نادي الهلال السعودي - شبكة الزعيم - الموقع الرسمي

بسم الله الرحمن الرحيم

السلام عليكم ورحمة الله وبركاته

شلتنا بالحاره تتكون من

الدحمي هذا أقوى واحد بالحاره دايم يخقلنا ولامننا تهاوشنا مع احد نجيبه فزعه

أبوصعرور هذا اللي دون الدحمي وهو قوي بس اوب زي الدحمي يعني الدحمي بتله يلفعه

جودو هذا أزلب واحد بحارتنا ومسوي نفسه قوي وكلن يلفعه حتى أنا وهو أنا ألفعه===>>حاقرن روحه هالكمخه

رامبو هذا متابع افلام رامبو ودايم يسوي زيه بس مايقوم الا بالمستشفى

ولد أبوه اللي هو انا هذا حبيب على نياته وبتله يتأمرون عليه باشر علينا وهو على الحديده وينطل من اخته

طبعا معروفين بالحاره انواع النجاسه السراويل صفر والفنايل مخرمه تقل فساتين حريم هالوقت والنعال(أعزكم الله) مانعرف وشهن ولاقد لبسناهن والثياب يابسه من زود النظافه

ولاهنا سيارتن بالحاره ألا تأذت منّا ولاهنا بستن مامصعناه حتى من القهر البساسه اللي بحارتنا هاجرن للحارة الثانيه حتى الدحمي مرتن مسك وحده وذكاه بسكين الخضره حسبي الله عليه واللي يقطع ذيله واللي يحلته بالزباله ويحرق الزباله

ولامنه مرت مرة تمشي على رجلينه ماتدخل بيته الا وراسه كله فلوق هذا إذا فكه الله
حتى عمال البلديه عيال اللذينا مايجون ينظفون حارتنا الا إذا نمنا

حتى الدحمي يسمي عصابتنا (الــمــافــيــا) من زود اللعانه اللي بنا

ولامنه صارت عزيمه عند احد الجيران عطانا فلوس وحلتنا بالملاهي عشان مانحوس عليه عزيمته او يشوفونا ضيوفه ويتوحشون

المهم هاك اليوم صارت العزيمه عند ابوي الله يعافيه عاد ابوي الله يعدي عنه ماعنده لعب جاء لمي قال شف لو أشوفك أنت ولا واحدن من شلك حول البيت أني لأحش رجليك

أنا قلت للعيال وش قال أبوي

قال الدحمي هين والله اول من يحضر حنا وانا اللي اساحر الدحمي الله يخليك لاتجي===>>لانه الطقه تبي تصير براسي
الدحمي سكتن بطراق صنن أذاني من قوته

ايه يوم تجمعوا المعازيم ويجون العيال امر يجي واحدن من المعازيم يعطيهم على ريال يحسبهم يشحذون قال الدحمي عطنا على خمسه ولامانبي

انا قلت لابوي ابصب القهوه

قال أقول فارق بس

عاد يوم شفت العيال مجتمعين عند البيت امر اروح واتغبى حدر الدرجه وانام

ودخل الدحمي البيت عاضن ثوبه والسروال مصفط سبعين صفطه وريحة الصنان يشمه اللي بالصمان

يوم شافه ابوي قال صعبه اطرده قدام الناس

امر يجي لم الدحمي قال هلا والله وغلا بالغالي ولد الغالي وهو سادن خشمه من الريحه

الدحمي سلم على ابوي وجغف راسه
ابوي حلت الشماغ لان الدحمي نجس على كلام ابوي

امر يجي ابوي ويدخل العيال بالملحق وقالهم الحين يجيكم العشاء

قال الدحمي ولاتنسى الببسي الله لايهينك
قال ابوي سم على هالافنس==>>>اللي هو أنت ياخشم ابوي
انت تامر أمر

أبوي قفل الملحق عليهم وراح لمعازيمه وقعد معهم وعقب ماطلعوا المعازيم فتح لهم ابوي الباب والخيزرانه بيده ===>>>يمون ابوي يبي يطق عيال الناس

العيال يوم شافوا الخيزرانه قالوا ترى ولد أبوه اللي عازمنا====>>والله اللي مالهم خاتمه

أمر يجي ابوي لمي حدر الدرجه وانا اشاخر ويحوسن بالخيزرانه حووووووووووووووووووووووس00

و سلمتووووووووووووووووووووووووووووووووووووووووووووووووووووو

man gooooooooooooooooooool