه) في الفصل !! يوم دريت مار (يتركني) !!
ألا يا قليل الحياء !! يعني لو إني صايح من أول طقة !!
كان مفتك !!
ويمكن هالشي كرهني في مدرسين التاريخ .. وإلا التاريخ بكبره (إلا والله إني من عشاقه) .. ويكفي ان (الزعيم ارتبط) بالتاريخ النظيف !!
مشكور حبي على هالمرور المشّرف ..

------------------
ونيس البرق

إقتباس
توفيق الله ان شاء
مع احترام الخصم هي من ستقود الزعيم الى البطولة ,,,



صدقت ..
مشكور يا بعدي على تواجدك

-------------------------

مطارد الأبداع
إقتباس

الله يضحك سنك يامغـاط , صراحة كاتب ساخر بدرجة امتياز

الله يسلمك .. بس ليه يا أخي ..<<-- تحس إنه منحرج ..!!
الله يطول عمرك .. ومرورك بحد ذاته يكفّي .. ومحل تقديري واحترامي


-----------------------


اكتفي بهالقدر .. و ممتاز إننا (نغـّير) جو ..
وبإذن اللي ما تنام عينه .. (نجومنا) راح يحسمونها ..


لي عودة قريبة ..
اضافة رد مع اقتباس
  #100  
قديم 25/03/2008, 02:05 PM
زعيــم مميــز
تاريخ التسجيل: 21/11/2006
المكان: الرياض
مشاركات: 3,351
اما الموضوع ما عليه كلام
اما عن اعتذارك عن الاطالة
لو اعتذرت جيتك طيران في بيتكم
علشان ارفع فيك شوي واعود
هههههههههههههههههه
كلك نظر ياحلوووووووووووووو
اضافة رد مع اقتباس
  #101  
قديم 25/03/2008, 05:01 PM
الكاتب الساخر
تاريخ التسجيل: 19/06/2006
المكان: Najd
مشاركات: 1,022
AL_FAISA ALHILALY

إقتباس
أهنيك يالغـــلا .. على طروحك المتواصلة والمميزهـ ..

ومازلنا ننتظر منك المزيد من ابداعاتك



يبي لي إجازة عقب هالموضوع اللي ما بقى إلا أحط به " عيون قطط " و معبر جمال !! ومواقف ساسكو من طوله !!
ومشكور حبيبي على هالحضور الدائم .. لك فائق ودي يالفيصل ..

-------------------------
.•(رهيـن الهـلال)•.

إقتباس
قلم مبدع ومميز وجميل طرحك واسلوب حديثك في المقال



حضورك .. وإضافتك هي اللي زات من جمالية الموضوع ..
تحياتي لك رهين

----------------------------------
zaee9eem

إقتباس
يــســـــــــلــــــمووووووووووووووووووووووووووووووووووووووو




مستعد أدق سلف من المستشفى الألماني اللي قبل نادي الشباب إلى مدخل بريدة .. بالريوس !! كانك قاري حرف !!



-------------------------------

AnDrSoN

إقتباس
وانا فرحت للنصراويين صرآحه عمي يشجع النصر وماجاب له الى السكر والمرض ,,



يالله لك الحمد على نعمة (العقل) و(الاسلام) و (الهلال) !!
أتوقع راحت كل هالامراض .. ولا عاد فيه إلا (موتة قلب ) !!
لأنها تساوت خلاص !!
بس مع ذلك نحترمهم .. !!
ومشكور يا بعدي على هالرد الرااايق .. تحياتي لك ..

---------------------------

مجنون الفريدي

إقتباس
يعطيك الف عافيه وماشاء الله عليك بس فوزيه الدرع عضو شرف بالنصر ولا لا ولا وش دخله <<<ملقووووف
؟

وأنا وش دراني عنها ؟ أنا اللي طابّ وإلا هي ؟!
تحياتي لك حبيّبي

--------------------------------

بخيت

إقتباس
هات خشمك...ودنق شويه خلني أحب راسك....
يخليك ربي على هالرد الحلو الواقعي اللي ينم عن حبك وولائك للزعيم...


وش تبي بخشمي وأنت تبي تحب راسي ؟! <<-- شك في الموضوع !!
تسلم والله يا بعدي .. ومنور الموضوع يالغالي ..
الله يطول لي عمرك ويسلمك .. اخوي بخيت ..

---------------------------
عزووز663

إقتباس
سلمت اناملك


موضوع راااائع .....

لي عودة ثااااااااانية ....

الله يحللك ويبيحك .. لا تجي وأنا أخوك تكفي قرايتك الأولة .. تحياتي عزوز

----------------------

مريضه بالهلال

إقتباس
والله يوفق الزعيم وبأذن اللي ماتنام عينه البطوله هلاليه

بحول الله وقوته


اللهم آمين وأنا أخيّـتس .. مشكورة على هالمرور .. ويا جعلها ضحكتن دايمة ..
ردتس زادني شرف .. تحياتي لتس ..ولطريقة قراءتس للموضوع ..


-------------------------------

20&الهلال حبي&9

إقتباس
والله مادري وش اقول لكن اتمنى العمل بكلامك
وبأذن الله راح نضم كأس فيصل للكوؤس الباقيه

بحيل الله وقته ..
وبإذن الله الرسالة وصلت ..
والموضوع لا يعدو كونه (تذكير) لا أكثر ولا أقل ..
وإلا ثقتنا في (الإدارة ) أكبر من سرد (هالمكرّرات) !!<<-- لا تقراها نفس (أكسنت غسان وتحسبها مقررات) !! لأ !! اقصد الأمور المكررة !! .. تحياتي يالغالي ..
---------------------------------

الخلية الزرقاء

إقتباس
الله يعافيك على الموضوع الجميل

الجميل حضورك .. تحياتي لك

------------------------------

عاشقه الزعيــم

إقتباس
شلـــون تجــــي



يحمدون ربهم إني جيت .. لذلك من حقـي اتشرط .. وإلا انا غلطان ؟
والله زي ما قلتي .. على طاري القدس .. والله يا فيه ناس قامت تنتفض خششهم .. بمعدل 19 هزة في الكلمة .. ما نقول إلا الله يرحمك يا ياسر عرفات !!
علمتنا معنى (النفض) !! و صدق من قال (عمر النفض ما جاب نتيجة) !!
منورة الموضوع يالعاشقة ..

---------------------


الهرم الهلالي

إقتباس
اخوكم الهرم الهــــــــــــــــــلالي

منور يالهرم .. والله إنك ورطتني ما أدري وش اقتبس من كلامك ..
مشكور يا بعدي .. على كل ما قلت
وردك على العين والراس ..
الف شكر على هالمرور المشرف


-------------------------------
الكبيتانو

إقتباس
كلام راااائع يا مغاااااااااااااااااااااااط الاروووووووع ...
ووووووووه علييك بس ووه

أوريك :$ ؟ <<-- من اللخمة ..
منووورني يالكبيتانو .. والف شكر على هالحضور الدايم ..
تحية مغاطية ..

------------------------

ناصر بن نايف


إقتباس
حرفك على قلبي مثل العسل



لأنك قشطة يا بعدي ..
وألف شكر على هالمتابعة .. وهالحرص
تحياتي يا ولد نايف ...
تسلم والله على حضورك المشرف ..


----------------------
د.أبوفيصل

إقتباس
بصراحة يا مغاط أنا معجب بأسلوبك لأن يطرد الملل على الرغم من إطالتك

والله الاختصار زين .. لكن الفكرة بعض الاحيان تلوي يدك ..
ومشكور على هالملاحظة وهالمتابعة يا الدكتور ..
تحياتي لك ..

--------------------------------
وليد444

إقتباس

وبالتوفيق للهلال..

الله يسمع منك مشكور على هالمرور اللي زادني شرف ..
تحياتي وليد .. ولمتابعتك الدائمة ..

------------------------

alzaeem only

إقتباس
مغاط لاتنسى تحضر النهائي في الملعب علشانك فال خير

لا يغرك كلامهم .. !!
وصدق نوايانا .. وتوكلنا على ربنا هي اللي تبي تجيب الكاس ..
مشكور حبيبي ..

----------------------------------
النمر@الهلالي

إقتباس
والله انك مبدع ....+ هرجك كثير (بس رووووعه)

يا اخي كني شايفن هالرد ؟!
ومشكور حبيبي على هالحضور الجميل ..
الف شكر

---------------------------------

الجنرال وبس
إقتباس

ومبرووك والحمدلله عاالفوووز وإن شاءالله عقباال الكأس

اللهم امين الله يسمع منك يا بعدي ..
ولا تعطيني اكبر من حجمي .. يا حبيبّي
ترى موب معدمني إلا ذا المدح !!
الله يطول عمرك .. وشهادة اعتز فيها وأنا اخوك ..
بس خفوا علي شوي ..
ألف ألف شكر على هالاشادة ..

---------------------------

ابو طاقيه

إقتباس
مغاط والله اني احبك لله وفالله ومواضيعك وردودك أدمان صعب تجي فتره ماأقرى لك شي ... وبدون مبالغه صرت ادخل كل بين فتره وفتره وأحط على اسمك اشوف لك رد ولا موضوع اقعد امخمخ عليه شوي ..

قسم بالله شعور متبادل .. !!
وأزيدك من الشعر بيت .. ما نيب أناظر اسم الكاتب خير شر .. و يهمني المضمون قبل كل شي !!
عشان كذا " شوي عندي اشكالية " في الاسماء !! لأنها آخر ما انظر ..
ويا جعلك سالم على هالمشاعر .. اللي يفتخر بها أي كاتب ..!!
وتراي معلمكم موب جايبن فيني العيد إلا هالترييش ..!!
ألف شكر ويا حبي لقليبك يا بعدي .. مشكوور من هنا إلى باب بيتكم ..

------------------------------------

مجنـــون 11

إقتباس
موضوع متكامل .. والكامل الله سبحانه

الله مير يسلمك يا بعدي ..
والجميل في ردودك استخدامك للاقتباسات !!
وهذا بحد ذاته (تميز) .. !!
أمش على هالرتم يا بعدي وأضمن لك تصير من أطلق الاعضاء ردود..
الف شكر على هالمتابعة ..

-------------------------------

الهلالي 11

إقتباس
اضحكتني بحرف الطاء ... واعجبتني بحرف الشين ...

كلام واقعي من شخص واعي وفاهم ...



أروح ملح ساسا أنا مع الايجاز !!
يا جعلك سالم .. يا أبو عزيّز
وألف شكر على هالحرص
والحضور الدائم المشرّف

والله يتقبل دعاك يابعدي ..

-----------------------------------

كره زرقاء


إقتباس
ياخي كثر من هالسوالف اللي توسع الصدر

أبشر ..
كل ما يهمّ هلالنا راح نتطرق له .. وراح نفتح له الباب على مصراعيه !!
ولا راح نتوقف أو نتراجع لحظة في السير بأي اتجاه (يخدم النادي)
سواءا (بالعيارة) وتخفيف حدة المباريات !!
أو (بالكلمة) .. والتطرق لبعض المواضيع !!
ألف شكر لحضورك المستمر ..

---------------------------

نيوتن


ههههههههه حسبي الله على بليسك .. "تعجبني الردود من هالنوعية" !!
تميز حتى في ردودك يا أبو راشد ..!!

إقتباس
بس تصدق ... أنت تقول أن بيت خويك قريب من بيتك وبينك وبينه شارعين

وانتهت مباراة الهلال و (( ازهموا )) عليك وعزموك ولبست ثوبك ورحت لهم

كل هذا في (( ساعة ألا ربع )) ؟؟؟

نعنبوا ذا ما صار ثوب

هههههههههه أثرك منتهي ?
والله عقب المباراة خشيت النت .. ورديت على كم موضوع..!!
بعدين الاخوان متجمعين وصبوا لي بيالة قلت لا (بسّ) ..!!
وطلعت للحوش .. أبشرب و آخرتها ما ألقى كاس .. فأقول لك صوّت لهم وجابوا كاس .. وشربت !!
وكان الدينمو يشتغل وطفيته !!
<<-- الضعيّف يجاوب بذمه

إقتباس
الموهم (( ايقونة زول ماز(ن) زقارة ويسوي دواير بالدخان عشان يصرف الموضوع ))


الحين ماصدقت إني أبطيت بثوبي ساعة إلا ربع!!
وتبي تقنعني إن فيه زول (يسوّي دوائر) !؟ الحين خله (يكّن) ويصير خير !! يا اخي لو يكنّ الزول (تشنجت) خشته !!

وبعدين وأنت تقول زول يدخّن ..
مدري ليه تخيلت شكل (أفغاني مخنجر) !!
وفلبيني (أسود) !!
وبنغالي (دب) !!

-----
مميز يا نيوتن في (فكرك) و في (طريقة حبك للهلال) و في (عيارتك) !!

-----------------------

حبك هلال

إقتباس
تشكر اخوي مغاط . على الكلام الرائع . وبإذن الله ابناء الزعيم بيكون عند حسن الظن وانشاء الله البطولة هلالية
ويتوجون بالذهب لإهل الذهب .



الله يسمع منك يا أوخييّ .. وبإذن الله يتحقق اللي في بالك وبالنا .. ألف شكر يا بعدي ..

-------------------

لي عودة إذا أسعفني الوقت ..
وألف شكر لكل من (وطأت عيناه أرض هذه الأحرف)) !!


اضافة رد مع اقتباس
  #102  
قديم 25/03/2008, 05:08 PM
زعيــم نشيــط
تاريخ التسجيل: 11/07/2004
المكان: اينما كان الهلال
مشاركات: 564
مغاط

وشلونك الله يحييك ..

لم استطع المشاركة بالمنتدى منذ ايام بسبب تواجدي خارج البلد ولذلك اعذرني ماجيت الا متأخر ..

الزبده ..

ياخي احس اللي صاير كله فلم هندي من النصراويين واحس فيهم صياح وبداها واحد من الجمهور قامو هلوها عبرات كل ابوهم والاسباب متعدده ولاتمت للكرة بصله ومن ضمنها الغربة

وفي نفس الوقت قاعد افكرلو فازوا بالكاس لاقدر الله وش راح يصير !!

عموما مايحتاج اثني على ماكتبت والله يوفقك ويزيدك من هالابداعات ماشاء الله ويوفقنا اجمعين ونحصل على بطولات الموسم
ونبعد عن الثقه والغرور والتعالي على الكوره

تحياتي وتقديري
يورو
اضافة رد مع اقتباس
  #103  
قديم 25/03/2008, 05:30 PM
زعيــم فعــال
تاريخ التسجيل: 27/11/2006
المكان: ~ الرياض ~
مشاركات: 492
الله يعطيك العافافية اخوي

<<<<<<<<<<<<لاعدمناك واصل والله معك>>>>>>>>>>
اضافة رد مع اقتباس
  #104  
قديم 25/03/2008, 06:00 PM
كاتِبٌ هِلَالِيٌ مُمَيّز
تاريخ التسجيل: 27/06/2005
مشاركات: 437
ماشاء الله تبارك الله...
منذ تاريخ إنشاء هذه الشبكة لاأعتقد بأنها حظيت بقلم مثلكم يجمع بين الكتابة الساخرة(الفكاهية) والطرح الحيوي الملامس للواقع...

نعم العزيمة ثم العزيمة هي التي تحقق الذهب والنوم بالعسل لن يجلب لك سوى الندامة....

بكائيتهم لم تكن مخطط لها أبداً كما ذكر البعض, ولكنها كانت من إنتزاع كامل للثقة في دواخلهم...

وإلا فريق بهذا التاريخ يبكي أنصاره بهذا الشكل الغريب, هي دلالة أكيدة على أن إنجازهم كان أكبر بكثير من قدراتهم...!!

وإن أصدقتني القول أتمنى من كل قلبي أن تغيب صور بكائيات الخصم عن لاعبي الهلال, فدموعهم هي التي ستخسرنا المباراة...

دموعهم وهستيريتهم توحي للمتلقي بأنهم حققوا مايريدون, وأن غاية مناهم الوصول للنهائي, وهي حالة ستخدر لاعبينا كثيراً...

عزل اللاعبين عن مايدور في الأعلام مهمة شاقة وجبارة....

العزل هنا مقصوده ليس العزل المادي والمباشر فهذه مستحيلة إلا بغوانتامو, ولكن ماعنيته تحديداً هو العزل النفسي بأن مايحدث ليس له علاقة بالمباراة النهائية وأن هذا الفريق سيكون بصورة مغايرة تماماً بالنهائي...

أقول أخوي مغاط, ياليت ياغالي تكبر حجم الخط, فالسلبية الوحيدة في مقالاتك هي حجم الخط من وجهة نظري ( ماعليش تحمل هيك ملحوظة من أخيك)

دمت زعيماً....
اضافة رد مع اقتباس
  #105  
قديم 25/03/2008, 06:48 PM
زعيــم فعــال
تاريخ التسجيل: 05/05/2007
مشاركات: 322
مبدع مبدع مبدع الله يعطيك العافيه ومشكور على هالموضوع الزين
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 12:55 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube