سلام عليكم يازعماء
قولوا يارب
نفرح ونحتفل بتأهل الزعيم عن طريق بوابة شمال الرياض عند نادي الشباب
كثر الكلام عن مدرب الهلال كوزمين
وكثر انتقاد الاعضاء له
ياشباب والله مدربنا عالمي وتفكيره خطير
بالله عليكم ابسألكم سؤال
فريقك ناقص المفرج اللي مشوار الدورب كامل بجوار تفاريس غايب
المرشدي يبغاله وقت يتأقلم مع تفاريس
عزيز مصاب
الزوري مصاب
الشلهوب في غير مستواه المعروف
التايب ( اليد الواحده ماتصفق )
عمر للأسف اقولها وبكل امانه اصبح نقطة ضعف
ياسر وش حيلته لحاله بين دفاع الشباب ؟
ابسألكم سؤال ياجماعه
فيه مدرب بالدوري السعودي قدر يمنع فريق الشباب من الوصول لمرماه ؟
لاتقولون فيه فرق فازت او تعادلت
فرق بين انها تتعادل وتفوز بس بمباراه تخضع لظروف معينة من غياب لاعبين وغيرها
جيبوا لي هجمه للشباب خطره على الدعيع
طبعاً غير اللي صدها برجله من قدم مارتينيز الارجنتيني
بخلاف الهلال اللي تهيأت له اكثر من ثلاث فرص كانت كلها اهداف لو قدر الله حسمنا المباراه بثلاثيه
كوزمين هو المدرب الوحيد اللي قدر ينهي لياقه الشباب بكامل نجومه في وسط الميدان
فريق فيه كماتشو وعبده واحمد عطيف ومارتينيز والشمراني ومجرشي وحسن معاذ كلهم سرعه ولياقه ومهارات
من يقدر يوقف هذولا في وقت الفريق يلعب ناقص !
صدقوني لو فكرتوا عرفتوا ان مدربنا داهيه وان اللي يقول جبان اسمح لي انك عاطفي بزياده
الكل يعرف وانتم بالذات ياجماهير الهلال ان الهلال صاير يعتمد على اتايب وياسر فقط في حسم المباريات
بخلاف خصمنا الشباب اللي يعتمد على اللعب الجماعي والكره السريعه واللياقه العاليه
هذا الفرق بيننا وبينهم
عموماً
الزعيم دائماً يحسمها من اصعب الابواب مثل ماعودنا
الزعيم مايعتد على لاعب معين او لاعبين
شبابنا فيهم الخير والبركه
التأهل بيكون من عنق الزجاجه بإذن الله
خاتمه
صدقوني لو فكرت الاداره الغاء عقد كوزمين ماراح يطلع من السعوديه
تدرون ليش
بتشوفونه مع الشباب او الاتحاد او النصر
باختصار
مدربنا اكبر من الدوري السعودي
الوضع العادي
