من جدكم تشكون ان الملعب موب ممتلي ؟؟؟
أنا واثق ان شاء الله ان الملعب على الأقل بيكون فيه 50.000 هلالي ..
و ان شاء الله تكون البطولة هلالية بإذن الله .. اذا الهلال احترم الخصم بدون مبالغة .. الإحترام الزايد يأدي الى الخوف و الارتباك امام الخصم و هذا اللي ما نبيه ..
ريح بالك اخوي ان شاء الله الجمهور بيحضر .. الجمهور ما تعود على سالفة شراء التذاكر قبل بيوم .. علاشان كذا بكرا ان شاء الله بتشوف الملعب زحمة عند التذاكر قبل المباراة و اذكرك

اخوي لاتنسى الأعداد الكبيره اللي راح تجيك من برا الرياض

اخوي الهلال فوق الجميع


دايم اروح اشتري التذاكر قبل المباراة بيوم او يومين

والقى الناس زحمة

بس اليوم ما فيه احد

-----------------------

اخوي موفق الهلال الجماهير الي بتجي من برا مو زي الي في الرياض

يعني قل الادارة بتمشي 20 باص من الشرقية

20×50=1000

يعني مو شي مقارنة ب60 الف مقعد

مشكوراخووي


انا رحت الملعب و كنت ابي منصه و قالي محجوزه حقات المنصه كلها


و و الله يااشيخ ما يصير كذا

تبغون الصراحه ماااملت على جمهمور الرياض والله مائمل على الجمهور الي من خارج الرياض

بالقصيم عالم راحين وانا جا اليوم

الدووووام اليوم فاضي مافيه احد والشباب ماقصر حاطين اعذر مادري وش تبي بس اهم شي يروحون

والله جالس الحالي بالدوام وانا ان شاءالله اليوم ماشي والتذكره مع واحد من الشبااب ماقصر


وبالتوفيق للزعيم

ياجماعه لا تظلمون سكان الرياض دايم يسوون كذا ويمتلي الملعب ..

وبعدين ما اتوقع يخلون الزعيم يالسهوله ..


ودمتم ..

اول شي احب اشكرك على المطامر اللي سويته

ثانيا ان شاء الله الملعب بنملاه باذن الله

.................................................

والله اني مصدوم زيك

في واحد من اخوياي نصراوي قاعد اكذب عليه اقله نص التذاكر خلصت

والله يوم رحت النادي والله العظيم اني انصدمت وانقلب وجهي

كنت متحمس جايب كاميرا عشان اصور الجمهور

ما لقيت احد الا اثنين بس واحد اشترى والثاني بيشتري وانا الثالث انتظر

ا
لله يستر بس ....

اللهم انصر الهلال واجعل الفوز من نصيبه

لاتخااااااااااااااااااااااااااااااااااااااااااااااااااااف بيخلصن... انت شوف الزحمه عند نادي الهلال وتعرف.

والله اخبار سيئة ..

وان شاء الله انا و10 معي بنحضر وان شاء الله الملعب فل

يا ريت كلامكم يكون صح

القاتل البارد

والله انك صادق يقولون شاريهن عضو شرف وموبايلي

-------------------

احمد ابو ماجد
الله يعطيك العافية انت والشباب الي معك ما تقصرون

--------------------

فتى العروبة

والله الي شفته اليوم ما يبشر بالخير
-------------------

الحوت511

ردك مكرر من عضو اخر

----------------

سعدووون

اي مطامر المطامر الصدق اذا صار الملعب زحمة

------------------

الضرغام الازرق

الله يستر بس..!!

-------------------

الزعيم88

الرد الي فوقك يقول نادي الهلال فاضي

----------------------

الشلهوب حبي

يعطيكم العافية..!!

---------------------

هلالي لكن غير

كلامك منسوخ للمرة الثانية من العضو الامير 14

لا تتشائم صدقني جمهور الزعيم راح يكون عند كلمتة اللاعبين ماقصروا سوو اللي عليهم باقي حنا جمهورنا يوفي بوعدة ويكون الوقود اللي يحرك الفريق وانشاءالله نشوف المدرجات كلها زرقاء ونلقى تشجيع مثالي وعلى الطريقة الاوروبية انا عندي أحساس انة راح يكون هناك مفاجات من جمهورنا الوفي تشجيع راقي وحماسي بعيد عن الأساءة والتعصب كما تفعل بعض الأندية الأخرى وانا راح اكون اول الحاضرين<<<<<<<< قد اشترى التذكرة من العصر الخميس دعواتكم بالتوفيق للازرق وعقبال الكاس انشاءالله ..