بالصور احد الهكر وقصة اختراقه موقع بريء هههه ههه ghost - نادي الهلال السعودي - شبكة الزعيم

الزيرابوعزيز · #1 18/03/2008, 12:48 PM

بسم الله الرحمن الرحيم

السلام عليكم ورحمة الله وبركاته

حي الله المجلساوية مبطين عنكم <<ماله اسبوع يقول مبطين
ندخل بالموضوع على طول مستعرض نفسه شوي <<ياثقل دمك اخلص

امس الصباح كنت اتجول بصيد الانترنت للمواضيع المتميزة وحصلت موضوع لمشعل (مجنون الزعيم )
يتكلم عن هكر اخترق موقع لليبراليين بسبب موضوع المطالبة بفتح كنيسة بالسعودية
وحاط رابط موقع الليبراليين ودخلت الموقع ودعيت للهكر بان الله يجزاه خير على هالعمل ضد من يطالبون بمثل هذا الطلب الموقع على هذا الرابط هنا

ونسخت الموضوع ورحت لموقع فاتحه خوي اخوي الصغير من شهرين ومتجمعين فيه بعض عيال الحارة الصغار ويحاولون ينجحونه والموقع جديد يعني اذا كثر المتواجدون من الاعضاء صاروا خمسه
بوقت واحد وانا اكبرهم بس مالي علاقة بهم اساعدهم بالمواضيع احيانا اكمل لهم منتداهم
ادعمهم اكبرهم عمره عشرين واصغرهم عمره 15

<<يعني سواليفهم ماتصلح لي انا الكبير ابو 29

والمنتدى كله سواليف وضحك واستهبال معقول يعني بدون الخروج عن النص
ولصقت الموضوع بالمنتدى الاسلامي عندهم <<موضوع مشعل <<يمون الاخ

المقدمة اللي فوق توضيحية لما سيأتي بعدها
دخلت عليهم المنتدى امس العشاء والقى المنتدى مخترق من هكر

والاعضاء اللي هم عيال الحارة والمدرسه اخويا اخوي معلنين حالة الطواريء

والزعل مالي وجييههم ويدعون على اللي كان السبب
انا استغربت هالهكر ليش مخرق منتدى هالصغار اللي يتعلمون ولا لهم ولا عليهم
قلت اشوف وش يقول يمكن عنده اسبابه نجي للصور والتعليقات

هذي الصورة اتوقع ان اللي عمره 15 مانام امس من الروعة

انا قطعت الصور للموقع المسكين المخترق من العبقري الهمام البطل المغوار

نجي للصورة الثانية

هنا البطل المغوار يتأسف من الادمن وتحته يهدي الانجاز العظيم لاخوياه
خصوصا ابو مترك

قمرهم كلهم <<شكل صاحبنا مهب شاذ عقليا فقط لانه اخترق منتدى لاراح ولا جاء وبعض اقسامه مافيه الا موضوعين واغلبها قص ولصق

شكله شاذ جنسيا

يهدي الاختراق لقمرهم كلهم ابو مترك

<<انا قاهرني الاسم ابومترك وقمرهم كلهم

وتحت بالانجليزي يقول معليش ولكن الحماية عندك سيئة <<(وش دخلك ان شاء الله اسوء من السيئة مكفول بهم انت )لازم تكون قوية مرة ثانية لكن ما اعتقد ان تكون هناك مرة ثانيه <<ليه حرام عليك وش سوولك الضعوف

نجي للصورة الثالثة

هنا يوضح انه قد مر هنا ويريد من رئيس الكونجرس

خوي اخوي ان يتذكر دائما
جوست البطل المغوار

<<اللي يشوفه يقول اخترق موقع كبير ومتعوب عليه <<المشكلة خوي اخوي كاتب الافتتاح بتاريخ 13\2\1429هـ
يعني يافتاح يا عليم يارزاق ياكريم تو الجماعة مفتتحين اصبر شوي

عاد شوفو السبب العظيم الجبار اللي حده يخترق الموقع يقول حبيت اشوف الكلاب اللي تنبح هنا

مع اني مافهمت الجملة الناقصة بس اي كلاب انت مخترق موقع نصارى يسبون الدين والا رافضة والا يهود والادنماركيين كلهم عيال ديرك وحبو يسوون موقع
على طاري ديرتك نحط الصورة الرابعة اللي يوضح لنا فيها البطل انه سعودي

هنا يقول سعودي للابد طيب ترمي بلاك على عيال بلدك
واهدائات وزحمة على موقع صغير جديد توه فاتح واللي فيه ماغلطوا بشي لا على حكومة ولا على احد
ولا سبو الدين ولا سبو الرسول صلى الله عليه وسلم <<والا ماقدرت الا على الضعوف وتستعرض عضلاتك عليهم

تساؤلاتي هنا في هذا الموضوع اللي ابيكم تشاركوني الرأي فيه

1) ماوجه المقارنة بين هذا الهكر والهكر اللي اخترق موقع الليبراليين ليدافع عن الدين
2) امثال هذا الهكر هل تعتقدون انه يحس بنفسه نقص وانه مريض ويحتاج للعلاج
3) ما مدى تأثيره على الشباب الصغار بالذات بحيث انه ممكن احدهم يحاول ان يقلده ويتعلم التهكير ويؤذي الناس بغير حق
4) ما مكاسبه من اختراق مواقع صغيره وترك المواقع الكبيرة اللتي تؤذي المسلمين <<ام انه يتعلم على هؤلاء الصغار

خاتمة جميع ماذكر عن القصة والمنتدى انه صغير ولم يخطيء بحق احد
يشهد الله علي انه صحيح