Relife
شفت هالتثبيت .. تراه نتاج لإبداعك في الردود .. وطريقتك المميزة في القراءة .. ويمكن إني قلت لك في رد من الردود .. أنت أحد المميزين في هالقسم
وقدرت تاخذ لك خط سير مختلف ..
بالنسبة لموضوعك .. وبالتحديد موضوع "مجانية الجمهور" ..
- يا رجّـال من فاضي لجمهورهم يدعمه ؟! كلن معه آلة طابعة .. وشغـّال تصاريح !! بلا دعم جمهور بلا شاورما صاج !!
- لعب الإدارة النصراوية على وتر (العاطفة) !! وقدرّوا (يسيّرون الجمهور) على حسب هواهم !! لذلك "شف العاطفة اللي بدون عمل وين توّصل" ؟!
- الإخلاص في "دستورهم " هو أن (تسبّ وتشتم وتسعى لإحراق الهلال) إذن فأنت عضو داعم !! و ابن (بار) !! ومن جنبها .. قصدي (مخلص) !!
- ما ضيعهم ( إلا حنا ) .. لأنهم منشغلين في (أمورنا الشخصية ) أكثر من بناء وعمارة "كيانهم الصبّة القوي أبو 36 بطولة نصهن أجدعه بالبحر وعط أبوك اللي عطاك .. المهم 19 بطولة " لكن بما أن كل شيء في هالوقت "يكبر وينمو" فبرضوا بطولاتهم " حقت المراحل السنية حسبوها" !! والجمهور (يصفق ويهز راسه) !!
الحطيئة .. يوم كرشه عمر بن الخطاب .. انضبط !! وعرف إن الله حق !! لكن (أخوانـّـا) ما لقوا لهم (فاروق) !!
النصر مبدع في " الفعاليات اللامنهجية "
فبدري عليك تلقى أطلق من ألقابهم :
شعاع الشمس !! <<----- على وزن شجرة " عبّـاد الشمس" لأنها تنجذب لها بدون ما تدري !! مثل إنجذابهم للتصاريح بدون "تفكير" !!
الجوهرة السوداء !!
مدري وشو الحمراء !!
ما بقى أحد ما طلعّوا له لقب .. حتى حارس النادي والسكيورتية !! أتوقع لو تدقق .. لقيتهم
مسمين الحارس .. " سنوكا العرب " !!
وسواق الباص حقهم " شوماخر العريجاء" !!
وشاهر الصعيري " آل بتشينو الدخل المحدود" !!
ومصطفى إدريس " المازدا المخروطة " !!
وتواصلا لإبداعهم في الأمور اللامنهجية .. شفهم فاتحين ( مسرح شعاع الشمس ) !!
وما فيه إلا " قوة تمثيل"
والمشاهدين ( هالحكـّام الضعوف) !!
ما أقول إلا الله يعينهم على نفسهم !! الوضع مزري إلى أبعد الحدود !!
تحياتي لك حبيبي Relife .. وانطلاقة نحو التميز بكل ثقة وثبات <<-- ددسن موب " كاتب"
إلا والله مبدع ..
و أعجبتني طريقتك في التصوير .. واستشهاداتك " التاريخية" و تطعيم الموضوع بـ مقارانات "واقعية"
و قفلتك له بـ " عيارة " ..
ألف شكر