السلام عليكم ورحمه الله وبركاته

صباحكم \ مسائكم خير وبطولات

كيف الاحوال عساكم طيبين ؟؟

المهم ..

الكل يعرف إن فيه مباراه مهمه للهلال ضد فريق الحزم بالرس

وآلآن الهلال في الدوري .. تقريباً بنظام خروج مغلوب

والحمدلله الزعيم حقق أول بطوله في هذا الموسم

وطبعاً نحن كزعماء نطمح إلى كل البطولات

بس أكيد لاعبيننا يحتاجون إلى التشجيع

فلذلك جاء دورنا يـا زعماء القصيم لـ تشجيع زعيمنا

الحمدلله القصيم تمتلك شعبية كبيره لجمهور الهلال

ونبي نحضر ونآقف مع زعيمنا

المباراه يوم الخميس القادم في ملعب الرس

وهذا الموضوع ليس إلا تذكير ..

بس أهم شي من جمهورنا .. نبي الروح العاليه في التشجيع


دُمتم للهلال ودام الهلال لنا ..

تحياتي

وش تبي بالضبط

ملعب ما يستوعب الا خمس الاف تبي تجيش القصيم كله

الملعب بيمتلي خلال اقل من نص ساعة وبيسكر الملعب لانه ما يستوعب اكثر

فاعتقد الموضوع استهلاكي اكثر من الفائدة

ومعروفين جمهور الهلال في القصيم بيحضروون خصواصا ان الهلال قبل كم يوم حقق بطولة

احنا نحاول نطلب نقلها الى بريده عشان الملعب يستوعب اكبر عدد ومنظم

تقبل ردي بدون زعل

دمتم بزعامة

^
^
بسم الله شوي شوي علي

حبيبي مين اللي طالب بنقلها .!!

هذا مجرد موضوع في منتديات الزعيم ..

ولا أعتقد إن فيه أحد تحرك علشان تنقل المباراه

يعني المباراه بالرس .. لآ محاله ..

المهم من هذا كله

انت تقول إن الملعب مايستوعب .. اوكي

وتقول إن الجماهير سوف تحضر .. أوكي

ياحبيبي في مباراه الشباب والهلال في الذهاب

اللي كانت بإستاذ الملك فهد الدولي بالرياض

هل حضرها جمهور كثير ..!

يعني الرياض نقول فيها 4 ملايين واحد

معقوله مافيه عشره الالاف او عشرين ألف هلالي ..!

ومع كثره الهلاليين في الرياض لم يحضرها الا القليل

وفي مباراه الاياب قلنا الجمهور يبي يحضر

ومع ذلك لم يحضر الكثير

يعني الموضوع مجرد تذكير

عـ العموم يعطيك العافيه

ومتقبل ردك بكل وساعه صدر

تحياتي

اسف اخوي على الدخلة في الرد السابق

اخوي لا تقارن الرياض في القصيم

انا اعرف القصيم جيدا خصوصا المباراة يوم خميس

موب يوم سبت مع انها لو السبت بيمتلي الملعب

****

بعدين انا ما قلت نقلت احنا جمهور الزعيم نطالب بنقلها الى بريده

ونتمنى التوفيق للهلال والاهم 3 نقاط ويرجع الفريق سالما معافا

اكرر اعتذاري

دمتم بزعامة

طلبت ادارة الهلال نقل المباراة الى بريده ولكن قوبل بالرفض من ادارة الحزم بالعربي لاعبين الحزم متعودين على صغر الملعب مثل ماكان نادي النجمه زمان ودمتم

لا الله يجزاهم خير أهل القصيم لايروحون حنا بنقوم بالواجب ونروح بدالهم
أخاف يسوون لنا مصيبه زي العام الماضي عربيات وشغب
بعدين لجنة الإنضباط تسحب بطولة ولي العهد مننا.
لاتستغرب فالقرارات سهل إتخاذها على الهلال وفيصل العبدالهادي يسويها.
تحياتي,,,

تفكير ساذج
كيف تنقل المباراة وعلى أي أساس

المباراه يجب أن تقام على أرض الحزم
وش دخل بريده بالموضوع

إقتباس الرسالة الأصلية كتبت بواسطة مخــتلـف تفكير ساذج كيف تنقل المباراة وعلى أي أساس المباراه يجب أن تقام على أرض الحزم وش دخل بريده بالموضوع

حسب قرار الرئيس العام في الموسم الماضي بعد احداث مباراة الهلال والحزم بنقل مباريات فريق الحزم الي ملعب بريدة لعدم اهلية ملعب الحزم حتى اجراء التحسينات على الملعب

ولا صار شيء مانقلو المباريات ولا اجرو التحسينات مدري وين المتابعه عند سلطان بن فهد بس يقدر الهلال يحتج على أساس القرار الماضي ويلعب المبارة في بريدة هذي كل السالفة اخوي مختلف

إقتباس لا الله يجزاهم خير أهل القصيم لايروحون حنا بنقوم بالواجب ونروح بدالهم أخاف يسوون لنا مصيبه زي العام الماضي عربيات وشغب بعدين لجنة الإنضباط تسحب بطولة ولي العهد مننا. لاتستغرب فالقرارات سهل إتخاذها على الهلال وفيصل العبدالهادي يسويها. تحياتي,,,

اللي سمعته ان اغلب مراكز الشرطه في القصيم راح تكون موجود وكذالك الطوارئ
يعني ما راييح يكون شغب زي العام الماضي
((وعلى فكره ترى انا عرفت عدد من اللي داخلين الملعب والله مايعرف ولا لاعب من الهلال بس كذا جايين للخرااااااب ))


لا تتشوه صورة القصمان بعينك

تنقل المباراة وش علية
ولكن جمهور الرس الهلالي يكفي
ولسنا بحاجه لإمدادات من برا الرس
لأنهم هم
الذين هم يشوهون هذه المدينه