#1  
قديم 11/03/2008, 03:03 AM
كاتب ساخر بالمجلس العام
تاريخ التسجيل: 21/08/2005
المكان: حيث يعيش الشلولخ
مشاركات: 6,845
طب ... وتخير .. وأعتذار للشلهوب

بسم الله الرحمن الرحيم




اااه يامحمد ... ( إن حكينا ندمنا ... وإن سكتنا قهر )

دمعة البطولة اختلط فيها الفرح مع الحزن .. فرحة الإنجاز والمستوى .. وحزن شفته بعينك بالتصريح الأخير ..
وكأننا نسينا كجمهور بأنك مريت بظرف صعب .. وقاسي .. والله لايفجعنا بوالدينا .. طالب من طالب بإبتعاد الشلهوب بسبب هبوط مستواه .. ونسي ماقام به الشلهوب من حماس وجهد وتفان في الملعب .. وطيبه وأخلاق خارجه
نعم .. في ظل هالمشاغل .. والمسؤوليات .. وسرعة الأيام .. نسينا ماتمر به اخوي محمد .. وقسينا عليك
وانا أول شخص اعتذر لك ... وربي يفرج همك .. يــــارب


========



ابو دعيع .. شفته ( يتفلت ) قلت : شنوووحوووه بعد حيي هاااتس ؟ وش جاه ابو دعيع ..؟ ماهيب عادته راعي مشاكل ..
بس طلع يبي يعتزل .. والجماعه معيين عليه
يقولون له يابو عبد العزيز .. عدل .. بدل .. مننني .. مناااك .. يقول : مابي مابي مابي
تبي ولا ماتبي .. ترجع الله لايهينك يابو عبد العزيز .. مالنا غنات عنك ياطربتي ( الله لايخلينا )
وزين اللى جت من حبيب الكل صاحب السمو الملكي الأمير سلمان بن عبد العزيز .. لو ماتدخل ابو فهد الله يطول بعمره والا كان انا تدخلت شخصياً .. بس اشوى جت سليمه


=======



ناظروا بس ... قبل كانت مع سعد الدوسري رحمة الله عليه .. والحين مع سامي !!
وش تقولون بهالبرازيلي .. نقول الاخضر فايز .. وش تقولون !!؟>> قديمه
الإداره لازم تجدد ... وانا متأكد بأن : 311,096 >>> عضو بالزعيم الحين (نسختها ).. حتى أخر عضوه سجلت هي رغودة الهلاليه
فرصه نرحب بالعضوه رغودة الهلاليه
كل هالأعضاء يطالبون بالتجديد مع تفاريس ...
تدرون انه صاحب هدفنا قدام الشباب ... وصاحب تمريرة هدف ياسر الأول قدام الإتفاق .. وبسببه ظربة الجزاء اللى شاتها التايب ....
يعني لو قلت لكم إن هالبطوله .. بطولة ( تفاريس )


=======




مقاتل .. و و و و .. ماودي والله اكرر الكلمات اللى انقالت في عمر ... بس عمر ( مرارة الهلال النابضه ) >> إلا غصب ابي شي جديد لي ( حصري ) وش رايكم باللقب الجديد لعمر
قدم عمر في هالبطوله بالذات مجهود كبير .. وحتى لو ماكان ظاهر لأحد بس عمر اللى مستواه مايهبط .. تقول عليه حلف ( ماشاء الله تبارك الله ) الله لايحرمنا من ابداعاتك ويحرسك من عين (العدوان الثلاثي)



=======


بقيله مباراتين ويمثل بطولة مسلسل تاريخي .. هو القائد .. لعبة .. لعب رجولي .. من إيام اليونانيين القدماء أو المصريين الفراعنه .. الله يابو عزيز .. صدق محارب .. وعسى من سماك محارب ماتعمى عينه ..
وهو داخل الملعب .. اكثر شخص متحمس .. واكثر شخص يعطيك جو انك تشوف معركه .. حتى مرات تحس انه بينبطح على بطنه .. يقاله جادع ( قنبله يدويه ) الهلال بخالد عزيز ممتع .. قوي .. ثقه


=======



اما آن لهذا الفارس أن ( يتلين ) >> عجوز تمثل مسلسل تاريخي
مشكلتك انك فنان .. ومشكلتي ان طبيعه لعبك اعجز امامه ان اعبر .. فقط اشاهد الإبداع .. لايفوتني حركه .. تسحيبه .. فنيات .. وش خليت يابو سعيد .. انت بطل كل المواجهات .. بس متي يروق الراس تعطي .. والله يذكر ابو ثنيان بالخير
ابو سعيد من فنان الاعب طراز >> يعني من طراز اللاعب الفنان بس من زين لعبة اختبصت ...
أملنا بالله ثم فيك كبير يابو سعيد ..


=======



يقول ابو نورة : خل عنك التعالي .. واتركك منه .. مايفيد الغرور .. اللى معه منه ..

ابو نادين .. فنان مااحد يقول لا ... ممتع في الملعب .. جدا .... تلعب بروح وحماس .. من ينكر ؟؟؟!! لك فضل بعد الله في حسم اكثر من لقاء .. واضحه وضوح الشمس .. بس اخر تصريح منك بالعربيه زعلتنا .. لأنه العربيه راعين فبركات .. وانتبه .. ومااسرع ماأرضيتنا بمستوى .. وبهدف .. وبطوله .. وتعبير عن فرحه .. نعلم بأنها من القلب .. فشكرا لك من القلب .. بس امسك أعصابك >>> على قولة عادل إمام ..
ومااتمنى تكون صيد سهل للصحافه .. حنا نحبك .. وانت تحبنا .. ويكفي مطخت الفنيله لين ماامتلت سعابيل
فنان يابو نادين .. ومن قال غير هالكلام لايمثل نادي الهلال ولا جمهوره .. حط هالشي ( حلئه في ااذنك )


========

احس اني تعبت .. وبصراحه عازم اخوياي على العشاء يوم الجمعه الجايه ليله الأثنين ومافيه وقت .. يالله يمديني اتقضى نواشف ..

اتمنى انكم استمتعتوا .. وترى عادي أكمل .... إذا جازتلكم الفلسفه .. انا لو يمدحني احد .. ياشيخ اجيب صور على أيام طارق العواضي .. وهذال الدوسري .. وابربر .. بس انتم قولوا كمل وشوفوا ..

تحياتي .. وسامحوني على الأخطاء والقصور في الموضوع ...


اخوكم الصغير ابو طلال

اخر تعديل كان بواسطة » ابو طـــــلال في يوم » 11/03/2008 عند الساعة » 03:47 AM السبب: شي ماشفتوه هع هع
اضافة رد مع اقتباس
  #2  
قديم 11/03/2008, 03:37 AM
زعيــم متواصــل
تاريخ التسجيل: 26/08/2006
مشاركات: 50
ههههههههههههه ابو طلال موضوعك لذيذ يارااااااايق لا صراحة موضوع حلو نفس الرسايل اللي وجهتها للاعبين هي اللي في بالي ماقصرت
اضافة رد مع اقتباس
  #3  
قديم 11/03/2008, 03:46 AM
زعيــم مميــز
تاريخ التسجيل: 31/07/2007
المكان: الشرقية
مشاركات: 5,433
ابو طلال ..

وحنا ندروك في [ المجلـــــس العام ] ..!! أثريـــك هنـــــا ..!!

بصراحــــة موضوعـــك [ روعــة ] واسلوبــك [ أروع ] كالعــادة ..!!

والله يوفــق لاعبي الهلال ..!!

الشلهــوب - الدعيــع - الغامــدي - عزيز - ياسر - التايب ..الخ ..!!

وجميــــــــع اللاعبيــن ...!!

والشلهـــوب الله يعينــه اذا عنده [ ظــروف ] .. ومانقدر نطالبــه باكثر من طاقتــه ..!!

/
\
/
\

ابو طــلال

الله يعطيك العافيـــة

ورده Thanks ورده
اضافة رد مع اقتباس
  #4  
قديم 11/03/2008, 03:53 AM
الصورة الرمزية الخاصة بـ algohmani
زعيــم مميــز
تاريخ التسجيل: 01/05/2006
المكان: خيمه ناطحة سحاب
مشاركات: 13,320
رائع جدا أيها الرائع دوما الغالي : أبو طلال

كلنا شاهدنا الحزن الذي على محيا محمد الشلهوب وبصراحه ماينلام هذا البطل .. أعجبني كثيرا كلامك عن أبي بندر
اما الدعيع يتفلت على الإعتزال على قولتك شيء طبيعي لأنه وانا اخوك عانى من ضغوطات نفسية كبيره أثرت علية هو ومحمد الشلهوب ..

أما تفاريس فهذا ينطبق عليه : من عاشر قوم صار منهم فهذا الرجل اصبح يحس بما نحسة نحن وصدقني هذا اللاعب ليس مجرد لاعب جاء لكسب المال من خلال الإحتراف بل اكثر وأسمى من ذلك بكثير ..

عمر الغامدي ماتلاحظ انك ختمت بالعدوان الثلاثي وش تقصد علمني يكون فية أحزاب سياسية من وراي وانا مدري على العموم عمر الغامدي ليس مجرد مقاتل بل اكثر من ذلك بكثير والله يحميه من شر العيون ..

خالد عزيز يستحق كل ماكتبته عنه بس وش سرك انت والسياسه شكلك تبي تودينا بداهيه ....

أما القحطاني فيازين التعسيلة بعد الظهر الرجال تعبان على الأخير بس وش ذي المخده اللي تحت راسة

كل التقدير لنجومنا الأعزاء ويستحقون منا كل الكلام ...


لك مني الحب والتقدير ...


أخوك : أبو عبدالله





إقتباس
ابو طلال ..

وحنا ندروك في [ المجلـــــس العام ] ..!! أثريـــك هنـــــا ..!!

لا .. ابشرك تعاقدنا مع ابو طلال وخلاص ماعاد هو بجاي بمجلسكم ابو طلال جمهوري صميم وش له بكم يالمجلساويه
اضافة رد مع اقتباس
  #5  
قديم 11/03/2008, 03:55 AM
الصورة الرمزية الخاصة بـ S K Y
زعيــم مميــز
تاريخ التسجيل: 30/04/2007
المكان: الـريـاض
مشاركات: 10,808
إقتباس
ابو سعيد من فنان الاعب طراز >> يعني من طراز اللاعب الفنان

ذكرتني براعي الصندقان اللي يكرف من الصبح واخرتها صندوق بردقان ههههههههههههههههههههه

بالتوفيق للاعبين اللي ذكرتهم في موضوعك واللي خلف الكواليس وأن شاء الله يبيضون الوجه
يعطيك العافيه يابوطـلال على الكلمات الجميله

اقول ابو طلال ماتلاحظ نكك شكله غلط مع الستايل الجديد كنه ممغوط حبتين
اضافة رد مع اقتباس
  #6  
قديم 11/03/2008, 10:37 AM
كاتب ساخر بالمجلس العام
تاريخ التسجيل: 21/08/2005
المكان: حيث يعيش الشلولخ
مشاركات: 6,845
جمهور نايم .... تسمعون بالتفاعل .. 300,000 الف عضو .. وينهم .. معقولة كلهم بالأقسام التقنيه والكمبيوتر >> هاليابانيين على غفلة >>>>> حقد عليهم


وشــــــــكرا لكل من علق وحضر .. ( وردة )
اضافة رد مع اقتباس
  #7  
قديم 11/03/2008, 10:43 AM
الصورة الرمزية الخاصة بـ SSالهلالي
زعيــم متألــق
تاريخ التسجيل: 06/10/2006
المكان: الرياض
مشاركات: 1,283
كتبت فأبدعت أخوي أبوطلال والله يسلم يمناك على الموضوع المتميز
اضافة رد مع اقتباس
  #8  
قديم 11/03/2008, 11:23 AM
الصورة الرمزية الخاصة بـ هلالي ثنياني
مشرف سابق في منتدى الجمهور الهلالي
تاريخ التسجيل: 15/01/2002
المكان: جـــــ 15 ــــدة
مشاركات: 14,273
قلم راقي.. أو خلني أقول قلم رايق والا بأقول قلم يجبرك على الفخر بكونك مجرد (قارئ)
وبين هذا وذاك.. تخيرت وخرجت بمقاله راااااااائعة

أسلوب سلس.. مترابط.. منضبط بمزاجيه
يعني كأنك تشوف الهلال في النهائي ضد الاتفاق


قلمك مكسب لقسم الجمهور.. وأتمنى من كل قلبي أن أقرأ لك دائما في القسم ومالك الا من يجيب لك (إنتداب)من مشرفين القسم العام
اضافة رد مع اقتباس
  #9  
قديم 11/03/2008, 11:30 AM
زعيــم نشيــط
تاريخ التسجيل: 28/11/2006
مشاركات: 766
تعال كل يوم وسو موضوع
الله يعافيك ياابو طلال
موضوعك حلو
اضافة رد مع اقتباس
  #10  
قديم 11/03/2008, 11:54 AM
الصورة الرمزية الخاصة بـ نزيه المشاعر
عضو اللجنه الإعلامية
بالموقع الرسمي لنادي الهلال
تاريخ التسجيل: 24/02/2005
المكان: قصيمي الرياض
مشاركات: 18,327
ياحنوك يابو طلال

الله يعطيك العافيه ماقصرت

والله يخليلنا الزعيم

تقبل مروري
اضافة رد مع اقتباس
  #11  
قديم 11/03/2008, 05:05 PM
الصورة الرمزية الخاصة بـ الهلالي دائماً
مشرف منتدى الجمهور الهلالي
تاريخ التسجيل: 20/01/2002
المكان: وسط المعمعه
مشاركات: 12,884
كمل ياحبيبي كمل

بالملميتر ياحبيبي

ما شاء الله ابو طلو صاير قلمك ذو شعبيه عارمة في مجلس الجمهور

لا وبعد يبون يجيبون لك انتداب

أرزاق ياعم أرزاق

حقيقة مقال جميل ويفتح النفس تقدر تقراه وفي بطنك بطيخه صيفي >>> معلق ع البطيخ

يسلمو ابو طلال ورده

والله يعطيك العافية ,,,
اضافة رد مع اقتباس
  #12  
قديم 11/03/2008, 05:20 PM
زعيــم مميــز
تاريخ التسجيل: 30/09/2007
المكان: في الزعامة
مشاركات: 1,884




سلملي على هاللاعب وبس شكله قال ما انتبهولي بالبطولات السابقة لازم اعلمهم من انا واهاجم هع
اطالب بتجديد عقد هالطخمة لن يعوضنا عشرة مدافعين غيره
الواحد يرتاح ويطمئن لوجود ه بدفاع الزعيم
لو تخليه بلحاله بالدفاع غطى وكفى ووفى


ابو طلو <<سو يمون

رائع ماخطت يداك
لاتحرمنا ابداعك
اضافة رد مع اقتباس
  #13  
قديم 11/03/2008, 07:05 PM
زعيــم مميــز
تاريخ التسجيل: 06/05/2005
المكان: الريـــــــاض
مشاركات: 5,459
هلا وغلا أبو طلال....


كل االاعبين اللي ذكرتهم استحقوا الاشادة ..

وتفاريس هذا لااااااااااازم يقعد بالنادي

أبو طلال ورده ورده
اضافة رد مع اقتباس
  #14  
قديم 11/03/2008, 11:23 PM
كاتب ساخر بالمجلس العام
تاريخ التسجيل: 21/08/2005
المكان: حيث يعيش الشلولخ
مشاركات: 6,845
إقتباس
الرسالة الأصلية كتبت بواسطة عشانك يابو سلطان
ههههههههههههه ابو طلال موضوعك لذيذ يارااااااايق لا صراحة موضوع حلو نفس الرسايل اللي وجهتها للاعبين هي اللي في بالي ماقصرت

بالعافية يابعدي .... وهذا انا تراني ( كل دايم ) أوجه رسايل للي في بال الأعضاء .. وماأقصر
يسلمووو يالذيب .. يعطيك العافيه وشكرا

=====


إقتباس
الرسالة الأصلية كتبت بواسطة باسكن روبنز
ابو طلال ..

وحنا ندروك في [ المجلـــــس العام ] ..!! أثريـــك هنـــــا ..!!

بصراحــــة موضوعـــك [ روعــة ] واسلوبــك [ أروع ] كالعــادة ..!!

والله يوفــق لاعبي الهلال ..!!

الشلهــوب - الدعيــع - الغامــدي - عزيز - ياسر - التايب ..الخ ..!!

وجميــــــــع اللاعبيــن ...!!

والشلهـــوب الله يعينــه اذا عنده [ ظــروف ] .. ومانقدر نطالبــه باكثر من طاقتــه ..!!

/
\
/
\

ابو طــلال

الله يعطيك العافيـــة

ورده Thanks ورده


هلا باصكن روبنص يعطيش العافية اختي .. أي شخص يرد علي من المجلس العام يذكرني ببطولة الدوري والخمسه اللى رقعناها قسم الرياضيه العالميه .. ورفض ماجد مقبل التبديل .. والحكم ابو جنز
وبالنسبة للمجلس العام .. أنا في قلوب كل أعضاء المجلس العام .. مهما ابعدتني المشاغل والمسؤوليات >>> اووخس ياسعود الفيصل
ماقصرتي اختي والروعه في حضورك >> أخاف احط لك ورده ( اخويه ) ندخل في سين جيم

========

إقتباس
الرسالة الأصلية كتبت بواسطة algohmani
رائع جدا أيها الرائع دوما الغالي : أبو طلال

كلنا شاهدنا الحزن الذي على محيا محمد الشلهوب وبصراحه ماينلام هذا البطل .. أعجبني كثيرا كلامك عن أبي بندر
اما الدعيع يتفلت على الإعتزال على قولتك شيء طبيعي لأنه وانا اخوك عانى من ضغوطات نفسية كبيره أثرت علية هو ومحمد الشلهوب ..

أما تفاريس فهذا ينطبق عليه : من عاشر قوم صار منهم فهذا الرجل اصبح يحس بما نحسة نحن وصدقني هذا اللاعب ليس مجرد لاعب جاء لكسب المال من خلال الإحتراف بل اكثر وأسمى من ذلك بكثير ..

عمر الغامدي ماتلاحظ انك ختمت بالعدوان الثلاثي وش تقصد علمني يكون فية أحزاب سياسية من وراي وانا مدري على العموم عمر الغامدي ليس مجرد مقاتل بل اكثر من ذلك بكثير والله يحميه من شر العيون ..

خالد عزيز يستحق كل ماكتبته عنه بس وش سرك انت والسياسه شكلك تبي تودينا بداهيه ....

أما القحطاني فيازين التعسيلة بعد الظهر الرجال تعبان على الأخير بس وش ذي المخده اللي تحت راسة

كل التقدير لنجومنا الأعزاء ويستحقون منا كل الكلام ...


لك مني الحب والتقدير ...


أخوك : أبو عبدالله







لا .. ابشرك تعاقدنا مع ابو طلال وخلاص ماعاد هو بجاي بمجلسكم ابو طلال جمهوري صميم وش له بكم يالمجلساويه



الروعه الدائمه في حضورك ومرورك وتفاعلك مع الجميع .. الف شكر ابو عبد الله .. وشكرا مره اخرى على عملية الإنقاذ الأخيرة
وين .. وين ؟؟ أي جمهوري .. واي عالمي .. انا سعودي .. هلالي .. ثنياني .. مجلساوي .. مقبلاوي >> ماجد مقبل حتى النخاااع
إلا في حالة دهن السير .,. تلقاني قالب على .. تشادي .. نصراوي .. مضحاوي .. كمبيوتري .. > قسم الكمبيوتر يعني .؟.


=========

إقتباس
الرسالة الأصلية كتبت بواسطة S K Y
ذكرتني براعي الصندقان اللي يكرف من الصبح واخرتها صندوق بردقان ههههههههههههههههههههه

بالتوفيق للاعبين اللي ذكرتهم في موضوعك واللي خلف الكواليس وأن شاء الله يبيضون الوجه
يعطيك العافيه يابوطـلال على الكلمات الجميله

اقول ابو طلال ماتلاحظ نكك شكله غلط مع الستايل الجديد كنه ممغوط حبتين

اجل بردوووق صندقان بعد كل هالكرف ..

والله يوفق الجميع .. ماقصروا كل اللاعبين بصراحه

إلا والله ملاحظ .. بس خل عنك كشخه هالمطه ياقف عليها الصقر
يعطيك العافيه ذيبان .. والمجلس مهديك أغنية أصالة : إرقع بئه

=========

إقتباس
الرسالة الأصلية كتبت بواسطة SSالهلالي
كتبت فأبدعت أخوي أبوطلال والله يسلم يمناك على الموضوع المتميز

يطولي عمرك يالغالي ... شرف لي ان هالموضوع لاقي استحسانك .. ( جازلك يعني )
والإابداع حضورك في أي موضوع يالغالي .. لاتحرمنا منه

=========

إقتباس
الرسالة الأصلية كتبت بواسطة هلالي ثنياني
قلم راقي.. أو خلني أقول قلم رايق والا بأقول قلم يجبرك على الفخر بكونك مجرد (قارئ)
وبين هذا وذاك.. تخيرت وخرجت بمقاله راااااااائعة

أسلوب سلس.. مترابط.. منضبط بمزاجيه
يعني كأنك تشوف الهلال في النهائي ضد الاتفاق


قلمك مكسب لقسم الجمهور.. وأتمنى من كل قلبي أن أقرأ لك دائما في القسم ومالك الا من يجيب لك (إنتداب)من مشرفين القسم العام


إيه الحلاوه ديه ؟؟ هلالي ثنياني أول مره يرد علي >> حاسس نفسي حئع من طولي خصوصا ثنياني .. بالمليمتر ياحبيبيييييي
شكرا لحضورك واسعدني مرورك اخوي هلالي .. ولاتحرمنا منه .. فنحن الوجيه الصاعده نحتاج للحضور الأخضر في شخابيطنا وبربرتنا >> وجية صاعده ماتعني الصغيره بالسن .. علشان مااحد يمسكها علي

ردك هذا ذكرني بفوز الهلال على الترجي التونسي في البطولة العربيه ..
شكرا لحضورك ومرورك يالغالي

==========

إقتباس
الرسالة الأصلية كتبت بواسطة -النايف-
تعال كل يوم وسو موضوع
الله يعافيك ياابو طلال
موضوعك حلو

قص لي مفتاح لبيبان قسم الجمهور وابشر ... وإلا حط المفتاح تحت الفرشه وانت طالع
حضورك أحلى ياكابتن

==========

إقتباس
الرسالة الأصلية كتبت بواسطة نزيه المشاعر
ياحنوك يابو طلال

الله يعطيك العافيه ماقصرت

والله يخليلنا الزعيم

تقبل مروري

الله يعافيك .. وشكرا للحضور والمرور ... ويوفق الجميع

أجل ياحنوك يابو طلال ؟؟؟

==========

إقتباس
الرسالة الأصلية كتبت بواسطة ماجد مقبل
كمل ياحبيبي كمل

بالملميتر ياحبيبي

ما شاء الله ابو طلو صاير قلمك ذو شعبيه عارمة في مجلس الجمهور

لا وبعد يبون يجيبون لك انتداب

أرزاق ياعم أرزاق

حقيقة مقال جميل ويفتح النفس تقدر تقراه وفي بطنك بطيخه صيفي >>> معلق ع البطيخ

يسلمو ابو طلال ورده

والله يعطيك العافية ,,,


هلاااا بتوأم روحي .. هلا بفلذة تسبدي ابو مقبل ... هلا بأديبنا المتعجرف ..
وبالشعبيه والجمهور اللى حصلت عليها بسبب دعاء الوالدين >>>> طس طس أقول
انا ارتحت هنا .. كل شي متوفر لي ... مكافئات .. وحوافز .. وفلوووس .. وتقدير .. ياخي هنا يقدرون المواهب السعوديه الواعده
بس تراهم يقولون خلاص مكتفين >>>> لاتجي

========

إقتباس
الرسالة الأصلية كتبت بواسطة الزيرابوعزيز




سلملي على هاللاعب وبس شكله قال ما انتبهولي بالبطولات السابقة لازم اعلمهم من انا واهاجم هع
اطالب بتجديد عقد هالطخمة لن يعوضنا عشرة مدافعين غيره
الواحد يرتاح ويطمئن لوجود ه بدفاع الزعيم
لو تخليه بلحاله بالدفاع غطى وكفى ووفى


ابو طلو <<سو يمون

رائع ماخطت يداك
لاتحرمنا ابداعك

إلا تمون ونص ياخلفهم ... وتفاريس يستاهل كل هالمعزه ... وسلامك ماوصل ترى .. عجزت القاه ( بووه مير نيم )
والف شكر على حضورك ومرورك الرائع يالغالي .. ولاتحرمنا انت من حضورك
=========

إقتباس
الرسالة الأصلية كتبت بواسطة هلااالي وأفتخر
هلا وغلا أبو طلال....


كل االاعبين اللي ذكرتهم استحقوا الاشادة ..

وتفاريس هذا لااااااااااازم يقعد بالنادي

أبو طلال ورده ورده

بالمهلى يالغالي ...

يستحق الإشاده كل الفريق اللى لعب المباراة والإحتياط بعد .. والجمهور .. وانا .. وانت ..

شكرا لك ولحضورك

===== ====== ======= ====== ===== ===== ===== =====

شكرا للجميع ........


لي عودة مع تعليقاتكم ... وصور أخرى بإذن الله ... مع التعليق عليها
اضافة رد مع اقتباس
  #15  
قديم 11/03/2008, 11:30 PM
زعيــم مميــز
تاريخ التسجيل: 13/06/2007
المكان: الريـ بريده ـاض
مشاركات: 3,867
مشكووووووووور ويعطيك العافيه..

وبالتوفيق لـ نجوم الهلال..
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 01:12 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube