|
الدفاع السعودي \ \ والمشكله الأزليه ::الكرات العرضيه<<نقاااش جاااااااد بسم الله الرحمن الرحيم اولا كلنا يعرف مشكله دفاعنا واللي لها تقريبا 6 سنين عشنا معها ازماااات خاصه امام المنتخبات اللي تعتمد عالكورات العرضيه واللي صارت نقطه ضعف كبيره مره مره لا حرااااس ولا دفاااع يؤدون المطلوب منهم في الكرات العرضيه وللاستدلال على ذلك نوجز اهم الاهداف المؤثره اللي جت علينا خلال هالفترهـ < طلعا سامحوني لو ما اذكر لكم بعض الاهداف بتقولون اني حكمت على الدفااع السعودي خلال 6 سنين بهالاهدف لكن فيه اهداف ما تحضرني ذكرها كانت عرضيه لكني بذكر الاهداف اللي انا قبل شوي عدتها وشفتها وطلعت الفضايح والاخطاء الدفاعيه كانت واضحهــ 1 - اهداف منتخب المانيا في كأس العالم 2002 اغلبها عرضيات لميروسلاف كلوزه واللي ما واجه مشاكل انه يلعبها في الباب 2- اهداف منتخب تونس في كأس العالم الاخيرهـ لو قدمنا المطلوب كان خرجنا فايزين كلها كانت عرضيات وحده للجزيري والثانيه للجعايدي وكانت سوء تركيز من اللاعبين 3- هدف منتخب اسبانيا اللي حسم اللقاء واخذ 3 نقاط مع اننا كنا مقدمين مستوى جيد دفاعيا لكن العرضيه كانت ايضا غفله دفاعيه واداء سيء 4-كأس اسيا الاخيرهـ هدف منتخب كوريا كانت عرضيه سهله لكن الدفاع ما ادى المطلوب على اكمل وجهـ 5- هدف اوزباكستان اللي جا بأخر الدقايق مع اننا كنا متقدمين 2 صفر لكن العرضيه كانت صعبه بالنسبه للاعبين المنتخب وتوقيت سيء للحارس 6- واخيرا والهدف المجاني واللي ما كان له داعي وفقدنا تعب بطوله كامله وهو هدف العراق في النهائي برضوا كانت عرضيه سهله وغلطه من الحارس وسوء تركيز من الدفاع طبعا انا لا اتحدث عن لاعبين معينين بل الدفاع السعودي والمدافع السعودي بشكل عام يعني الخلاصه وش تقترحون معي علشان نحل المشكله وش نبي منك يا انجوس علشان تحل لنا هالمشكله الأزليه والمؤرقه واللي افقدتنا نتاايج غاااليه هل تنصحون اقاامه دورهـ خااصه لمدافعي المنتخب بإشراف مدرب اجنبي اوروبي يعطيهم دروس في تخليص الكرات العرضيه والله ما يليق بلاعبين محترفين اني اقولهم ادخلوا دورهـ لكن هل في حلوول تقترحوونها علشان نحل لو جزء من هالمشاكل للدفاع السعودي يعني يا جمااااعه والله منتخبنا يملك خط وسط عااااالمي وهجوم ناري لكن كل مجهودااااتنااا بالهجوم والوسط تروح سدا بهدف وغلطه دفااعيه يعني لو هالمشكله كانت محلوله كان تأهلنا لأدوار متقدمه في كأس العالم كان فزنا بأكثر من بطوله واحرزنا اكثر من انجاز دعوه للنقاش <<<<----------------------------- وسامحوني عالاطاله |
أولاً يسرني أني أول واحد رد عليك أنا صراحة أقترح الدعيع حارس وبكل قوة و نور و الخثران يجب على آنجوس ادخالهم ولكن مين يسمع لك |
انا اشوف ان دفاع الهلال والاتحاد فيهم ميزه الرئسيات وهاذي المشكله اصبح قديمه |
عليانو رونالدو أول شيء الله يعطيك العافيه على الموضوع الرائع وانتقاء تحسد عليه صدقت والله مشكلة المنتخب السعودي في العرضيات سواء في الهجوم أو الدفاع يعني ينطلق لاعبنا من الجناح وما فيه احد معاه واخر شيء يرفعها برى ولا بعيده عن لاعبنا مع انه لحاله والشيء الثاني هجمه اي شيء يعني كيفما اتفق كوره عرضيه ولعيبتنا يطالعون واخر شيء حارس يتفرج اكون صادق انا متفائل بحارسنا الكبير القادم بقوه وليد عبدالله مع انني لم احبب ان اذكر اسماء انا اقترح ان المدرب يجيب متخصصين ومستشارين في الدفاع من ذوي الخبرة ويخليهم يلقون محاضرات ومن ثم يطبقونها على ارض الواقع لنتميز بها والشيء الثاني يجيب لقطات فيديو لبعض المدافعين العالميين المتميزين ومن ثم عرضها على دفاعتنا ليتعلموا ولي عوده واتمنى التوفيق للمنتخب السعودي |
صراحه هذي مشكله كبيرهـ جداً و دائماً ما تجيب لنا الكوراث .. بس أمووت و أعرف وش السبب يعني مثلاً ندربهم على الكور العرضيه ولا كيف..!! |
والله انها اكبر مشكلة في منتخبنا.... وفي نفس الوقت ماهي مشكلة!! يعني ببساطة لجنة مكونة من 3-4 مدافعين معتزلين مهتمين ومتابعين يتابعوا التمارين ويناقشوا المدرب والمدافعين بكل ود وبكل حب يركزوا على الملاحظات.. ومشكورين ع الموضوع اخوي. |
إقتباس:
والله سـليطيــن يبيلنــا كذا مـا نحضر الحــصة الــثامنة و نشــوف حل لهذي المـــــــــشكــلة..:d |
والله اذا المدرب ماعرف يحل المشكله ما ادري كيف راح نساهم فيها وانا ماعندي والله فكرة معينه لكن ممكن يكون السبب عدم الثبات او الإرتباك والله لاعلم عندي |
نعم الكرات العرضية اهم عيوب الدفاع والتى يجب معالجتها من ظهيرى الجنب وقلبي الدفاع والحارس هم من يتحملون هذة الاخطاء الاظهرة ضرورى يحدون من رفع الكورات وقلبي الدفاع الرقابة اللصيقة والحارس الخروج المناسب والتركيز الجيد هذة علاج او الحد من الكورات العرضية |
ان شاء الله بوجود المرشدي واسامه هوساوي تنحل المشكله |
إقتباس:
:clapping::clapping:والله كلامك صحيح:clapping::clapping: :clapping::clapping::clapping::clapping::clapping::clapping::clapping: |
| الوقت المعتمد في المنتدى بتوقيت جرينتش +3.
الوقت الان » 10:21 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd