إقتباس الرئيس المرؤوس هو اللى يصرف على ناديك.....

بس تكفى ،، وش تبيه يسوي ،، ما يصرف بعد ،،،،، بعدين الله يخليك اللي يسمعك يقول النادي كان يشحذ ايام الرئيس السابق بندر بن محمد ،،، بعد ما يبي الرئيس المرؤوس يصرف ،، اقول رح بس شف وش صرف عليه بندر وش صرف عليه سعود ،،، شف محترفين بندر ومدربينه وشف خمام سعود .

إقتباس الرئيس المرؤوس هو اللى أستلم النادى وهو داج ما فيه أحد....

اي والله استلمه داج لآن الكل خايف ما يكرر انجازات بندر بن محمد ، وادارة بندر بن محمد ،، وحصل اللي ينخاف منه ،، وصار الفريق ادج

إقتباس الرئيس المرؤوس هو اللي تخلوا عنه أعضاء الشرف.......

ايه هين تخلوا عنه ،، والله ما شردهم الا ريئسك المرؤوس ،، وبالضبط زي ماهو مسوي معانا من تجاهل مسويه مع اعضاء الشرف ورئيس اعضاء الشرف ولد عبدالعزيز بكبره ،، وهذا ان يدل فإنما يدل على انه مرؤوس ،، وان كان تبي الدليل رح شف اخبار معوكس اليوم عن الفريق ،، يقول حضور شرفي كبير ،، وهذا متى ؟؟ ،، لما راح سعود رجعوا ،، مو تخلو !!!

إقتباس الرئيس المرؤوس هو اللى تحاربونه عشان ما واساكم في الجرايد؟؟؟؟؟؟

اول شي الحمدلله انك قلت تحاربونه مو تحاربه لانك عارف ان كل الجماهير مو راضية عنه ،، وما يمدح السوق الا من ربح فيه ،، ثاني شي فعلا هو ما واسانا ،، وهذي تحسب ضده مو له ،، والحمدلله انك قلتها بلسانك

إقتباس بـــــس أبي أعرف (أنت) وش سويت للنادى يا ظلال عم أخو جد نسيب بن سعيد

انا مشجع ،، مو مطلوب مني اسوي شي ،، ولو فتح النادي حساب تبرع لكنت اول المتبرعين ( لولا خوفي يصرفها رئيسك المرؤس في كانكون )،، وسبق وأن أيدت فكرة فتح حساب للجماهير ،، لكن اذا رئيسك المرؤوس منفرد بالنادي واعضاء الشرف بكبرهم ما يدفعون ،، تبيني انا ادفع

ومع ذلك بخبرك وش سويت للنادي ،،

انا متغرب للدراسة ،، ويوم اخذ الهلال البطولة العربية اقنعت مسؤول الانشطة الرياضية بالجامعة اني اعلق علم الهلال على لوحة شرف الاندية المحلية مع كتابة نبذة عن الفريق ووضع مجموعة صور لنجوم الزعيم ،، وتلقيت اسئلة من مجموعة كبيرة من الطلبة ورفعت ضغط واحد نصراوي بالكلية

والان افكر ان استغل اجازة الربيع القادمة لعمل موقع باللغة الانجليزية من غير منتديات عن افضل فريقين عندي ،، هم الهلال وفريق هوكي الجليد المحلي ،، واجمعهم سوى في موقع واحد حتى اوصل صيت الهلال لاكبر شريحة من الجماهير هنا . وان شاء الله اذا ما انشغلت رح اسويها وارسلك العنوان بالبريد

هذا اللي سويته

وش عندك الحين ؟؟؟!!!!!

تبيني اجيب محترفين للنادي ولا اتكفل برواتب اللاعبين مدة شهرين ،،،،، لا ولا تبيني اعين نائب يشوف لي برشلونه اسوي توأمه معاه