|
موضوع هام .. بخصوص أطقم الفريق السلام عليكم تعقيباً على موضوع اخوي Dr. Phill يعطيه العافيه على المجهود الواضح في إبتكار اطقم جديده للنادي.. اقترح انا اقتراحات ممكن برضو توصل للإداره وتتطبق.. لان حان وقت التغيير صراحه في ناس تجي تقول مو مهم الطقم .. المهم الـلعب والفوز وزي كذا انا اقلك شوف الفرق العالميه كيف تهتم بالأطقم .. وشوف الهلال النادي الكبير على مستوى المملكه كيف.. الظاهر ان الشي الوحيد الكويس في طقم الهلال انه من شركه ADIDAS فقط لاغير مااتوقع ان فيه ذاك الإهتمام بالطقم .. مع ان اغلب الفرق العالميه بتغير طقمها بشكل سنوي.. وانا اشوف ان نادي بحجم الهلال مفروض يهتم شوي بس باللبس .. ولو ان لبس الهلال يتطور شوي وينحط فيه على الاقل فكره وحده من افكار الأعضاء.. كان تشوف الطقم ناجح !! لكن ماني داري مين بيخترع الأطقم في النادي !!:upset: زياده عن كذا.. التوزيع للأطقم الأصليه كان سيء جداً صراحه .. انا والله قعدت شهرين ادور على طقم الهلال الأصلي بين محلات الفالح ومدري ايش.. وماطلعت بأي نتيجه وفي الاخير لقيتها بس الطقم القديم !! ,, قعدت متابع لهم يومياً وهم يقولولي لسه مانزلت وفي محلات Go Sport نزلت بشكل محدود جداً حدود الـ 20 قطعه فقط !! وبعدها مانزل ولا شي يتعلق بالنادي الحركه هذي لها سلبيات كثيره .. لأن الشعب كذا راح يشتري الأطقم المقلده والي تستغل شعار نادي الهلال على حساب تسويق البضاعه .. والشعب مو لاقي الشي الأصلي !!! اتمنى من الإداره انها تطور شوي بس حكايه الأطقم .. وحكايه إكسسوارات نادي الهلال خصوصاً نادي بحجم الهلال الي له الشعبيه الأولى في السعوديه او على الأقل تفتح محلات خاصه بالنادي للإكسسوارات او للأطقم.. دام انها مهي قادره توفر الأشياء الأصليه في الموزعين المعتمدين .. كالفالح وغيره ! وبما اننا تعاقدنا مع شركه تبتكر اشياء حلوه زي موبايلي اتوقع انها تطور الشي هذا كثير.. ويسير النادي مايقتصر فقط على التمارين واللعب وزي كذا.. كمان توسعه وتستثمر في الشي هذا.. ويسير فيه Fashion Line لنادي الهلال .. نظراً لشعبيته الجارفه تخيلو لو وزعو الأطقم الرئيسيه .. الرديف .. وأطقم التمارين الي يتمرنو فيها اللاعبين وينزلو الطقم مع ارقام او بدون .. وبشعار موبايلي والله راح تكون الفكره مفيده للجماهير .. ومفيده للنادي نظراً للمدخول الكبير! ارائكم.. |
فعلا مافيه ذاك لاهتمام من ناحية الطقم ومن ناحية بيعها والاستفادة من العائد الي منها الزبدة مافيه ذاك الشغل الاحترافي |
الصراحه طقم الهلال يحوم الكبد ودي يغيرونه ويخلونه نفس طقم الميلان الابيض والله روعه وفعلا اللي مزبطه انه من شركة اديداس |
اتوقع لو الجمهور يحرص على موضوع الاطقم بتهتم فيه الاداره .. اقتراح : اتمنى من موبايلي انها تنشأ محلين في الرياض والشرقيه كابدايه يكون اسمه الهلال او الزعيم يكون خاص فقط بكل شي يتعلق بنادي الهلال وتكون فيه اطقم موقعه من اللاعبين واعلام تكون حلوه بدل الي تشرتيها من الملعب وماتدري وش مكتوب فيها واخر المباراة تتفاجأوتلقاء العلم ازرق ساده ماتدري وين راح الابيض والكلام الي فيها. والله بيكون لها دخل كبير وبتتأكد من ان كل شي اصلي واتوقع ماراح يكون شي صعب على موبايلي *.... مشكور BmB&Mj على الموضوع الحلو..تقبل مروري *الله يعين موبايلي علي كثرت عليهم. |
الفكر التسويقي في نادي الهلال ضعيف جدا بالرغم من النقلة النوعية بعد موبايلي . . . عبدالله بن مساعد يؤكد على ضرورة إستثمار قوة الجمهور الهلالي الشرائية . . . لكن ما أدري إيش يسوس الشمري مسئول التسويق في النادي !! شي غريب فعلا . . . |
فعلا مافيه ذاك لاهتمام من ناحية الطقم ومن ناحية بيعها والاستفادة من العائد الي منها الزبدة مافيه ذاك الشغل الاحترافي |
والله الهلال ما يهتم في اللبس ابد وفكرتك حلوة وياليت تاصل للادارة |
والله الهلال مــايــهمه اللــبــس ,,,, اهــم شــي البــطولات والزعيم يبقى زعيم :) ,,, وبالتوفيق للزعيم ,,,, |
يعطيكم العافيه على الردود ,, وحلوه فكره الأعلام .. تدخل ضمن الإكسسوارات ! |
اخوي انت تقول ( لكن ماني داري مين بيخترع الأطقم في النادي !!) محد بالنادي يقوم باختراع الطقم بالنادي وطقم زعيمنا حاليا هو نسخه بالكربون من طقم نادي تشلسي الانجليزي،، وتشلسي نادي كبير وطقمه رهيب جدا واللي يصمم الطقم شركة اديداس الالمانيه وليس شخص بالنادي هل الطقم لهذه الدرجه مهب معجبك؟ |
إقتباس:
كلامـــــــــــــــــــــــــــــــك سلــــــــــــــــــــــــيم للغاية |
اللبس نفس طقم تشلسي الإنجليزي بعدين الأنديه الأروبيه تغير الطقم للأستفادة من الدخل المادي |
فيه محل بيفتح خاص كل شي للهلال كاتب على المحل عفواً المحل للهلاليين فقط على عبدالله بن عباس قبل الرومانسية على اليمين يجيك الحين مدري هم افتتحوه ولا توم بس انا جيت قبل ثلاث اسابيع قالي صاحب المحل بنفتحه قرريب هذا الي حبيت افيدكم فيـه تقبلوا مروري |
زيــــــــــــــــــــــــــ كــــــــــــــــــــــــــذا |
| الوقت المعتمد في المنتدى بتوقيت جرينتش +3.
الوقت الان » 07:03 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd