صبحك بالرضا والعافيه
والله كلامك صحيح
هذا اللي صاير في جميع مدارس السعوديه !!
يعني ما فيه تنمية مواهب ولا صقلها .. ولا حتى اكتشافها !!!
وهذا يرجع للمدرس .. والطلاب نفسهم
يعني أذكر جانا مدرس أيام المتوسط
وقال نبي نخليكم قبل ما تلعبون تحمون 10 دقايق ..
وأسبوع قدم وأسبوع طائرة !!
طبعًا سلكنا له اول حصتين
بعدها طقت معنا .. نبي نلعب الحصه كاملة
وكل الأسابيع كرة قدم بس !!
المدرس ما قدر يسوي شي .. يعني يقول تعالوا سوو تمارين لياقة .. ولا احد معطيه وجه
قال خلاص .. ما راح اعطيكم كورة
مدري الا واحد من العيال رايح يجيب كورة من سيارته
وخذ يا لعب
طبعًا الحين .. انا عارف ان هالكلام غلط .. والمفروض انه ما يصير
بس وش نسوي .. حصة وحده بالأسبوع ... وبيحرموننا منها !!
يعني على الأقل يحطون حصتين بالأسبوع
حصة كرة قدم يعني كرة قدم
أقولكم سالفه ثانيه
الحين وحنا نلعب ما يصفى من الفصل إلا 12 أو 14 طالب هم اللي يلعبون بس !
والباقي فاقعين .. والدوافير يروحون للمدرسين
بس لو تصير حصة التربية البدنية عليها درجات ..
والمدرس يعرف مستويات الطلاب .. ويفرض عليهم خطة او أسلوب معين باللعب
اعتقد بتصير حصة الرياضة ممتعه !!
يعني مثلا الفصل فيه 21 طالب
يقسمهم 3 افرقه .. ويخلي كل الفرق متساوية بالقوة تقريبا
وكل سبعه مع بعض .. ويقول هذا مدافع .. وهذا وسط .. وهذا حارس
بيصير اللعب اكثر متعه وحماس
لأن الحين والله العظيم ان تفريقتنا من المتوسط وهي نفسها ..
وفريقنا بالدوري نفسه ما تغير
وحتى لو جونا طلاب لعبهم زين .. تلقانا قاشعينهم
بس علشان نحافظ على التشكيلة .. ولا نبي احد من أخويانا يزعل
أدري طولت عليكم
بس المفروض يصير فيه اهتمام بحصة الرياضه أكثررر
واسمها حصة ( تربية بدنيه ) يعني لازم تهتم بكل شي .. مهوب بالكورة بس
وشكرا لحسن استماعكم
حصـــة البدنيــه .. ارمي الكره في الملعب و العب .. ( موضوع للنقاش ) 
) .. و عادة ما مدرس الرياضة يودي الطلاب لـ الفصل قبل نهاية الحصة بـ 5 دقايق ..
]
الوضع المتطور
