كخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ
الملعب الله يسلمك هو مكان يلعب فيه الفريقين المتنافسين===>لاياشيخ ... ويتكون من مدرجات وهي للجماهير ومستطيل اخضر هذا حق اللعب ...ماودنا ندخل بأكثر من تسذا بالتفاصيل ....
أول ماتروح للملعب طبعا تروح تقص مايسمونه بالتذكره علشان تدخل..والتذاكر أسعارهن اللهم ياكافي ...والبعض الاخر يستخدم مايسمى ب " القمز " وهو تجاوز السور حق الملعب بواسطه سطل بويه او ماشابه ذالك من الاشياء المعينه على ذلك..هذا اذا ماجاوه تلييشه عصا كهرب من احد المسؤولين (الحراس)...الواحد طبعا اذا دخل يبي يركض علشان يلحق علشان يناظر المباراه (اجل وش يبي يناظر) قبل تسذا يبي يمر بنقطه تفتيش : هذي طال عمرك ينخلون الواحد نخل تسنه يبي يسوي شي... المهم اذا دخل وراح وقز له محلن زين حطز (حطز=قعد..لغير الناطقين)اذاشاف له محل زين حطز به ,,,طبعا مع بدايه المباراه تلقا الناس هادين وكل واحد مروق اللي قاعدن يفصفص (يقشم) ايه على طاري الفصفصه :عادي اذا قمت من محلك وشفت اللي ورا شماغك اللهم ياكافي كله قشور من اللي وراك الله لايخزينا واشين شي بعد اذا صار واحد بجنبك او وراك وقاعدن يشفط وااااااوه والله ياهو يبي يدعيك طيب ....وبعض الناس طول المباراه وهو واقف وماسك راسه رايح جاي كل هذا تحمس .....والله مير لايوريك لو تبي تقوم تمغط تسان تجيك زبيريات سنعه ......طبعا هناك مايسمى بالرابطه (رابطه كيميائيه)>>>وش دخله ذي ...الرابطه عباره عن اشخاص مسوين حماس للفريق وخذ ياتشجيع وحماس للاعبين وهم الصراحه يزيدون غثا ولجه وازعاج.....المهم الحين قضا الشوط الاول>>>>>الا متى بدينا حنا الان استراحه بين الشوطين ...وعند اللاعبين يسمونه استراحه الهذر والتحطيم والهواش من قبل الاداريين والمدرب خاصه لاصاروا مهزومين .......
ولو انت مع المتفرجين ورحت عن مكانك بنيه الرجوع بوقت الاستراحه مابين الشوطين :عادي تلقى بمحلك واحد مضدهده(مايمديكم على مضدهده )والله لو انت حاطن سبع سجادات .... ماعلينا بدا الحين الشوط الثاني
اوووووووووه هجمه مرتده الان ياسلام هدف فعلا هدف .....بعد الهدف وش تبي تلقا الخلق ..اللي يلوح بشماغه(حلوه يلوح ) واللي رافعن له بيرق (بيرق=علم...لغير الناطقين) واللي تلقاه مسوي عناق مع اللي بجنبه على طاري العناق يقولي حدا الشبيبه : مره حظرت مباراه المهم يوم جاء هدف لفريقنا امر اللي بجنبي عطان خيشه رز ..قصدي خيشه حب وهو مايعرفه ابد واول مره يشوفه ...
نعود لاجواء مباراتنا...ابو دحيم فاته الهدف لانه كان يهوجس بعياله مايدري من وين يبي يعشيهم..... وقال بنفسه: ايه الحين يبي يعيدونه بالبطيء====>يحسبه ببيتهم
الله يصلحه...
قضت المباراه وياويلي يالحكم... الفريق المهزوم يبي يحجرون له وودهم يرمغونه ويتوطون بتسرشته لانه ماحسب لهم بلنتي ....وهو كل ماله يتراجع الى وراه (يمشي ريوس ) يعني افهموه ياحقين الشغب تعالوا زينوا لي حمايه ...وفعلا زينو له حمايه لكن وش عقبه عقب ماجاوه كندره رئيس شرف النادي المغلوب......
.
.
مقتطفات من المطرسه:>
.
.
@الجماهير عند أول الباراه استقبلوا فريقهم الذي هزم بالورد والتشجييع والطراطيع هذا عند اول المباراه ولكن عندما غلبوا وهزموا ودعوهم بقواطي ونعال
.
.
@الصحافيين اللي قاعدين مع الجمهور جاهم رشق من جمهور الفريق المغلوب
.
.
@ابو علي هو من جماهير النادي المغلوب عقب المباراه سكر الجوال ودق لطمه وهج
.
.
.
منقول من حقين القصيم
و لا
أحد يغلط على القصمان لا أحش رجلينوه
و عندي سؤال كيف احط بتوقيعي فلاش
وصف للملعب 
الوضع العادي
