|
رسالة للوالد القائد . . لا احد يتدخل بيني وبينه !! أوجه رسالة للوالد القائد خادم الحرمين الشريفين حفظة الله وأطال في عمره من واجبات الأبووووه أن الأب يستمع لصرخات أبنه وضمه على صدره وإذابة كل آلامه والملك زي ابوي،، لأحد يتدخل بين أب وطفله خلوني أتكلم وافضفص @ @ @ @ @ @ ابشرك يا خادم الحرمين الأسعار مضبوطة والمواد الغذائية متوفرة ما نقصنا بس إلا الخبز يرفعون سعره وخذ عندك بعض الأسعار قشطة المراعي صارت 4 ريال حبة المظبي 22 ريال الكفرات ارتفعت 30 بالميه الأدوية 25 بالمية تخيل يا خادم الحرمين جبن كرافت والمراعي السايل ارتفع طيب وش نسوي لبزارينا المشكلةيقدرون الكرافت السايل مع الصامولي الببسي صار 20.5 والأيجارات أرتفعت وقسايم المرور زادت الحمدلله على النعمه أمن وآمان الله لا يغير علينا حتى رز ابو كاس ارتفع لا وازيدك من الشعر بيت رزمة الكراث والبصل صارت بريالين شفت شلون حنا بنعمه @ @ @ @ @ @ بس تكفى كلمة راس.. ما ودك.. تنزل رواتبنا شوي.. عشان.. نبني للأردن 70 الف وحده سكنيه ثانيه ونعطي لبنان مليار ونص دولار ونرسل لمصر المعونه السنويه تعرف ماشاء الله حنا.. من كثر الفلل التمليك.. الناس صارو يأجرون ببلاش ممكن طلب طال عمرك.. ابي سلف 12000 ريال عندي دين اسدد فيه لي سنه ولا خلص.. كل شهر 500 ريال الله يرحم حالنا والله.. @ @ @ @ @ @ ابشرك طال عمرك قبل كم يوم حطم سعر برميل البترول الرقم القياسي وصار يباع بـ 99 دولار ورصيدي أيضا حطم الرقم القياسي في نفس اليوم وصار فيه 17 ريال الحمد لله شفت كيف أنا بخير @ @ @ @ @ @ أحب اطمنك صرنا نسوي رجيم غصب عنا تعرف اللحم ما عاد نعرفه حتى الدجاج ما عاد نأكله صرنا رشيقين تسمع بالكرش ما عاد نشوفها تسمع بالبطن اللي لاصق في الظهر يوووووه في كل مكان نشوفه نم قرير العين الشعب بخير لاتتعب نفسيا ودور في النت توأم تفصلهم توائمنا ليش ينفصلووو صلة الرحم زينه خلهم يتشابكون طول العمر يمكن لو فصلناهم يتهاوشون ويفترقون خلهم متشابكين في جسد واحد الله لا يغير علينا @ @ @ @ @ @ ابشرك طال عمرك شعبك تطور استبدل البكاء بطعم الملح ببكاء بطعم الدم آآآآآآآآآآآآآآه يا حلو مذاقه ودك تجربه؟؟ انا أقولك وشلون نظف منزلك من حليب الأطفال نظف جيبك من الفلوس نم ومخباك فاضي خل زوجتك تصحيك من النوم قبل الفجر وتقولك أن طفلك ما عنده حليب دق الشماغ ولف على جيرانك دور سلف.. علشان تشتري حليب لطفلك الجميع بيطردك لأنهم طفارى انس انك ملك وأرجع للبيت بتدخل على أنغام بكاء طفلك عندها ستحتقر نفسك وانت عاجز عن اشباع طفلك عندها ستلعن اليوم اللي انولدت فيه عندها ستلعن اليوم اللي انولد طفلك وصرت مسؤول عنه عندها ستضمه وستبكي من القهر ستنزل دموعك وتحس بطعم الدم في حلقك @ @ @ @ @ @ تذكر طال عمرك يوم حنا صغار وش كانو يقولون لنا كانو يقولون الرجال ما يبكي عيب تطلع دموعه صرنا نصيح عادي البكاء صار ملازم لنا والسبب كومة لحم (أطفال ونساء) في رقبة الواحد يبكي لأنه عاجز عن توفير الحياة الكريمة لهم @ @ @ @ @ @ بس ودي أقولك شي قبل ما أروح أصيح تدري وش معنى الرجل يبكي قدام زوجته وأطفاله معناها تساقط كل قيم الرجولة اللي تعلمناها في طفولتنا معناها إحساس المرأة بالانكسار وعدم الأمان معناها خنوووووع ما بعده خنووووع للظروف القاسية اللي وضعنا فيها معناها أمور كثيرة والله الساتر @ @ @ @ @ @ الموضوع منقول من الايميل حسبي الله ونعم الوكيل الله يكون بعون الجميع |
ما أجمل هذه الكلمات . . كلمات رائعة جداً , , مشكور اخوي وأبو متعب :smilie47: ما يقصر إن شاء الله تـــ ح ـــياتي |
العفو اخوي هذا اللي نتمناه ولا زلنا ننتظر الكلام كثير وماشفنا الا انتظارنا الله يكون بالعون الشكر لك اخي على اطلالتك |
مشكور اخوي وصدقني انه ان شاء الله ما يقصر ابو متعب :smilie47: :stoned::stoned:نفس الرساله اللي جتني على الايميل:stoned::stoned: |
مشكور اخوي على الموضوع .. فعلا جاني هالإيميل .. الله يعين بس .. ننتظر ونشوف وش بيصير .. تقبلوا تحياتي .. |
ما أجمل هذه الكلمات . . كلمات رائعة جداً , , مشكور اخوي وأبو متعب :smilie47: ما يقصر إن شاء الله تـــ ح ـــياتي |
مــشــكـــور أخــوي و أبــــو مــــتــعـــب ان شاء الله مـــا يــقـــصر |
الله يجيب اللي فيه الخير والحمد لله على كل حال الشكر لكم اخواني على اطلالتكم ومروركم على موضوعي |
| الوقت المعتمد في المنتدى بتوقيت جرينتش +3.
الوقت الان » 11:58 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd