إقتباس لكن على فكرة ياشباب, عندي سؤال: هل بتال فيه عرق نصراوي, إذا ما كان نصراوي؟؟؟؟؟؟؟

ههههههههههه بتال معروف انه نصراوي .. نصراوي ونص بعد ..


قد قريت له لقاء في مجلة .. يوم سئلوه وش تشجع .. قال انا نصراوي تائب !!


بالنسبة لحركة طارق .. كان جدا عصبي في اخر مباراتين .. مدري ليش مع انه لاعب خبرة ..

مفروف يتغاضا عن هالامور التافهه ويفرغ للعب ..

لكن اعقد انه اووووص كانت لجمهور الاتفاق .. اللي مابقى شعار نادي الا وكان عندهم ..

اتفاقي نصراوي اتحادي اهلاوي شبابي .. كل الاندية كانت ضد الهلال ..

ربي نصرنا عليهم الحمد لله ..


شكرا

إقتباس الرسالة الأصلية كتبت بواسطة shehri_n لكن على فكرة ياشباب, عندي سؤال: هل بتال فيه عرق نصراوي, إذا ما كان نصراوي؟؟؟؟؟؟؟

اللي اشوفه ان بتال دائما تحس انه يبي يتكلم على التايب

والله اعلم عن النيات


واللي اعرفه انه نصراوي لكن هذا ما يقلل من مكانته كمقدم كبير


وشكرا

اذا عالتايب وحركته اووووووووووووووووووص اعجبني برد قلبي

وانواع الضحك على حركته


اما بتال القوس اخوه كان يدرس معي بالثانوي وكنت اساله اخوك وش يشجع قالي نصراووووووي صميم

وكانت وقتها بدايات بتال مع قناة السعودية

اما اخو الي اعرفه ماله بالكورة هو بوادي والكورة بوادي

وشكرا عالموضوع

كان يقصد بحركه اصصصص جمهور الاتفاقي والنصرواي اللي كان يهتف ضده وبعدين بتال القوس رغم كل مايحصل منه لمحاربه الهلال الا انه مذيع كبير واحسن من اللي بالخشبيه

تشكرات على المجهودات
أجزم بأنَّ القدير ، الكابتن/ طارق التائب ، وضع أصبعه على فمه و اتجه للجمهور الدخيل على الفريق الإتفاقي (جمهور النصر) الله لا يخزينا ، و اللقطة التلفزيونية توضح ردَّة فعلهم الوقحة تجاه التائب00 لأنَّ المخرج ماصدق؟ جابها بالثمنيات00

إقتباس الرسالة الأصلية كتبت بواسطة shehri_n عندي سؤال: هل بتال فيه عرق نصراوي, إذا ما كان نصراوي؟؟؟؟؟؟؟

^
^
^

بتال نصراوي

وانا اعتبره

افضل نصراوي موجود في الساحهد
لأنه عارف النصر وش يكون الآن

وله مقوله شهيره
عندما قال
النصر اصبح اسم على رسم

ذكرها في أحد حلقات برنامج في المرمى

مايسوي لقاء مع النصراويين الا انواع التزبيد

وآخرها مع الامير تركي بن ناصر ( ماني متأكد من اسمه )
المهم انه صاحب تصريح ( خليل جلال )


من مقتطفات التزبيد

ذكر بتال القوس ان الاداره النصراويه واعضاء الشرف

اذا جاهم دعم من عضو او اياً كان لو 5000 ريال

انواع الفلاشات واللقائات وبيانات الشكر <----- حلوه بيانات


بينما الهلال يجيه دعم يوصل إلى 5.000.000 مليون

يعتبر شي عادي وحق من حقوق الأولويه

بعدها قال الامير : الآرسنال يدفع 20% من اللي يدفعه
ليفربول ومانشستر وهاهو متصدر الدوري

رد بتال القوس : الأرسنال متصدر وأسكت الجميع
اما انتم أين من ترتيب الدوري



مع أن بتال القوس قاسي وبكل عقلانيه وأدب

الا ان مايميزه ( الحياديه )

إقتباس الرسالة الأصلية كتبت بواسطة روميو العرب اللي اشوفه ان بتال دائما تحس انه يبي يتكلم على التايب والله اعلم عن النيات واللي اعرفه انه نصراوي لكن هذا ما يقلل من مكانته كمقدم كبير وشكرا

بتال نصراوي صميم والتايب اتوقع بكلمة اص جمهور المسيار
أما تقولي بتال مقدم كبير كثر منها الا وسخ ومايثمن كلامه والدليل
مقابلته مع طارق وان كانها مهي كافيه تقنعك اذكر انه سوى مقابله مع الأمير نواف بن فيصل اوغيره وسأله سؤال في سماجته المعتاده وقاله
الأمير نواف اعرف من تتكلم معه بعدين اسأل ورح دور وجه بتال

المعذرة ياشباب شكلي الوحيد اللي ما كان يدري عن بتال أنه نصراوي, لكن اعذروني لأني في غربة وما أتابع بكثرة عن المقدمين وميولهم.

وإن كان المفروض أن المحللين يتخلون عن ميولهم الرياضية في أعمالهم. وتعليق بتال قبل التقرير كان كثيرا مستفز ويدل على تحامل على اللاعب مع احترامي لشخصه وقدراته كمذيع جيد.

بلاه تسحيب التائب بفريقه

شـــــــــــــــــــــــــــــــــــــــوارع للباص

ابشرك بتال قد اعترف في برنامج على قناة فواصل انه نصراوي .....,,,

ولايهمونك يالبرنس ....

بتال يسوي الحركات الطفوليه

عشان يخلي التايب يروح عن الهلال

وبالنسبه لي بتال فهو نصروي متعصب

ويحب ان يستفزا لكن سوف يرجع الاستفازا اللي يسوه للناس

عليه يوم

واتمنى من لاعيبه الهلال عدم المقابله مع برنامج بتال

عشان يتادب

وشكرا.....................



الي من الله حياه الله
[email protected]

بتال معروف من زمان انه نصراااااااوي



يالتايب لايهموووووووونك ياحارق دمهم










مع تحيات ابو نــــــــــدى