[SIZE="5"]
صباح الخير لاحلى أعضاء شبكة ،،



اول شي احب اعطيكم فكرة عن شغالتنا

شغالتنا يا كرام مخروشة الى ابعد حد يعني لما نشوفها جايبه الشاهي نعلن حالة الطوارئ ونزل البزران للملاجئ

لانه عادي عندها تشيل 13 بريق شاهي بيد و10 دلال قهوة بيدها الثانيه وتمشي صافطه الطبلون يعني كنها تصاقط ظلالها

انا اقول لامي احس انها مسكونه بجني كان يشارك في اختراق الضاحية

تصدقون شرينا جهاز تعلقه معها علشان امي لما تبيها تناديها بالجهاز بس للأسف علشان سرعتها صار الجهاز ما يلقط الارسال

يعني لو تبي تعذبها خلها لا تتحرك بس ثواني

وبعدين عادي تناديها وتسالها عن شي ما تدري الا هي رايحه ومخليتك.... مو تطنييش لا بس دباشه

انا احس انها ما قد شافت بشر ولا تدري وشلون يتعاملون مع بعض


تقدرون تقولون انها مخروشه وفي روايه اخرى سبيكه

المهم انا صار لي معها موقف قوي

مرة وانا راقي لغرفتي مروق وادخل غرفتي وانا من عادتي اني ادخل غرفتي وبعدين اعطي الباب كعب قوي(( ماهوب عاقل ياسر القحطاني )) واصكه واقفل غرفتي

واطلع جوالي وانطله على المخده مع انه دايم يطيح ورى السرير وابلش ادوره

وافسخ ثوبي واحطه في مكانه المعتاد اللي هو اجدعه على الارض (( ياعيني على النظافه ))

بعدين اشيل فنيلتي واصفطها لين تصير مثل الكوره واشوتها على المعلاق قصدي الشماعه <<<< خلونا نتميلح عند البنات

بعدين سروال السنه<<<< اموت واعرف ليه سموه كذا ... بعدين الشيعه وش يسمونه سروال الشيعه خخخخخخ

عني ما يبقى على الا سروال النص

المهم حمامي الله يعزكم جوا غرفتي

المهم يوم فسخت ثوبي قعدت قدام المرايه اتميلح نفسي واكلم روحي وانكت شوي وامسك المشط واتخيله مكروفون واغني الامااااااااااااااااااااااكن يعني قمة الطرب

واستعرض عضلاتي والعب كراتيه مع صورتي بالمرايه . واكلم نفسي بالمرايه واقول بتعقل انت والا هههههههههه
وارفسه برجلي خخخخخخخخ

وبقية الحركات اللي انا دايم اسويها بشرط ما يكون عندي احد



عاد وانا متجهه للسرير وألتفت التفاته<<< الله اخيراً قلت حانه من زمان وانا ودي اقول هالكلمه
المهم يوم حانة مني التفاته للحمام وش شفت

صليحه<<< اسم شغالتنا .... واقفه بوسط الحمام وماسكه مكنسة وسطل وهي منصدمه

قلت لها صليحة خيررررر وش عندك .. زي العاده ما ردت رجعت مرة ثانيه بالاشاره اسالها وش عندك كل هذا وانا عند السرير<<<< ما يكذب ابـــــــــــــــــــــــد

وجلسنا اناظر بعض اللي يشوفنا يقول والتقى الحبيبان وانا ودي اخذ المكنسة اللي معها واكنس البهاق اللي بوجهها

ثم امسك راسها وادخله بوسط السطل اللي فيه مويه علشان اشوف من وين ينسم راسها

واصرخ عليها يا دبشه ورى ما تكلمتي وعلمتيني انك هنا

وكالعاده كنك تكلم جدار

المهم لاني عارفها دريت انها يوم سمعت صوتي انخرشت ولا درت وش تسوي

وبذهانتها الخارقه قالت بقعد هنا ومهب شايفني .... لعنبو دارك ودار مخك

عاد انا قعدت اتذكر وش كنت اسوي يلعن ابو الفشيله بس اللي مهونها علي قلت اشوى اني ما فسخت كل شي

كان انا اللي بطلب من اهلي يسفروني انا مو هي

المهم اني قلت لها خلاص امشي اطلعي وانا ابي افتح باب غرفتي اسمع امي جايه لغرفتي وتناديني

يا سلاااااااااااااااااااام على الحظ


انا والشغاله بغرفة نومي والغرفة مقفله وانا كاسي عاري ما علي الا سروال نص

يعني امي لو هي عمياء بيروح علطول بالها لذاك الشي

يعني التهمة لبساني لبساااااني


علشان تعيشون معي الموقف



وانا اعرف امي ماراح تروح الا اذا فتحت الباب

في هاللحظه .... خطرت في بالي فكرة انما ايه ما تخرش الميه

لي اخو يدرس برى وامي تموووووت فيه واذا دق تركض امي ركض كأنها بنت جايتها رسالة جوال خخخخخخخخخخ

فقفزت على السرير واخذت الجوال ودقيت على بيتنا ورد على ولد اختي من تحت قلتله انا خالك بدر وين جدتك بسرعه انا اكلم من برى

فقام البزر يصوت لامي خااااااااااااااااالي بدررررررررررررر بالتلفووووووووووووون

امي اول ما سمعته يصووووت تدروشت وتلخبطت وقامت تقول يووووووه قله انها فوووووووق وصارت تمشي وتدور التلفون اللي فووووق وهي تقووول افففففففف وين ودت التلفون هالشغاله

وانا في نشوة الفرح لنجاح خطتي الجهنميه اذا بصليحه <<<< مرة ثانيه اسم شغالتنا

اذ بها يوم سمعت امي تقول (وين ودت التلفون هالشغاله) اذ بها بأعلى صوتها تقول... فوق مكتبه يا ماما


انا من قوة غبائها والحركة اللي سوتها ما استوعبت الموقف قعدت لحظات علشان مخي يتعرف على هالموقف بس ما لقى اي موقف مشابه قد مر عليه يعني سبق مو صحفي سبق غبائي لهالشغاله
الادميه ذي ذكائها خارج التغطيه الا مخها منتهي الصلاحيه هذي طفرة في الدباشه


المهم انا صرت ما اسمع لامي صوت مدري هي سمعت الشغاله والا لا


يوووووم جت المصيبه

وانا واقف عند الباب اتسمع والشغاله جنبي

اذ بصليحه تمسك عروة الباب وتبي تفتحه فرمقتها <<<< حلوه رمقتها ذي صح خخخخخخخخخخ

المهم رمقتها بعيني يعني وش تبين قالت لا بابا افتح الباب لا بابا حرااااااااااااااااااااااااااااااااام لا باب ايش يبغى انت لا بابا انا حرمه كبير انا حرمه فيه بيبي حرااااااااااااااااااااام بابا

ياسلاااااااااااااااااااااااااااااااااااااام الاخت فاهمه غلط تحسبني اسوي كل ذا علشااااني ابيهاااااااااااااااااااااااااااا
مدري اضحك والا اصيح والا وش اسوي فيها


من زينك انتي ووجهك والله أن محمد نور احلى منك

لعنبو شكلك لو تطب علينا الهيئه اخذو علي تعهد وانتي سجنوك مؤبد وراح يسوولي انا كشف حمل مو انتي <<<<< قويه شوي خخخخخخخخخخخخخخخخخخخخخخخخخ

المهم الآدميه مصره تفتح الباب وما دريت الا هي فاتحه القفل وامي جنب الباب تقول ,,,, صليحه!!!! صليحه انتي هنا

وقبل ما تفتح امي الباب دورت بسرعه سروال السنه ولقيته على الارض وامد ايدي باخذه.<<<يعني اذا لبست بتنحل القضيه

... في هاللحظه فتحت امي الباب

ولا لقيت تصريفه لوضعي وانا ماد ايدي للارض باخذ سروالي الا اني لا ارادياً قلت

اللللللللللللللللللللللله اكبررررررررررررررررررررر<<<<< ايه سويت نفسي اصلي واسجد

خخخخخخخخخخخخخخخخخخخخخخخخخخخخخخخخ
وش اسوي ما لقيت اي تصريفه وبعدين ما ابي امي تسالني عن شي فاحسن شي اسوي نفسي اصلي

المهم اني في نفسي اقول يارب انها ما تلاخظ اني اصلي وانا شبه عاري


امي دخلت وتنحت شوي بعدين قالت للشغاله وش قاعده تسوين لكن كالعاده الشغاله اكلت تبن وسكتت وطلعت

وقفت امي شوي وانا قاعد اصلي واقول في نفسي اشوى انها ما انتبهت اني متفسخ

المهم شوي الا و يوم قالت لي اجل تصلي هاه !!!!!!!!!! وانا اللي ابلع ريقي مو بس ريقي الا حتى اللوز بلعتها
قالت اجل تصلي,,,, زين بس ترى القبله غرب وانت تصلي شرق

وطلعت وصبخت بالباااااب بقوووووووووووه


يوووووووووووووووووووووووووووووووه انوااااااااع الصدماااااااات ياربيه وش اسوووووووي والله اني مظلوم ومع التكرونية .

واقعد افكر يارب وش اسوي والله اني مظلووووم <<<<<<رحمتوني صح

واقعد افكر وافكر ,,,,, قلت احسن حل الصرااااحة واللي يصدق يصدق واللي مو مصدق لا يصدق

ولا انتبهت لنفسي الا بعدين طول فترة تفكيري وانا قاعد اكمل صلاتي خخخخخخخخخخخخخخ

المهم لبست ملابسي ونزلت ورحت لامي وهي من هوووول الموقف قاعده تتنافض وتحتري ابوي
يوم جيت صرخت بوجهي لا تكلمني ولا تلمسني ابعد

قلت اسمعي
الصدق مجراه والكذب مفراه
قالت وشو
قلت الصدق منجراه والكذب مفتراه
قالت وش تقول انت
قلت اففففف الصدق زين والكذب شين وشوله الفلسفه
وقعدت اقولها كل اللي صار واحلف ايمان واقسم بالله

والحمد لله لان امي واثقه فيني صدقتني

بس مدري ليه سفرو الشغاله بعد يومين<<< الى الحين ما فهم انهم سفروها لانهم ما صدقوه خخخخخخخخخخخخخخخخ

بالنهايه احب انصح اخواني الشباب انتبهو تتفسخون بغرفكم وعندكم شغاله اسمها صليحه<<<< متعوب عليها النصيحه خخخخخخخخخخ


وسلااااااااااااااااااااااامتكم


.

راكان _20_

إقتباس صبحك الله بالخير أخوي عاشق

صباح النور .

إسمحلي بالمقدمة البسيطه هذي و لا تزعل يا الغالي :

لا عادي تفضل وخذر راحتك .

إقتباس أحسن إنك شيفه و شين و تحوم الكبد

احساسك في مكانه وشكرا يالغالي على المدحه والكلام الحلو .

إقتباس يعني بالعربي الفصيح الخدامه ما تخلت تنظم دورة المياة اللي بغرفتك إلا أنها عارفه ما راح ينغزها قلبها مع واحد مثلك الله يطول بعمرك إن شاء الله .

ليش يالحبيب تبيني انا الي أنظف دورة المياة حقت غرفتي !!! غريبه

إقتباس ثاني شي ما تحس إنك كثير الحكي الله يخليك لنا و لا يرحمنا من إبداعك يا الغالي

أنواع التناقض كثير حكي ،،، ولا تبي تنحرم من ابدعاتي .

إقتباس ثالث شي باقي ما قلتلنا وش أكلت وين رحت متى صحيت متى نمت .

ما اكلت شي لاني مسوي رجيم .

إقتباس و بعدين أول مره أشوف الواحد يخلي غرفته مفتوحه و تنظفها الشغاله ، إفرض حصلت شي من خصوصياتك ،

تكفى راكان لا تقول لي انك انت الي تنظف غرفتك .

إقتباس شافوا صور شافوا إيصالات حقت محلات ( يا ما و ياما أكلتها و رحت فيها ) إفرض حصلت فلوس ...

بالنسبه للصور ما عندي شي اخاف منه ،،،

وبالنسبه للفلوس ببنوك سوسيرا ،،، يارجال كلها كم خمسينات والا كم مية وعارف كم معي دراهم .

إقتباس غريبه منك يا عاشق

ما غريب الا الشيطان وانا اخوك .


وشاكر لك مرورك أخوي راكان ولو انه كان فيه كثير من العتب علي .

@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@


ماجد مقبل

إقتباس الله يرج ابليسك ياشيخ

ويرج إبليسك معي

إقتباس قسمن ان خدي بيتشقق من الضحك

دوم هالضحكه وربي لا يحرمنا من الضحكه يا حبيبي .

إقتباس اجل الصدق مجراه والكذب مفراه

لا تعليق

إقتباس ياشيخ مسكينه صليحه طاحت في براثنك

يارجال والله انا المسكين لو غيرها كان يمكن .

إقتباس >> لا تقول لي وشو براثنك

لا تخاف عارف معناها ،،، بس لا تقولي وش معناها يافهد ،، ماله داعي تحرجن .

إقتباس والحمد لله على سلامتك اخوي عاشق الفيلسوف

الله يسلم قلبك ،،،


و

إقتباس على طاري ها السالفة ذكرتني بموقف اصعب من الصعب صار لي من يومين

الله يكفينا الشر

اتصل على احد اصدقائي الغاليين وجلست اسولف معه المهم قالي انه رجع لدوامه الاول في مستشفى !!

وانا اعرف ناس في المستشفى فسالته شخبار الدكتور ... واخبار الممرض ... واخبار الدكتور ة .....

انا يوم قلت الدكتورة حسيت في التماس كهربائي صاير عنده

أثره يكلمني وحاط اسبيكر والمدام عنده

حاولت ارقع يمين يسار بس شكل الدعوه خربت واقفل السماعة ...

الا شوي يدق علي ويقول ماجد طلبتك تتكلم بصدق ابي الاهل يسمعون انا بيني وبين الدكتوره شي

انا بصراحة من زمان حاقد على زوجته احس انها مسيطرة عليها ومنكدة حياته بس عشانه تكلمت وقلت سلامات وين عايشين فيه تراه دكتوره كبر امي ومتزوجه . والحمد لله على العقل
واسمعها تقوله قله يحلف

اه بس اه من بعض البنات العقل عندهم متجمد تحت درجة الصفر


وبس


من جد أنواع الاحراج ،، والله يعين بس ترى الحريم حبوبات ،،، وكل هذا عشانهم يغارون علينا وخاصة اذا كان الواحد شين مثلي على قولة راكان .


وشرفني مرورك يالغالي على الموضوع .

@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@

لولاه غالي

إقتباس عاشق قسم بالله انك منت بصاحي سلملي على صلحية وعلى عجوزك ترى ماشكوبك بالمره هههههههههههههه

هلا وغلا ،، لولاه غالي مرورك أسعدني ،،، وبالنسبة لصليحة تسلم عليك وصلت ديرتهم ،،،

أما بالنسبة لعجوزنا من عيوني أسلملك عليها ،،، واخليها تدعي لك بعد وش تبي أكثر من كذا .

إقتباس وانت ياراكان الله يصلحك تمشي بالمثل خالف تعرف ارفق على عمرك لايطق بك عرق ذبحتك المثالية

لا تعليق .

إقتباس على الاقل موضوعه وش زينه يوسع الصدر

الله يسلمك وهذا من ذوقك


@@@@@@@@@@@@@@@@@@@@@@@@@@@@@@@@@@@@@@@@@@@@@



كلنا هلاليين

إقتباس صبحك الله بالخير أخوي عاشق إسمحلي بالمقدمة البسيطه هذي و لا تزعل يا الغالي : أحسن إنك شيفه و شين و تحوم الكبد يعني بالعربي الفصيح الخدامه ما تخلت تنظم دورة المياة اللي بغرفتك إلا أنها عارفه ما راح ينغزها قلبها مع واحد مثلك الله يطول بعمرك إن شاء الله . ثاني شي ما تحس إنك كثير الحكي الله يخليك لنا و لا يرحمنا من إبداعك يا الغالي قسم با لله عيوني حولت من القرايه ثالث شي باقي ما قلتلنا وش أكلت وين رحت متى صحيت متى نمت . و بعدين أول مره أشوف الواحد يخلي غرفته مفتوحه و تنظفها الشغاله ، إفرض حصلت شي من خصوصياتك ، شافوا صور شافوا إيصالات حقت محلات ( يا ما و ياما أكلتها و رحت فيها ) إفرض حصلت فلوس ... غريبه منك يا عاشق المهم النصيحه هذي الله يطول بعمرك ما راح تفيد أحد لأن أصلاً ما فيه أحد يسويها يا الغالي تحياتي لك يا مبدع ههههههههههههههههههههههههههههههههههههههههههههههههههههههههههههههههههههه والله جبتها يا راكان

حاولت أفهم على أيش تضحك ما ادري ليش ؟؟؟

وشرفني مرورك

هلا و غلا با الغالي

الكلام كله مزح و يروح و يجي و ما كان فيه شي جدي

الموضوع مضحك قمنا ضحكنا معك

تقبل مروري

ولأني أريد لك الخير , انتبه من كيدهم إن كيد الشغالات عظيم