نادي الهلال السعودي - شبكة الزعيم - الموقع الرسمي

نادي الهلال السعودي - شبكة الزعيم - الموقع الرسمي (http://vb.alhilal.com/)
-   منتدى المنتخب السعودي (http://vb.alhilal.com/f51/)
-   -   آخر فضائح أنجوس هدّاف الدوري السعودي وعميد لاعبي العالم غيرُ موجودَين في قائمته .! (http://vb.alhilal.com/t549909.html)

سلومي22 15/03/2008 01:41 AM

هههههههههههههههههههه


اعتذر لك اخوي لكن كلامك مو سليم

يعني بالعقل تقارن الحسن بياسر ولا مالك ولا ناصر وناجي

كل اللي قلتهم ابطال . لكن الأولوية للي أختارهم أنجوس . واكيد هو عنده خبره وعند الإتحاد السعودي قناعة فيه .

أرجو عدم التشكيك في قدرات اللاعبين والإداريين والإتحاد السعودي .

======================================================
ارجو ان تتقبل ردي بصدر رحب

شلهوبي موهوب 15/03/2008 12:31 PM

يا خوي انجوس اللي انت تسبه ما الظاهر انك شفت وش سوى بكـاس اسيـا صح ان المنتخب ما حقق البطوله ولكن الكل قبل البطوله كا كان يتوقع نتاهل للدور الثاني ..!!
أما عن القائمـة اللي انت حاطه انا معك الدعيع يقدم مستويات ولا أروع ولكـن أنا ارى ان وليـد عبدالله له مستقبل باهر وأرى انه راح يسلك مسلك محمد الدعيع ان شاء الله ليه تضم الدعيع بهذي الحالـة ..!!
اما عن الحسن اليامي انا معك بس على شرط اذا كان المنتخب راح يشاركـ ببطوله لركلات الترجيـح . لا عب سجل 7 ركلات ترجيح و6 اهداف عاديه وتقول هداف الدوري والمصيبه ان بعض الاعضاء يوفقونك الراي ، يعني بعض الاحيان تقول مجرد وجه نظر ولكن اعتقد ان رايك تجاوووز كل لخطوط مع احترامي الشديد لك ولبعض الاعضاء . . !!
أما عن عبد العزيز الخثران هو فعلا لاعب يقدم مستويات ولا اروع رغم تقدمه بالسن ولكن ليه ما تعطي لاعب ناشي الفرصه يعني لو افترضنا ان الدعيع والخثران واليامي وطلال المشعل بالمنتخب وش راح يسوي المنتخب اذا اعتزلو بعد سنه ..!!!!!!!
اما عن محمد نور اللي يعتبر من افضل اللاعبين لكن انا ارى ان وسط المنتخب جيد ارى احمد الموسى ومحمد الشلهوب والقحطاني بالاضافه لعزيز والغامدي وتيسير الجاسم وكلهم صغار وامامه المستقبل فا ليه ترجع محمد نور ..!! على فكرة ترى احمد الموسى احد مواهب الداهيـة انجــوس
وبقيه اللاعبين امثال المنتشري الحمد لله اسبشرنا خير بوجود المرشدي وهوساوي وااعتقد انه من افضل قلوب الدفاع ، اما عن عطيف فمركزه يشمل / عزيز ، الغامدي ، تيسر الجاسم ، كريري واعتقد ان عطيف مع احترامي له ما يتعدى امكانيات اي منهم..!!

عادل-جده 15/03/2008 12:53 PM

اخي الكريم طرحك فيه اساءه وعدم احترام للمدرب وهذا غير مقبول

اتمنى ان تكون اكثر عقلايه وهدوء في المرات القادمه

بالنسبه لكلامك عن اللاعبين فهذه قصه قديمه لم ولن تنتهي في كل دول العالم

في الانديه وفي المنتخبات لم يوجد المدرب الذي يستطيع ان يختار التشيكله التي ترضي الجميع

تحياتي

ايمن الشعلان 15/03/2008 01:27 PM

والله أول ما قريت اسمك قلت بس هذا اللي بيتناقش بهدوء وعقلانيه
لكن مع الأسف مالك من اسمك نصيب
لا هدوء ولا عقلانيه :)
أول سطر كتبته كان كله تهجم وكلام ناري!!
يا أخوي أنا بسألك سؤال وجاوبني عليه بهدؤ وعقلانيه
كاس العالم 98 وكاس العالم 2002 وكاس العالم 2006
كان موجود الدعيع وكان موجود محمد نور وكان موجود المنتشري وكان موجود الحسن اليامي وكان موجود حسين عبدالغني وكان موجود عبدالعزيز الخثران في واحدة أو أكثر من هالبطولات
سؤالي وش سوى المنتخب في تلك البطولات
انهزم بـ 8 صفر من ألمانيا و4 صفر من فرنسا98 و 4 صفر من اوكرانيا و3 صفر من ايرلندا و 1 صفر من كل من الدنمارك والكاميرون واسبانيا وتعادلين فقط مع جنوب افريقيا وتونس 2-2
استثنيت كأس العالم 94 مو لأن الدول ما كانت تعرف شي اسمه المنتخب السعودي وتفاجوء منه
زي ما سوت السنغال في كاس العالم 2002
وبعدها صار المنتخب ولا شي ولا حقق أي فوز في كاس العالم من آخر مباراة لعبها أمام بلجيكا عام 94
أسئلك بالله الأسامي اللي ذكرتها أنت ما كانت موجوده!؟
طيب ايش سوت؟
أنا ادري انك بتقول أن مستواهم تطور !!
برد عليك بكل بساطه إيه تطور بس داخل حدود الدوري السعودي
أنا ما أنقص من قيمتهم أبدا بس برضوا الآن مالهم أي مكان في المنتخب
قلي بالله عليك حسين عبدالغني وش سوى في مباراة السد قبل 4 ايام إذا كنت شايفها !!
وقلي وش سوى المنتشري أمام الفريق الأوزبكي اللي كاد يحرج الاتحاد!!
قلي وش سوى احمد عطيف مع الشباب العام الماضي في البطولة الآسيويه!!
الحسن اليامي هداف البلنتيات أتوقع أنك ما تشوف مبارياته عشان كذا تقول ضموه للمنتخب
نصف أهدافه من ضربات الجزاء !!
محمد نور صاحب البطاقات الحمراء مع المنتخب للأسف
محمد الدعيع وعبدالعزيز الخثران واحد يقول بعتزل والثاني في نهاية مشواره الكروي!!

أتمنى ما تكون عاطفي في موضوعك
وتفكر للمستقبل


قفلة:
عنوانك فضائح واسمك هدوء وعقلانيه ماقدرت أوفق بينهم أبدااا :(

DR.C.Ronaldo 15/03/2008 02:11 PM

الحسن اليامي ::.. فيه من أحسن منه

حسين عبدالغني::.. اول شي راعي مشاكل وثاني شي فيه من احسن منه

عبدالعزيز الخثران::.. فيه من احسن منه بكل المركزين الوسط والظهير

محمد نور ::.. أكبر مهايطي وسبب كل المشاكل

حمد المنتشري::.. مضموم ولكن قال كلام بعد ما ضمه . سحب عليه عشان الرد الى جا لأنجوس

محمد الدعيع ::.. أنـــا مــعــك المضروض يضم

أحمد عطيف ::.. اكييد يضم

ولكن يا اخوي لا تنسى ان كل اللاعبين كبار بالعمر الا احمد

حسين 33

المنتشري 31

نور 31 أو 30 ماني متأكد

الحسن هههههههه 35

عبدالعزيز 31

الدعيع 34

وين تبي ينضمون بدال لاعبين اعمارهم 25 و26

بالعقل هي ذولي يعطونك سنه سنه ونص ان كثروا

وبعدها سلم على منتخبك

هو يبي يبني منتخب متجانس لـ 2010 كأس العالم

مو زي اي مدرب يجي يختار تشكيله واتمنى انه يستمر الين نهايه كأس العالم على الأقل

~| A z ! z |~ 15/03/2008 02:30 PM

إقتباس:

وهدّاف الدوري السعودي الحسن اليامي
http://alejaaby.com/up/uploads/e4bd8c918f.jpg
اخبارك انت ,, عساك بخير ..؟؟

...................................................................................

عاشـ الزعيم ــق 15/03/2008 03:13 PM

محمد الدعيع ، ، حسين عبدالغني ، حمد المنتشري ، محمد نور ، أحمد عطيف ، عبدالعزيز الخثران

تبوٍن آلخثرآن يبدع حطوٍه محوٍر

سنآيدي 15/03/2008 03:36 PM

نوور لازم يكون بالمنتخب هو والمنتشررررررري والدعيع

عاشق بسمة سامي 15/03/2008 03:46 PM

كثرت وجهات النظر ، ادعو لهم بالفوز أبرك ، لأن الجدل هنا ماراح يغير شي . . .

MEisME 15/03/2008 03:46 PM

.
..
...
بالنسبه لحسن اليامي
هو لاعب كبير في عطائه لكن لايستحق الإنضمام في المنتخب
لأن المنتخب معاهـ أفضل لاعب بآسيا ومعاهـ مالك معاذ
وسعد الحارثي ,,
فأين يكون الحسن بين هؤلاء .. ؟!
...
وأما محمد الدعيع
فهو عميد لاعبي العالم لكن فيه حراس لهم طريق نحو النجوميه غيرهـ
وأولهم حارس الشباب ( وليد ) ,,
وبعدين الدعيع معتزل دولياً . !!
...
أما نور والمنتشري
فشخصيا أتمنى أن يلعبون مع المنتخب السعودي في أقرب
وقت ممكن ,,
لأن محمد نور مع ياسر يشكلون ثنائي لايقهر
وأقرب دليل هو هدف ياسر في كأس العالم .. !!
والمنتشري هو عميد خط الدفاع
صحيح إن المنتشري عندهـ أخطاء لكن لاتنسون إنه
أخذ أفضل لاعب بآسيا .. !!
...
وأما المدرب القدير ( أنجوس ) فهو مدرب محترم بما معنى الكلمه
وتذكرون وش سوا بكأس آسيا ,,
وبعدين هو إكتشف لاعبين أمثال عبدالرحمن القحطاني وأحمد الموسى ,,
...
..
...
أخوكمـ | محمد |
...
..
.

% القناص 20 % 15/03/2008 06:42 PM

تستهـبل ,, اليامي في المنتخب .. الرجال عجز و يفكر بالاعتزال و انت تقول خذوه المنتخب ,,,

إقتباس:

كامل الموسى "احتياطي في ناديه" ، وغيرهم .!
قال كامل الموسى احتياط قاال ..!!!!!!

فـهـد مـحـمـد 15/03/2008 07:38 PM

الله لايبلانا

قال ايش قال هو ادرى من انجوس
ولا بعد يتفلت ويقول(معتوه) شر البلية مايضحك

انا اقوول اليامي المفروض يكون كبتن المنتخب ما يصلح كذا

ياحبيبي ما وصل المنتخب للنهائي الاسيوي الا انجووووس

ولا بدونه تحلم ان المنتخب يتاهل من المجموعه ياحبيبي


قال هداف وقال يامي بكرا انا بجيب هدف في الحاره واتصلبك عشان تضمني يا(...)

عشق دائم 15/03/2008 09:31 PM

محمد الدعيع ، عبدالعزيز الخثران ، حسين عبدالغني , الحسن اليامي
من جدك أنت ؟؟!!!
أعمارهم فوق 30
وحنا نبغى منتخب شباب يعتمد عليه بالمستقبل
أما المنتشري ومحمد نور فأعتقد الإدارة أبخص

دودي2004 15/03/2008 09:45 PM

ابغى اقلك شي

بصراحة انت طرحت انجوس في الغباء

اذا الدعيع واليامي بالمنتخب ؟؟؟؟؟؟؟؟؟


اليامي اخر سنة ويقول باي لنجران تبيه يلعب بالمنتخب
والدعيع خلاص راحت عليه البركة في بدر الدعيع


اما نور والمنتشري هذي اسئل انججوس


اما تقول كامل الموسى حرام المنتخب اقلك معليش احسن ظهير بالمملكة حاليا وبدون منازع

لا خثران وعبد الغني

الفيلسـوفـ 15/03/2008 10:16 PM

جميع اللي ذكرتهم يستحقون المنتخب عدا الحسن اليامي بدون قصور فيه :)


الوقت المعتمد في المنتدى بتوقيت جرينتش +3.
الوقت الان » 12:10 AM.

Powered by: vBulletin Version 3.8.7
Copyright ©2000 - 2025, Jelsoft Enterprises Ltd