|
طلاب الثانوية [بين صعوبة الطبيعي و قلة وظائف الشرعي] {رأيك..!} السلام عليكم ورحمه الله وبركاته تحياتي لجميع زوار الموضوع سواء أعضاء أم زوار بدأ قرب نهايه الفصل الدراسي الثاني سواء قربت أم لم تقرب الى الآن فحتما هي قادمه وبدأ طلاب الأول ثانوي في التفكير لأي التخصصات يذهب الشرعي أم الطبيعي(العلمي) بعض الطلاب الذين أباتو النية للذهاب الى الشرعي فقد كنت أحدهم وقد تغير رأيي..! لأسباب عديده أهمها.. 1- أن وظائف الشرعي غير مضمونة وقد قالها لنا أستاذ ماده الأحياء بالحرف الواحد0(تبون شرعي عشات ماتلقون وظائف حتى بالشارع...!؟) 2-قله التخصصات الشرعيه يعني على مأعتقد أنها يامدرس أو قاضي يعني اشياء قليلة على حسب أعتقادي 3-جميع الأساتذه الآن لايدعمون فكرة الشرعي أبداً اما أذا أتينا للطبيعي(العلمي)..له سلبيات ايضا.. 1-صعوبة المواد الموجودة في التخصص 2- كثره القوانين (معادلات,رياضيات,الخ....) 3-أحباط بعض المدرسين للطلاب عندما قالأحد المدرسين:(الطبيعي صعب ومعقد ومعادلاته طويلة واليبي يجي طبيعي الله يعينه) وبدأت أخيراً قرارات تصدر من وزارة التربية والتعليم على طريقة ماهمنا الطالب بدايه من معدل تراكمي الى القياس الى الأختبارات الدوريه التي أضرت بالطلاب والله أنه سلبياتها أكثر من أيجابياتها لأني عشت واقعها وشفت أغلب طلابنا بالعاميه جايبين العيد أخيرا أريد أرائكم في التخصصات أو بالأحرى طرق لمساعده الطلاب في التخصص بغض النظر عن تحطيم بعض المدرسين للطلاب وبالأخير تقبلو تحياتي !!هلالي الرس!! |
حتى الطبيعي والشرعي تخلف عندنا أكل عليها الدهر واحد يقول الاستنجاء أكرمك الله والثاني رياضيات امريكا معادت تدرسه مواضيعه من قدامها ناس عايشة بي العصور الحجرية أحنا ماعندنا غير تطور عمراني يناس الى متى أفتح مصانع وضف الناس بيها بدل القعود بكرة تلقاهم نصهم بتنظيم القاعدة |
مساء الخير بالنسبة للشرعي عند الأولاد أو الأبي عندنا البنات فهو سهل ومشي حالك فيه يعني الأدبي فالينها بس يمكن البنات لأن أكثرهم مالهم نية بالجامعة بس العلمي أنا دخلته وما شفت فيه هذي الصعوبة اللي ممكن تخوف مع إنه مناهج البنات أصعب من الأولاد وأنا مو من النوع الدفرة يعني ما أذاكر أول بأول مع هذا يعين يوم قبل الإختبار يوفي بالغرض أخوي لما كنت في أول ثانوي حسيت بهالمعاناة يعني مافيه أحد يشجع للعلمي بس الحمد لله استخرت ودخلته فأقول لكل طالب والبة أستخير والتراكمي إن شاء الله ربي بيسهل علينا منه مع إنه ضرنا بس شنسوي الشكوى لله أشكرك أخوي على الموضوع المفيد تقبل مروري أختك بني حارث |
المحيط الهلال شاكر لك مرووك ولاكمك صحيح بنت حارث والله مناهج العلمي صعبه وصعبه حييل يعني مافيه تغيير او تطوير في الماده من عرفن الدنيا وهي وحده لكن العلمي سهل يبيلها وانا اخوك شاكر لك مروورك |
أنت الحين شد حيلك وانجح بعدين تعال فكر وش المناسب لك .. واحلق شنبي كانك نجحت ..!! حتى لو حليت زين في الاختبار ما أتوقع ينجحونك المدرسين لثقل دمك يا أبوراس ما فيه أكبر منه إلا راس حنين :D بالتوفيق لكل الطلاب والطالبات وردهs45s << الوردة للطلاب .. والقلب للطالبات s9s |
أدخل طبيعي ترا ماهو بالصعوبه الي تتوقعها وروح لأهليه في ثاني ثانوي وترا من صالحك نظام التراكمي لأن لو جبت نسبة 95% بثاني ثانوي وهي ماهي صعبه حيل والله سهله وجيب في ثالث ثانوي 85% وهاذي اضعف الحلول 95+85=180 /2 تطلع نسبتك 90 وادخل اختبار القياس من ثاني ثانوي وتصير عندك فرصه اربع اختبارات وحاول تجيب فوق 75 إلى 85 ياشيخ قابلني لو جلست بالبيت |
يارجال لايهمونك طع شورى ادخل علمى هو كل شى ولايهمونك اللى يقولون صعب .. وبعدين ترا اولى ثانوى اصعب سنه بالثانويه ويسمونه المدرسين ( المقبرة ) لانه كثيررررررررين يرسبون به .. انت اهم شى انجح واذا قدرت تدخل بثانى ثانوى اهليه ادخل وجب نسبه فوق 95% وان شاء الله كل شى قدامك والله يوفق الجميع |
أخوي انصحكـ بالعلمي لأن التخصصات العلمية بالجامعة أكثر يعني مستقبل العلمي احسن :yes: وبالنسبة للصعوبة أقولكـ شد حيلكـ وتوكل على الله ومافي شي صعب الي نجحوا من قبل مو أحسن منكـs60s وأهم شي انكـ تستخير وتتوكل على الله والله يوفقكـ ان شاء الله وييسرلكـ:) |
. . . أناآآ الحــــين داخله طبيعي \ علمي ,, بثاني أنصحك تدخل علـــمي ماهو بذيك الصعوبه خاصة ان كنت مهتم بالرياضيآت وعارف الأساسيات ترا بتمشي وبسهوله ,, العلمي يبي له شد حيـــل من البدآيه وكل حصه انتبه لها زيـــن ,, وبس :smilie47: وانا الحين مستناسه بالعلمي وحتى اني احب المدرسه يعني مع هموم النسبه والدوري الا ان في العلمي متعة خاصه :smilie47: والحمد لله الترم الأول انا جبت نسبه حلوه فوق الــ 95% ,,, ولا يلعبون عليك اللي يقولون علمي انسى الوناسه :nono: الحين فصول العلمي فالينها أكثر من الأدبي يعني وناسه والطبيعي ان شالله الوظايف فيهآآ مضمونه :d,, عكس الشرعي وهذي أهم أهم نقطه s60s "ويا مدور الهـــين ترآ الكايد أحلا :pirate:" , |
أستأذنك أخوي في التعقيب على بعض الردود حكر المنحكر أنا اللي سمعته من بنات ثالث إنه ثاني أصعب يعني ثاني شد الحيل على أصول بس بغيت أسأل ألحين نقدر نقدم على القدرات من ثاني أخوي أحمد صادق أولى ثانوي جدا صعب والتكدس فيه مو طبيعي هلالية لآخر قطرة زي ما قلتي بنات العلمي فلة ووناسة أنا لما كنت في أولى كانوا يقولون لي بنات العلمي شريرات ومكشرات بس اللي شفته غير كذا آسفة أخوي على التدخل مرة ثانية |
انا شف الحين بثالث طبيعي وانا مثلك ومثل الكثيرين يوم كنت باول ثانوي كنت اسمع كل العالم يسبون في الطبيعي ولكن يوم دخلت والله انه فله وانا والله منيب دافور ولكن على الاقل تضمن شي من مستقبلك ولو بايش طبعا انصح الجميع بان لاتفوته ثاني ثانوي سواء اللي بيروحون لها او الان فيها انا للحين متحسف على قد شعر راسي على ماضاع مني بثاني مع انه ليس بالكثير لو تحصلي فرصة اعود لثاني لعدت |
الله يوفقكم سواء علمي وادبي مدري شرعي وطبيعي ... بس تدري الحين وشوله اختبارات قدرات ؟؟؟ سوؤال يطرح نفسه صح انه من الانصاف فيه اختبارات قدرات بس اجل ليش قدرات ووزاره <<< لاتقولون مافيه للحين هم ساكتين اقالهم بيفاجئونا ولا الا هالدرجه القرار صعب انهم يوقولون مافيه وزاره [[[هم بيعجزون عالطلاب بأي وسيله ]] قالو نخليهم محتارين فيه وزاره ولا لاء [[والله وترونا كل يوم قرار نازل ]] ومن بكرا يغيرون القرار [[الله يسهل بس ربك انشاء الله يفرجها من عنده ]] لميـــاء |
يـالغـآلي أختـر التخصـص الي تحـس أنك تبـي تبـدع فيـه ،، وصـدقني رآح تلقـى نفسـك فيـه ،، لو افترضـنـآ أنك تخصصت شرعـي ،، فـ المجـآل مفـتوح أمـآمك ،، لغـآت بـشتى أنوآعـها ،، تخصصـآت دينية ،، قضـآء ،، مـحـآمـآة،، اقتصـآد ،، إعلام ،، ولآ تنـجرف ورآ الي يقـولون أدخل طبيعي والشرعي مـآ له مستـقبل ،، كثيـر الي مشـوآ ورآ هـ القـآنون ،، وبعد التخرج ،، توجهوا لـ تخصصـآت شرعية ،، بالتوفيق لك ولـجميع الطـلآب :)،، s45s |
هلا بـ عزوز:smilie47:.... اول شي اقوله لك...ادخل التخصص اللي يريحك"نفسيا" واللي تحس انك بتمشي فيه...وماعليك ان شاء الله... اما اللي يقولون شرعي ماله مستقبل فهم"......" فيه ناس كثيرين اعرفهم دخلو شرعي وتخصصوا احسن التخصصات...ومنهم واحد من اخوالي الحين هو في الاتصالات ويستلم راتب محترم.."لأنه دخل تخصص انجليزي" ونسيبي دخل شرعي وهو الحين يدرس في التربيه الخاصه وراتبه قووووي... وكثيييير ناس دخلوا شرعي ولقوا كل خير... بس الحين ترى القياس هو اللي يسوي كل شي..!!! انا الحين في ثالث شرعي ونسبتي في ثاني وفي الفصل الدراسي الاول حلوووه...الحمد لله... وان شاء الله اني ابدخل تربيه خاصه او انجليش.. لكن اللي ترتاح له ادخل له... وانصحك تستخير... ...والله يوفقك... |
خلها على ربك اخوي واللهي يافيه ناس يجون من دول الخليج ويدرسون عندنا وبتخصص الشرعي ويجيبو معدل طايح اقابلهم بعد فتره او اسمع عنهم اخبار انهم ماشاءا لله عليهم بعثى في اوربا او يدرسون بتخصصات جيده في احدى جامعاتهم حنا بالعربي الشرعي مهضوم حقه والعلمي صعب الواحد ينجح بمجموع جيد يعني الله يعين الطلاب والله يوفقهم |
| الوقت المعتمد في المنتدى بتوقيت جرينتش +3.
الوقت الان » 01:50 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd