09/03/2008, 12:53 PM
|
الكاتب الساخر | | تاريخ التسجيل: 19/06/2006 المكان: Najd
مشاركات: 1,022
| |
| إقتباس | | | | |
الرسالة الأصلية كتبت بواسطة re_life | | | | | | | | ألف مبرووك . . استااذ مغااط * والله من أجمل ما قرأت باااركك الله . . ورعااك ولم يخب ظن من انتظر رسمك وما يخطه قلمك * ولدت مبدعاً . . وستبقى كذلك فهنيئاً لنا بكم . . * تفضلت بـ " وهناك (وزير ٌ ) يكرُ ويفر !! ويحرس (ملكا) !! " ووالله ما أرى إلا البطل " تفااريس " من كنت تقصد * وبالتوفيق ديناً . . ودنيا * وفي انتظار تقولنا وش صاارلك بهالنهاائي من مواااقف | | | | | | تحياتي لك .. ولاستلذاذك بما يخط (للهلال) .. ويسطـَّر (للهلال) !! ويرسَم (للهلال) !! فما أنا - إلا - واحد ٌ من "مليون عاشق" !! وسأسعى لأوصل َ (عشقا) !! وسأكتب (حبا) .. ولك كامل ودّي واحترامي .. بالنسبة للمواقف الذي صادفني بهالمباراة : كنت حاضر المباراة مع اثنين من الزملاء .. ونسيبي وجاي معه واحد ..!! فخوي نسيبي .. تحس أنه راضع مع (عبدالمجيد الشتالي) !! ما بقى شي ما حلله !! حتى أنه يقول أنا لازم أنصح (أنجوس) .. !! لدرجة يوم انتهى من تحليل المباراة بدأ يحلل الجمهور !! ووشلون يضفون القراطيس عقب المباراة !! أقولكم ما بقى شي (ما حلله) .. حتى سعر الرز سولف عنه !! وقال لا عاد تشترون سكر (زيادة أحسن عشان أخشن) !! وقام يعلمنا المواد اللي فيه !! أنا حامت تسبدي بييني وبينكم .. قلت الظاهر لو نسكت له .. كان يبدأ يسولف لنا عن " طرنبة الزيت .. و وشلون ينخرط الهوب !! ووشلون يوضبون مكاين الددسن .. ويرهمون الجيوب" !! ألتفتّ على نسيبي وقلت له : خويك ذا بالع حرمه !؟ ضحك نسيبي بقوة .. و خوينا الظاهر فهمها ودرى أنه " مصّخها" !! فسكت عقبها ما عاد حتسى أبد !! لدرجة يوم جاب ياسر الهدف !! وحنا نبارك لبعض .. هو يهز راسه وصاك اثمه .. ويوزع ابتسامات !! ولا سمعنا صوته أبد .. والله أنه اجودي ووش حليله .. بس ما شاء الله عليه من قبل المغرب وهو (يهذر ) .. لدرجة أنه يسألنا ؟! و توني برد !! إلا هو منتصف بالجواب !! والسالفة الثانية : يوم جينا نمشي نبي نطلع من الملعب .. وأثر رجلي (نايمة) !! يلعن أم الخمه الغلط !! وأحاول بها !! ويا بنت الحلال قومي !! لدرجة خوينا أبو سوالف !! يناظرها وصاك اثمه ويأشر لها يبيها تقوم !! جلسنا وقت وأنا أحاول فيها !! كني أقوم بزر لصلاة الفجر !! وأجيها بالهداوه !! وأسايسها من عند الركبة !! بس ماش .. مسكت غلط على نومة !! عاد معنا واحدن وش حليله .. لدرجة انه ما بلغ إلا يوم وصل الجامعة .. قال لي : أقرأ عليها !! قلت : وين يالحبيب ؟! جايّك رجلي قايلتن لك بي "ضيقة صدر" !! قال : لأ بس وراها كذا !! قلت : خلوها تاكل تبن !! رجلي وأعرفها !! وفعلا خليناها شوي .. يوم بدت أصابعي (تتمغط) .. وقامت !!
والله يا جماعة لو تشوفون العيال وشلون متجمعين علي !!
كني (معوقّ) و ناشب بين الكراسي !! وهم يحاولون يطلعوني !!
ما تسوى علي !! |