|
ياسر القحطاني ,, ليه مو انت هداف الدوري ؟•••؟ ؟•••؟ السلام عليكم ورحمة الله وبركاته ••• ياسر القحطاني يعتبر هو المهاجم الاول في المملكه حالياً واخطر مهاجم امام المرمى وعشان كذا سمي بالقناص طيب مدام كذا ليه ياسر القحطاني مو هداف الدوري وش الي ناقصه ؟ . ؟ عنده وسط كبير وخبيير ولا يوجد مثله بالملاعب السعوديه طيب مع هذا نسئل مره ثانيه ليه ياسر مو هداف الدوري. . . ؟ ••• انا اقولكم ياسر لو كان يلعب الى الحين بالقادسيه كان هو هداف الدوري بلامنازع ولو كان بالوحده ولا الحزم ولا النصر ولا اي فريق من هالفرق لكان هو هداف الدوري وبارقام كبيره ولو تلاحظوم قائمه الهدافين عيسى المحياني و الحسن اليامي يلعبون في فرق متوسطة المستوى وهذا الشيء يساعدهم في البروز والتسجيل والتهديف لان جميع الفرق تلعب معهم بطريقه مفتوحه وبدون تحفظ وبدون فرظ رقابه لصيقه جداا على مهاجميهم كما يكون مع ياسر اي فريق حتى الاتحاد لما واجه الهلال بالرياض كان اسلوبه شبه دفاعي ••• وكل الفرق الي لعب الهلال معها تلعب في منطقتها وتقفل دفاعها تقفيل محكم وتظع رقااابه لصيقه على ياسر القحطاني وخصوصا انه ياسر بالغالب يلعب وحيد فتسهل مراقبته ولو تلاحظون الاهداف الي سجلها كلها بمجهود فردي خارق ••• والمباريات الي لعب فيها الصويلح ابدع ياسر وسجل واكبر دليل مباراة القادسيه سجل 3 اهداف ولاتقولون ليلو دايم يلعب معاه لان ليلو مايعتبر مهاجم صريح ودايم على الطرف ويرجع للخلف ••• ولاحظ الحارثي والشهراني مع انهم مايمثلون اثنينهم مجتمعين نصف مهاراه واداء ياسر بس وجودهم بجانب بعض اتاحلهم فرصه تسجيل اكبر ••• اسلوب الفرق الصغيره تغير وماعادت تلعب مثل اول وتطور ادائها وتطور تكتيكها وصارت تفهم وتعرف كيف تقارع الكبار ••• الهدف من الموضوع اننا مانقسو على ياسر ونطالبه انه يكون الهداف مما قد ياثر على مستواه وتعاونه مع زملائه فالملعب والي يقول هذي انجازات ولازم يحصل عليها لا ترا مو ضروريه وش الفايده لاعب ياخذ الهداف كل سنه وفريقه بالمركز الخامس ولا السادس . . ؟ اهم شي يسجل اهداف تفيد الفريق وتحسم المباريات مثل مافعل ياسر امام الاهلي وغيرها من المباريات اتمنى ان الفكره وصلت واسف على الاطاله اخوكم عبدالعزيز |
الله يعافيك على الموضوع . الهلال نادي كبير ومعظم لاعبينه هدافين . ياسر القحطاني من أسمه تكون الرقابه عليه . |
الجمهور إذا طالب ياسر بـشي مايطالبه إنه يكون هداف بس اذا تكلمنـا عليـه قصدنـا الأول والأخير نبي مستـواه الأول يرجـع مثل ماكان ماقلنا يكون هو الهداف ضروري !!!! ومثل ماقلت الهـلال فيـه لاعبيـن كثـار قادريـن على التسجيل غير ياسر موب زي الفرق الثانيـة يعتمدون على إسم ولا إسميـن :) .... |
الله يعطيك العافيه اخوي بس ما نطالب ياسر انه يكون هو الهداف بالدوري لا حنا نطالب ياسر بتسجيل هدف يضمن لنا جمهور هلالي و نادي عريق اسمه الهلال نقاط اي مباراة فهل هالشي صعب على مهارة ياسر ؟ |
لا ياشيخ ياسر مالعب مباريات كثيييرة بسبب الاصابة أو المشاركات الدولية ولا تنسى ان ياسر هداف آسيا مشكووووور |
انا اشوف ان ياسر ماقصر في جميع المباريات ولو ماسجل يساعد على التسجيل وهو مهاجم متكامل والله يوفقه هو وبقية زملائه |
الله يعطيك العافيه ة ما فيه أحد قسى على ياسر و فيه نقطة مهمة جداً نسيتها إن ياسر ما شات ظربات جزاء الحسن و ناصر الشمرانيجابوا 7 و 5 أهداف من ضربات جزاء أما أبو سعيد جابها من مجهودات فرديه و بمساعدات لاعبين الوسط ولا تنسى أبو سعيد كذا مباراة ما لعب فيها أما الهدافين حتى الآن لم يغيبوا عن فرقهم أبد روووووح يا أبو سعيد إن شاء الله ترفع الدوري يا رب ..... |
يعكيك العافية على الموضوع ... وأنا راح أوضح لك ليش ياسر مو هداف الدوري .... أتمنى ترجع للدوري من بدايته وشوف كم مباراة ما لعبها ياسر في الدوري وبعدها راح تعرف ليش مو الهداف ( معسكرات مع المنتخب + سيدني + مانشستر سيتي ... إلخ ) إنشاء الله وصلت المعلومة ... |
احنا نبي امجاد للهلال ومايهم كثرة الاهداف المهم الفووووووووووووووووووووووووووووووز |
لانريد ياسر هدافا للدوري نريده لاعب حسم ....................... |
أهداف يآسر دائماً حاسمة .. ومالفائدة من كثرة الأهداف أهم شي أمجاد النآدي وبطولاته وخل يستآنسون بلقب الهدآف تحياتي إلك .. |
إقتباس:
شكلك ماقريت الموضوع اقرى الموضوع بعدين تعال رد مره ثانيه الله يجزاك خير |
يعطيك العافيه يالغالي,,, لكن مو مهم منهو هداف الدوري.. اهم شي البطوله تروح للزعيم.. |
يـــعطيــكــ الــعاــفيــه اخـــوي,,,, ونــجووووم الــهلال كـــلهم هـــدافـــين :) ,,,, |
الله يعافيكــ على الموضوع>> نرجع للموضوع تدري ان ياسر 12 مبارة لعبها ورا بعض سجل سواء مع المنتخب او النادي وان شالله يواصل مسيرته واهم شي اخوي مو هداف والى لاعب يسجل المهم مصلحه النادي وان شالله ياســر ياخذ الهداف الله يكتب الي فيه خيـــر على العموم تقبل مروري ........ |
| الوقت المعتمد في المنتدى بتوقيت جرينتش +3.
الوقت الان » 01:34 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd