والله الفكرة حلوه
لكن ما اظن ان الجماهير بكل شهر بترسل
واحييك على حبك لناديك
تقبل مروري

مع كامل احترامي لك ليست طريقة ومثل هذه التبرعات لا تجدي

ويستحسن ان تكون للاعمال الخيرية

اذا تبي تدعم الهلال فاشترك في موبايلي الهلال

في قناة واحدة على الاقل بــ"12" ريال وستدعم النادي ب6 ريال شهريا

ولو اشتركت في قناتني فستدعم الهلال ب12 ريال ولو اشتركت في كامل القنوات

ستدعم النادي ب100 ريال شهريا وستحصل على خدمة مقابل هذا الدعم

اما طريقة التبرعات ما تنفع اللي بيرسل اليوم بكرة ماراح يرسل

الاهم الان ان تكون هناك حملة قوية لحث الجماهير للتحويل على موبايلي والاشتراك في قنوات

موبايلي الهلال , لو نجحت هذه الشراكة وحققت مردود مادي قوي لموبايلي

صدقونيالعقد القادم لن يكون اقل من 100 مليون غير المداخيل الاخرى

فكرة ممتازة

لكن ما أتوقع تنجح ..

مشكوٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍرٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍ

والله انا افضل للجمعيات الخيريه احسن ياعمي في ناس متقدر تاكل وانت تقلي ادعم النادي والهلال مشاء الله اعضاء شرفه مو مقصريين

فكرة روعة بس محتاجة

لناس يقومون عليها بعقلية احترافية ودمتم

مشكور اخوي على الفكره بس انا الان مشترك في موبايلي الهلال وادفع 24 ريال شهري انا ما عندي مشكله في دفع 10 ريال شهري او 20 او 30 الى 100 بس يكون لي صوت في النادي يكون لي تقدير خاص اخر الموسم احضر النادي واصور مع اي لاعب والكاس بمسمى عضو شرف مصغر اما ادفع 10 او غيره ولا يكون لي صوت ما ينفع يعتبر استغلال الجماهير ادفع مبلغ مقابل خدمه مثل ما اشترك في موبايلي الهلال ومحصل خدمه اخبار الهلال ادفع 100 مو 10 واحصل على عضويه مقابل دفعي المبلغ .

إقتباس الرسالة الأصلية كتبت بواسطة فهدالذيب مشكور اخوي على الفكره بس انا الان مشترك في موبايلي الهلال وادفع 24 ريال شهري انا ما عندي مشكله في دفع 10 ريال شهري او 20 او 30 الى 100 بس يكون لي صوت في النادي يكون لي تقدير خاص اخر الموسم احضر النادي واصور مع اي لاعب والكاس بمسمى عضو شرف مصغر اما ادفع 10 او غيره ولا يكون لي صوت ما ينفع يعتبر استغلال الجماهير ادفع مبلغ مقابل خدمه مثل ما اشترك في موبايلي الهلال ومحصل خدمه اخبار الهلال ادفع 100 مو 10 واحصل على عضويه مقابل دفعي المبلغ .

تبي يكون لك صوت وانت تدفع 24 ريال في الشهر مقابل خدمة موبايلي الهلال

انت شفت اراء الجماهير الهلالية

مرة يبون ينسقون ياسر القحطاني

ومرة ما اعجبتهم قصة الفان وسو صجة لين راح مع انه كان هداف الفريق

ومرة كانو يطالبون بتنسيق سامي الجابر

والعام كانت الجماهير تطالب بتنسيق الدعيع واعطاء الشمري فرصة بحجة انه شيب

والان طالبو بتنسيق نواف التمياط (وهم السبب في هبوط مستواه)

وقبل فترة طالبو بتنسيق الشلهوب (لان والده ووالدته توفو والمسكين نفسيته تأثرت) وتركيزه ضاع

تبيني اعدد لك والا كفاية

اذا كل من دفع 20 ريال قال ابي صوت وراي وادخل النادي واسوي اللي ابيه

عز الله حصلنا خير

انت ادعم النادي وخلي الباقي على الادارة هي بتغلط وتطيح وتقوم وحنا بنتكلم ونعارض وننتقد

والمركب بتمشي لكن بطريقتك هذي بتودينا ب100 داهية

الحين عبدالله بن مساعد اللي كان يدعم النادي بملايين ايام رئاسته

ما استحملنا رايه لا حنا ولا اعضاء الشرف وطالبون بالاستقالة

تبينا نستحمل اراء ملايين الجماهير عشان 20 ريال

وبعدين لا تنسى فرحتنا بفوز الهلال سواء بمباراة او ديربي او بطولة

تستاهل اكثر من الف ريال في الشهر

هي الفكره زينه بالمره لو تنفذ وان شاء الله ما يتبره الا عشره اشخاص

طالما انها بدون تعب او جهد على النادي

بعدين انا اتفق واختلف مع من يقول الجمعيات الخيريه نعم الجمعيات الخيريه اولى بس هل الهلال اولى ام البرامج الاخرى الهدامه مثل استار اكاديمي والمسابقات الاستغلاليه الاخرى

اللي يبي يتبرع للجمعيات الخيريه الله يجزاه خير واللي لغيرها مما ذكرت لا والله الهلال اولى

وانا اتمنى ان تفعل الفكره من الهلال واعتقد انها راح تفاجاء بالدعم .... تخيل لو ارسلت بعد فوز الهلال بالكاس او اثناء تفاوض الهلال مع لاعب عالمي او ما شابه ذلك
بس اهم شي ان يكون المبلغ المرسل من قبل المتبرع كامل للهلال ولا يحق للشركه الحصول على اي مبلغ منه خلاف قيمه الأشتراك
والنقطه الثانيه من يضمن وصول كامل التبرع بعدد المتبرعين يعني هل هناك اليه لمعرفة عدد المتبرعين اللذين ارسلو او راح يكون هناك تلاعب من الشركه

وانا اعتقد ان هناك الكثير من الجمهور الهلالي سوف يساهم بأكثر من رساله والبعض قد يرسل اكثر من عشر مرات

اشكرك على حرصك

وانا عن نفس لو ارسل الهلال رساله يطلب فيها مثلاً المساهمه لعبد الله سليمان ايام كان مسجون او عادل عبد الرحيم او اي لاعب قديم او حتى حالي وهو في حاجة المساعده لأرسلت اكثر من رساله وهي تعتبر من المساهمه في الخير وبأجرها مثلها مثل المساهمه في الجمعيات الخيره

وشكراً لك

والله فكره ممتازه ،،

وأتمنى تثبيت الموضوع ، لتطلع عليه ادارة نادي الهلال

وبالفعل هذي الطريقة المثاليه لدعم النادي ، صحيح ان جوال النادي أيضا له دعم بس زيادة الخير خيرين

فكرة راعة ونتمنى ان تكون هناك افكار للدعم الزعيم

وشكرا لك ارسلها للنادي

لا اخوي انا اتمنى ان تكون قريبه من فكرته ولكن بطريقة اخرى فمثلا كل شهر يتم التنسيق مع رئيس الهلال او نائبه مع شركة موبايلي بطرح موضوع او فكرة من الجماهير ويرسلونها على احد ارقام موبايلي وتكون مثلا تكلفة الرساله خمسة ريالات مثلا و لا يكون شرط ان تكون مشترك في موبايلي الهلال
اتوقع ان هذه الفكرة ستدر على الهلاليين الكثير

فكرة ممتازة و سوف تجعلنا نستغني عن فتح حساب باسم النادي للتبرعات
.............................................................................................

فكره ممتازه واقل شي نقدمه لفريق قاعد يقدم لجماهيره الهديه بعد الثانيه ....


والمشريع الخيريه لن تتأثر والي يبي الخير ماراح ترده 10 ريال ......

((خصوصا انك وانت تتبرع بتكون مرتاح ان تبرعك بيكون بأيدي امينه وبيرجع لنادي كله


** صوره مع التحيه لابو سلطان ...