من روائع عبدالرحمن بن مساعد... - نادي الهلال السعودي - شبكة الزعيم

أسيرة الزعيم · #1 21/03/2002, 07:16 PM

أعجبتني هذه القصيده للرائع .... عبدالرحمن بن مساعد

وحبيت أن أنقلها لكم أيها الأعضاء الأعزاء.....

عنوان القصيده...اسأل الأعمى....

اسئل الاعمي .. ان كان في نومه يشوف..

ليه يصحى..

واسئل الى مادرت عنه الهموم..

الى درا ان العمر محدود....

وان الفرح مهما اختفي.. موجود....

اسئله ليه ينوم؟

وان جاوبوك اسئلني ليه حنا افترقنا...

ياصاحبي مابه سبب لفراقنا...

غير اننا جينا بزمن ماهو زمنا...

ياصاحبي مابه سبب لفراقنا....

غير اننا في حبنا عشنا الصدق....

وفي وقتنا وشهو الصدق...

في وقتنا لجل القاء تكذب....

ولجل تاصل ماتبي تكذب....

ياصاحبي خذها من جرحي نصيحه....

كانك تبي تاصل ؟ اكذب .. اكذب .. اكذب..

الصدق في وقتنا اصبح فضيحه...

في وقتنا دايم تهيم في شي ماتعرف مداه....

دايم تهيم فلي بعد عن سكتك....

والي زهد في محبتك...

والي فيدك ومتحمل جروحك معك...

مايهمك.... تنساه...

ولو تقتله مايالمك وبقدامك تاطاء على دماه....

ياصاحبي وقتنا في اوله ضيعنا اولا القبلتين....

وفي آخره الله اعلم وش بيبقي..

في وقتنا صار الغدر شيٍ عظيم....

والوفاء ماظنتي ان كان بتدور بتلقى....

ياصاحبي في وقتنا اطول مسافه ممكنه...

تمشيها بين النقطتين...

الخط المستقيم...؟؟

ياصاحبي في وقتنا وقت الالم...

من يسمعك مهما حكيت..

من ينصفك مهما شكيت..

منهو الى مايضحك اذا ذلتك دنياك وبكيت...

ياصاحبي في وقتنا ..

ماللمشاعر ناس..

ياصاحبي في وقتنا لبعض القلوب احساس...

ياصاحبي في وقتنا وقت الكلام...

وقل الفعل لامات احد وانتقل لعلا رفيق...

من طيبنا نحزن عليه...

نصلي عليه....

ناصل معه للمقبره...

وفي المقبره غير الدعاء وقولت الله يرحمه...

مابه كلام وندفنه .. ولادفناه نبكي...

بدون دموع او بدموع ...

المهم بعد مانبكي نتركه ونروح...

وتلقانا نقول مسكين يافلان مسكين...

من دنيتك وش الى خذيت؟....

وبعد باب المقبره بشبرين...

واقل من الدقيقه لامن دخل فينا الزحام...

من طيبنا نضحك ونسمع اغنيه....

لجل نتسلي في الطريق بين المقبره والبيت...

ياربي سبحانك يالي تجير من العذاب ....

قلوبنا وش صابها ؟....

في وقت غدا بين الحياه والموت ...

وبين البكاء والضحك ...

شبرين ودقيقه وباب....

ويديننا الى قد حثت في وجه ميتنا التراب...

هي نفسها الى بعد شبرين واقل من الدقيقه....

اختارت شريط وحطته لجل تقتل طول المسافه...

بين المقبره والبيت...

ياصاحبي في وقتنا احسن كثير ...

من بعضنا....

في المقبره على الاقل ميت وندري...

المشكله متنا ولالحين ماندري...

ياصاحبي في وقتنا ضاع احترام الموت ...

في وقتنا حكينا ما اكثره...

وللأسف كل الحكي من غير صوت...

وان كان به فم صدق...

وسمحو يحكي بصوت مانسمعه ...

ياصاحبي قدامنا كان اختيارين...

يانجاري وقتنا ونكذب ونخدع نفسنا...

يانفترق لان الفراق في وقتنا ...

هـــو الـــصــدق...

افــتــرقــنــا...

ياصاحبي كانك تشك في اسباب الفراق...

دور لك اعمي واذا صحى اسئله...

ان كان في نومه يشوف ليه صحي؟....

!!!!!ولـــيــه افــتــرقــنــا؟؟؟؟؟

--------------------------------------------------------------------------------

قصيده رائـــــــــــــــــــــــــــــــــــعه....

مع تحياتي....
أسيرةالزعيم

عـــواكيس · #2 22/03/2002, 03:46 AM

مشكورة أختي قصيدة في قمة الروعه

لكن ياليت تنقل للمنتدى العــــــــــــــــــــــــــــــــــــــــــــام

دمي أزرق · #3 22/03/2002, 04:32 AM

مشكوره يا أسيرة الزعيم .

BLUE HOUSE · #4 22/03/2002, 04:49 AM

thank you

هلالي الموج الازرق · #5 22/03/2002, 04:56 AM

اسيرة الزعيم القصيدة حلوة مرة

هذي من شاعر الهلال اكيد بتكون حلوة مثل قصايدة الي كلها

حلوووووووووة

واللة يخلية لنا

السلطانة · #6 22/03/2002, 06:29 AM

انها قصيدة رائعةو حلوة ولكن سؤالي ماذا يسمى شعر عبدالرحمن بن مساعد؟

ابو روان · #7 22/03/2002, 02:58 PM

القصيدة روعه والاختيار جدا حلو وصح لسان من قالها يكفي انه هلالي

الوليد · #8 22/03/2002, 03:05 PM

صح لسان عضو شرفنا ولكن قصيدة

( فقير )

فقير وعندي المال الكثير

فقير وملبسي غالي حرير

وياصاحبي الحافي الفقير

ابنشدك ابسئلك وشهو الحصير

وابسئلك وشلون انا امر وانهي

واذا حكيت قبل انتهي من كلمتي

يقاللي سم ويصير

ولاشكيت من غفلتي طول زمنها

يقاللي لاتشتكي ماخلقت الشكوى لأمير

وابسئلك وشلون انا مع كل ذا

!!!اقول عن نفسي فقير؟؟؟

ياصاحبي لاصار لضحكه ثمن

وصارو اصحابي كثيربس بثمن

والوفاء مابه وفاء الا بثمن

ابسئلك ماني فقير ؟؟؟

ولاصارت اقوالي حكم

ولاقالها غيري غدت .. حكي قديم

ابسئلك ماني فقير؟؟

ولاصرت انا مانيب انا

ولاغلطت قالو صحيح وكل شي اعمله يصبح عظيم

ابسئلك ياصاحبي ماني فقير؟

وياصاحبي ابنشدك لمن جفتني دنيتي

وابتدا الدرب الطويل الى ابد ماينتهي

وانتهي العز القديم وماكنت اظنه ينتهي

والموت بدد فرحتي .. وحطوني في قبر صغير

وحزنو علي وبكو هلي وناس من ربعي قليل

وارتاح من وجهي كثير

وبقيت وحدي في حيرتي مابه احد

لاطال عمرك ولاتحت امرك

ماغير انا وخوف ولحد وحساب قدامي عسير

وقتها ذكرت اني من زمان

يوم انه امهلني الزمان

هذا ظلمت هذا جرحت ياما كذبت

وذنوبي ماتحصي كثير

وقتها الا ندمت ونفسي كرهت

عرفت ان الله كبير وان الهلاك اصبح اكيد

واني انا مالي رجاء..ولاهروب من الدجاء

من الجحيم الا بأمل عندي وحيد

ان الله غفار ورحيم

ابسئلك ياصاحبي عني في وقتها

ماني فقير؟؟؟

وقصايد الامير الرائع بالصوت والصورة هنا بس والله روعة.
http://www.abdulrhman.8m.net/

أسيرة الزعيم · #9 23/03/2002, 05:23 PM

القصيده رائعه ولكن تواصلكم كان أروع....

أنه الشاعر الذي نفتخر فيه نحن الهلاليون ... ونسعد أنه من ضمن القافلة الزرقاء..

الشكر كل الشكر ل:

عواكيس: مشكور أخوي على المشاركه ... معليش بالغلط كتبتها في منتدى الجمهور الهلالي

لكن الله يجزاهم خير المشرفين عدلوها ... شكراً للإهتمام.

دمي أزرق: شكراً على التحيه الرقيقه.

blue house: ألف شكر على التواصل...

هلالي الموج الأزرق: ومثل ماقلت شاعر الهلال مستحيل ألا يبدع.

السلطانه: كلي فخر بمشاركتك في الموضوع ..بس أسمحيلي ما أقدلر أفيدك لأني أنا فقط متذوقه

للشعر ولو تسألين أي من الأخوان الأعضاء لأن منتدانا ملئ بالشعراء المبدعين أعتقد أنه بيفيدك في

هالموضوع...أعذريني لعدم قدرتي على المساعده...

أبو روان : شكراًعلى الإطراء وصح لسان من قالها...

الوليد: مشكوووور على المشاركه الرائعه ... وتصدق كنت محتاره أكتب أي قصيده ..فقير ..ولا

أسأل الأعمى .. والحمد لله الموضوع صار فيه القصيدتين.

ألف تحيه على التواصل.... دمتم في رعاية الله وحفظه...;)

مع تحياتي..
أسيرةالزعيم;)