ياشيـــن الاحــــراج (( موقف صغير )) - نادي الهلال السعودي - شبكة الزعيم

تــركــي*الشلهوب* · #1 28/03/2009, 11:21 AM

السلام عليكم

اعلنت الشمس مشرقتاً عن قدوم يوم جديد
فـزقـزقـة البعارين فوق الغصون
وطارت الأبقــار فوق الزهــور
فغردت الحميـر بأحلى تغاريـد

طولتها صح

يوم الخميس الماضي كنا متوجهين زياره الى دار الملاحظه
(السجناء اللي اعمارهم اقل من 18 سنه) وكنا بنقيم حفل لهم
المهم وحنا ماشين اللي وقـفـنا في محطه للصلاة والسوبرماركت
يوم طلعت من الصلاة عاد تعرف لازم نكشخ شوي

وقفت قدام السياره ازين شماغي واعدل عقالي واشخص واتظبط
ومره اصلح كوبرا بعدين اهون ويا ولد عدل , بدل , حط , شل
يوم قربت لنافذة السيارة الا واشوف هاك السواد قلت وش فيه وجهي ؟
واقرب
واقرب
واقرب
يوم ركزت
الا والحرمه تناظرني

صارت البنت في السياره

وكل الــوان الطيـــف مرت على وجهي

قلت اشوى ان رجــلها ماطلـع من المســجد كان فهم المسئلة غلط

واشــوف الشـــباب فاطسين ضحك علي

لكن صراحه موقف الله لايوريكم

تقبلوا تحياتي :

صمت المشاعر

صقر أحول · #2 28/03/2009, 12:28 PM

خخخخخخخخخخخخخخخخخخخخخخخخخ ... والله قوية ... والله رزقك على نيتك ... ولا كان زوجها طلع و أعطاك المقسوم ...

الجامـــح .. · #3 28/03/2009, 01:18 PM

لو زوجهــا موجود كان رحت ملـــــــــح

احمد ربــك ياشيخ

الجامـــــح...

محب الجنه الخرج · #4 28/03/2009, 01:25 PM

هههههههههههههههه ذكرتني باحد حلقات طاش ماطاش هههههههههههه

احمد ربك والله ماطلع زوجها

abdogAg · #5 28/03/2009, 01:28 PM

خخخخخخخخخخخخخخخخخخخخخخخ

عدت على خير ,,, والله يعطيك أجر الزيارة للدار ...

_ricardo_KAKA · #6 28/03/2009, 03:37 PM

إقتباس

الرسالة الأصلية كتبت بواسطة محب الجنه الخرج


	هههههههههههههههه ذكرتني باحد حلقات طاش ماطاش هههههههههههه احمد ربك والله ماطلع زوجها

تذكرها

..

الله رزقك على قد نيتك ..

لاكن الاحراج لوشافك احد من اهلها ؟؟

**sniper** · #7 28/03/2009, 03:39 PM

ليتني مكانكـ

..بس كويِّس انكـ شفت سواد وما شفت اللي تحت السواد

ღ MiLaN4eVeR ღ · #8 28/03/2009, 03:55 PM

هذي السالفة سالفة " السدحان " في حلة من حلقات طاش

بس استغرب البنت يعني ما تحركت يمين يسار ما سوت شي ابد الوضع ايزي عندها ؟

,,

شكرا لك اخوي

ღ دمــتــم بـــ خ ـــيـــر ღ

abo.a7mad · #9 28/03/2009, 04:10 PM

ههههههههههههههههههههههههههههههههه

يووووووه يا شين ذا الموقف ,

انا قبل ما ازين شماغي في سيارة لازم أناظر لا كان فيه أحد

نبهوني عليها طاش ما طاش الله يجزاهم خير

هالموقف ذا صار لأخوي

تصدق إلى الحين ما بعد نساه

الله يعينك بتقعد تفكر في هالموقف في الليل << وش عنده الدكتور النفسي

الســفيرة · #10 28/03/2009, 04:38 PM

ههههههههههههههههههههههههههههههههههههههههه

المفروض هي تدق الشباك عشان تبين ان في احد داخل مو تحط نفسها وياك بهالموقف

تذكرت وحده من خوياتي تقول واقفه برا المطعم وكان قزازه عاكس وفصخت نقابها وتعدل شيلتها ،، تقول لما خلصت دق الشباك بقوه خرعني وطاح وجهي

انتبه المرة الجاية ترى مو كل مرة تسلم الجرة

الـــــــــــوان · #11 28/03/2009, 05:41 PM

ههههههههههههههههه

انا لو مكااان البنت مراح اتحرك بصراحه
لان واضح انك ماتدري فليش اسوي لفت نظر
بس بحاول التفت للجهه الثانيه لين تخلص

واحمد ربك ماصارت اللي في السياره وحده ملكعه

كان جابت فيك العيد

تحيتي لك وانتبه مره ثانيه

hilali-arsenali · #12 28/03/2009, 08:59 PM

آآآآآآآآآآآآآآآآآآآخ يالقهر
ليت زوجها شافك

تــركــي*الشلهوب* · #13 29/03/2009, 03:38 PM

إقتباس

الرسالة الأصلية كتبت بواسطة **sniper**


	ليتني مكانكـ ..بس كويِّس انكـ شفت سواد وما شفت اللي تحت السواد

بيني وبينك شفت غير السواد

لكن السواد طغى على الالوان الباقيه

تــركــي*الشلهوب* · #14 29/03/2009, 03:44 PM

إقتباس

الرسالة الأصلية كتبت بواسطة ღ MiLaN4eVeR ღ


	بس استغرب البنت يعني ما تحركت يمين يسار ما سوت شي ابد الوضع ايزي عندها ؟ ,, شكرا لك اخوي ღ دمــتــم بـــ خ ـــيـــر ღ

تبغاها تناقز ؟

البنت مسكينه ماتدري وش تسوي

GIOVINCO · #15 29/03/2009, 03:44 PM

والله لو رجلها فيه

كان ماحطيت هالموضوع
هههههههههههههههههه

كان حطوك في دار الملاحظه
هههههههه

موقف محرج وربي