{ الـسلام عليكم ..

واصلـ(ـن)حد الشموخ وبالغـ(ـن) كل الكمالي .. ماكمال الا وجه الواحد اللي عابدينه
جابها والله وحقق كاس ماهو الا غالي .. كأس ابو خالد فلاعدمت ولا هانت يمينه
يمنى ابو متعب وجعله سالمـ(ـن) في كل حالي .. ماحلا كاسه فعيني الا مده ابيدينه
مدها سلمان واعلن ذا هدية للهلالي .. عارفينه عاشق الذهب ورنينه
اشتعل لاجاك يلعب عزمه يهد الجبالي .. مارضا جمهوره يرجع خايب بنفسـ(ـن) حزينه
الهلالي اللي وعدنا قال يالفرحه تعالي .. الوعد من بعد فوزي والعهد بتجددينه
نجد بس اللي بتسهر ليله عن كل الليالي .. الهلال اللي طربها اضوأ انوار المدينه
احتمال الفوز وشو مالغيرك احتمالي .. ياحلاة الخصم راجع وأنت والكاس الثمينه
كورتـ(ـن) دارت لي طرا فالبال فالي .. شاتها ياسر ويسلم ياعسى تسلم سنينه
والبرنس الليبي طارق غير الاول جاب تالي ..والبلنتي لو يعيده جايبينه جايبينه
ماهقيت الا البطوله وحدها هي ماطرالي .. نضمن الفوز بوجودك طبعك اللي عارفينه
خلها تشوفك خصومك ثمن ابطرح سؤالي .. ليش غيرك ماينوله مايطوله لو بعينه
الزعيم اللي وصلها واصلـ(ـن)حد العلالي .. الزعيم ولافي غيره في أصل نفسه دفينه
جابها من دعم واحد مايعرف الا الفعالي .. الله أكبر في عيون(ن)تنظره وحاسدينه
يافخرنا بك يالازرق يافخرنا بالهلالي .. ياعسى مجدك يدوم ويسعد اللي عاشقينه

أنا ما طلبت وين المنتدى ولا سألتكم !!

المنتدى الجمهور مخصص للأعضاء الكبار حسب ما أعرف .. وإلا

أعرف أنزلها هناكـ .. أستغرب من بعض الأعضاء يتركون كل شيء ويركزون

على جانب صغير .. يا أنكم تعلقون على القصيدة وإلا ما أحد غصبكم !

مشكورين على المرور

الله يبارك بحياتك يا بقايا ..

هلا فيك مهما علا موجك

الله يبارك فيك يا علا موجك ..

تسلمي على المرور الروعة ورده

النرجسية
قصيدة جميلة جداً , ومتعوب عليها صراحة , تنبي عن حب كبير تملكينه للزعيم , أشكرك وأبارك لك هذه البطولة وعقبال الدوري بمشيئة الله

000000

! ! ! !


صح لســـــــــانــــــــك

مبــــــــــــــروك فـــــــوز الزعيـــــــــــم ..!!

صح لسانك مليون والف الف مبروك فوز الزعيم وتحقيق بطول ابوخالد الله يطول بعمره ..

وبصراحه فرحتي فرحتين فرحة الفوز بالكاس .. وفرحتي لفرحة ابوسلطان

والله اني من اول المباراة وانا اقول لاخوياي مدري ليش البطوله هذي ودي ناخذها علشان ابوسلطان

قصيده حلو مره مره .. طبعاً انا ماعرف بالشعر الا القافيه والقافيه تمام معاك ..

بس الوزن مادري .. اللحيت تجي المملكه وتعطينا رايها

مع اني اجزم انها تمام التمام ..

يعطيك العافيه اختي النرجسيه .. ولاتحرمينا من جديدك بصراحه شاعره مميزه

ورده