شوفه مناي وليت عيني تناله
شوفه دوى كل الجروح العليله
بقضي حياتي كلها في قباله
واحط حبه في عيوني واشيله
بروي ظما عيني بحزة وصاله
وابكي على فرقاه حزة رحيله
فيه الحلا والزين محلا خصاله
فيه الجمال اللي غصب تنتحيله
قلبي عزف له يوم شفته لحاله
واصبح يبي وصله باية وسيله
اموت في حبه ولاني في باله
وياحظ من يصبح حبيبي خليله
ودي بشوف اللي ذبحني جماله
الصاحب اللي كل لحظه اخيله



أخوكم : أبو عبدالله