بسم الله الرحمن الرحيم ,,

بصراحة ياشباب كانت أمنيتي من أول ماشفت الغنام أشوفه بالفانيلة الزرقاء الهلالية , وكنت وعدت عبر هذه الشبكة ( الراااااائدة ) من يأتيني بخبر انتقاله بقصيـــدة وهاهو العضو الرائع ( عويطه ) يحضى بها :

جانا عويطه بالخبر قال جبناه
................ قلنا ومنهو قال : نجم النجومي

عبد اللطيف اللي سحرنا وطلبناه
................ وفي حبنا لهالنجم محدٍ يلومي

غصب انبهرنا يوم بدّع وشفناه
................ في النص كنه قرش عايم يعومي

من أول اللمسات والله عرفناه
................. كنه مع الإبداع فالبطن تومي

يازينه اليا انقض للخصم زيناه
................. غصب اكرهوا فنـّه جميع الخصومي

وياشينه فعين الحسودين شيناه
.................. سبــّوه حقد وظلم بعض الرخومي

دمــه هلالي لو غلطنا وتركناه
.................. يرجع لنا راعي حسان السلومي

أثبت لنا فنـّه وصرنا انتحراّه
.................. ولجله دفعنا غاليات السهومي

شفته مبدّع مع فريقه وقلت آه
................... لزوم ناخــذ هالمبدّع لزومي

وجانا عويطه بالخبر قال صدناه
.................... ونسيت عقب عويطه اكبر همومي

.......

معليش ارتجلتها الحين على عجل عشان الوعد اللي قطعته وسلاااامتكم .

(( بصراحة ياشباب اللي خلاني اتمنى الغنام بأي طريقة هو ان اصحابي الاهلاويين والنصراويين ميتيييين على الغنام ويوم شافوني واااثق انه هلالي هلااالي قالوا والله انه عادي وعشان كذا كتبت البيت اللي يقول :

وياشينه فعين الحسودين شيناه
.................. سبــّوه حقد وظلم بعض الرخومي