نادي الهلال السعودي - شبكة الزعيم - الموقع الرسمي

نادي الهلال السعودي - شبكة الزعيم - الموقع الرسمي (http://vb.alhilal.com/)
-   منتدى الجمهور الهلالي (http://vb.alhilal.com/f28/)
-   -   تكفون وصلو للإداره لايلعب اللاعب العله (http://vb.alhilal.com/t544916.html)

الشلهوب 10 الموهوب 03/03/2008 11:05 AM

تكفون وصلو للإداره لايلعب اللاعب العله
 
بسم الله الرحمن الرحيم
أبارك للزعماء التاهل للنهائي
ياشباب ووالله العضيم زي ماقلتلكم لعنوان الموضوع اللاعب العله
ياناس فكونا من ليلو قسم بالله ولا بريال
أنا ماألومه إنه مايسجل أهداف لأنه كمخه مايدل المرمى
لاكن ألومه إنه يخرب علينا الهجمات
دايما يخرب ويأخر الهجمه بمراوحه الغبيه الي مثل وجهه
على سرعته وكثرة حركته إلا أن حركته بالملعب ماله داعي
وماتفيد بس يمتر الملعب على غير الفايده
العقل مافيه دايم يتطلع له لاعب ويناول لاعب آخر
زي ماشفتو في مباراة الهلال والأهلي
كان ياسر متطلع وأمام الهدف بس تعطيه الكوره بكل سهوله يجيب لك هدف
لكن الغبي يبتل غبي راح يناول التايب
والمشكله إني ما أشوف أحد يسبه
العام الماضي حينما جبنا المهاجم الهداف بالفطره رودريغو ألفان
على كثر الأهداف الي يجيبه يسبونه الجماهير
والكمخه هذ ماشفنا أحد يسبه
تصدقون عاد سلمان مؤشر لعب مباراتين جاب هدفين
وليلو عد واغلط من المباريات ماجاب إلا هدفين
المهم نبي تكفون حتى لو نضغط على المدرب إنه مايلعب هاللاعب هذ
نبي نشوف الفيلسوف القادم أحمد الفريدي قسم بالله الفريدي ينفع أكثر منه
شاهدتوه المباراة الماضيه كيف رغم صغر سنه مسك مكان التايب وأصبح قائد للوسط
وبكل صراحه أحرج التائب في المباراة الماضيه وكأن الهلال لايعاني من أي نقص
أتمنى أن أراه المباراة القادمه
وأتمنى التشكيه التي سأتتي بالبطوله بإذن الواحد الأحد
دعيع
زوري تفاريس مرشدي مسفر
عزيز الغامدي
شلهوب تايب فريدي
قحطاني
صدقون بهالتشكيله نضمن البطوله بنسبة 90 % والله اعلم

سور الهلال العظيم 03/03/2008 11:10 AM

بالعكس ليلو مزعج وبصراحه

وجهة نظرك عله احسها !!

نواف الهلالي9 03/03/2008 11:13 AM

هلا والله اخوووي . .


وجهة نضركـ ما هي منطقيه . .

لو تلاااحظ ان ليلو > > يكوون مزعج لداء الدفاااع وانت تكسبه انه سريع . .


ويفكـ عن ياااسر الرقاابه الدفاااعيه . . وهذي مكسب لنا . .



تحيااتي لك . .

زعــيــ511ــم 03/03/2008 11:16 AM

بالعكس انا اشووف ان نصبر عيه .. وان شاء الله يرجع لمستواه .. وبالتوفيق للزعيييم.. !!

هلالي9 & ميلاني22 03/03/2008 11:16 AM

ياخي ليلو بالعكس هو لاعب سريع ويشغل المدافعين معه ويفتح للوسط صح
لو ما لعب تحس الهجوم نايم

هلالى_هلالى 03/03/2008 11:16 AM

اعتقد والله اعلم
ان خطه المدرب مع الشباب كانت تتطلب من ليلو هو ملاحقه اظهره الشباب وذلك عندما يلاحظ نشاطه بعد توجيه مدرب الشباب للظهير لذا كان يتنقل وبصوره سريعه بين الاظهره لمنع تقدمهم
وقام بذلك على احسن وجه ولكن اتفق انه سئ الكنترول فى استلام الكوره والجري بها
تظل وجهه نظر
ولك تحياتي

راكان _20_ 03/03/2008 11:17 AM

بالعكس و الله ليلو مربش الدفاع و مهبل فيهم

يا أخي يكفي إنه يفكك الدفاع وشوف مباراة الشباب و أنت تعرف كيف فككهم

و برضوا فك عن ياسر

ألف شكر لموضوعك

هلالي من ميلادي 03/03/2008 11:20 AM

معى احترامي لكـ اخوي وجهت نظركـ نحترمها لكن اخالفكـ ليلو والله يسبب صداع للدفاعات الاخرى ويقلقهم صحيح انه مايسجل لكن يسبب قلق يشتت الدفاعات مما يسمح لتخفيف الضغط عن ياسر وينفتحه له الدفاع

aboody29 03/03/2008 11:21 AM

الرجال احترمك واحترم فريقك يجب علينا نبادله نفس الشعور والصبر عليه


صحيح يضيع كثير لكن الرجال للحين ماأستقر واصبروا عليه توّه صغير عمره 20 ! !



تبيه يسوي لك كل شي وهو بهالعمر ! !



لو تشوف لك لاعب سعودي عمره 20 ويسوي اللي يسويه ليلو انهبلت عليه وقلت هذا آفضل مهاجم سعودي !


وصدقني هو اللي بيحسم لك النهائي إن شاء الله بعد توفيق الله !




ياخي يكفيك إنه يفتح مساحات لـ ياسر يكفيك سرعته يكفي إنه يرهق الدفاع ويتعبهم







يبقى كلامك وجهة نظر ومن حق اي عضو إبدآء وجهة نظره

متيم بحبه 03/03/2008 11:22 AM

صحيح ليلو عله لكن العله الكبرى مسفر القحطاني ............

الشلهوب 10 الموهوب 03/03/2008 11:23 AM

طيب أيهم تبون يلعب بالنهائي النجم القادم بسرعة الصاروخ الفريدي أو ليلو

هلاليه زي القمر 03/03/2008 11:25 AM

الحين انا ماايدك مع انه من جد يرفع الضغط بس لو ماتلعبه والله احنا بناكلها هو اللي يفك الرقابه عن ياسر ويبهذل بالدفاع بسبة سرعته

ولكل واحد وجهة نظر ونحترمها

sam909 03/03/2008 11:28 AM

ليلو مزعج للدفاع نظرتك مو في محلها اخوي
ليلو لاعب يحتاجه المدرب لكي يربك الدفاع ويعكس لياسر او الوسط القادم من الخلف

السمو الملكي 03/03/2008 11:50 AM

اخوي ...

الله يسعد مساءك بالخير والسلامة ان شاء الله ...


انا كنظرة لهاللاعب ... صحيح هو مقصر في التهديف لكنه مثل ما ذكروا الشباب انه مزعج للخصوم ودفاعاتهم.

ولكن من وجهة نظري ... لو صبرنا عليه شوي صدقني بيعطيك اداء ممتاز ورائع ...

مثلا ً عندك كوماتشو يوم جاء للهلال كان يرفع الضغط ويجيب الهم ...

بس شف كيف صار مع الهلال في آخر سنة ... قمة من قمم الهلال ... وجاب بطولات للهلال ...

ولاحظ أداءه الآن مع الشباب رغم ضعف مستواه عن المستوى الذي قدمه مع الهلال ...

وهناك لاعب آخر ايضا ً اجنبي ... كان في بداياته سيئ جدا ً ... وهو تفاريس ...

وكنت اذا شفته في المباراة والله ما احب اتابعها لأنه بصراحة ما يعجبني أداءه وأخاف على صحتي ...

شوفه الحين ... الصخرة الحقيقية للهلال ... ولأننا صبرنا عليه ...

انت اصبر على ليللو ... وبتشوف اذا ما يعطونه جنسية ويقود هجوم المنتخب مع ياسر القحطاني :D

<~~~~~~~~~~~~~ براااااااااااااااا


تحياتي لك

ووجهة نظرك رائعة وحبك للهلال ظاهر

هلالي استراليا 03/03/2008 11:55 AM

مشكلة ليلو الانانيه

والمشكله الكبرى هي انه سهل ينصاد في التسلل .. لو تلاحظون اكثر واحد يجيب تسلل هو


الوقت المعتمد في المنتدى بتوقيت جرينتش +3.
الوقت الان » 06:10 PM.

Powered by: vBulletin Version 3.8.7
Copyright ©2000 - 2024, Jelsoft Enterprises Ltd