|
من يفيدنا عن نواف التمياط سلااااااام يازعماء هاردلك على المستوى والنتيجة السيئة اللي بافعل الكل يتحملها مدرب ادارة لاعبين والعوض ان شاءالله في ااياب رغم صعوبة الموقف ولكن باذن الله الزعيم قدها وقدود وان شاءالله لاعبين الاولمبي مع الاول يكونو خير من يمثل الزعيم لكن في سؤال عن لاعب اعتقد اننا مفتقدينه رغم هبوط مستواه لكن بخبرته واسمه في الملعب يجعل الشباب يضربوله حساب وهو اللاعب نواف التمياط ماادري وش صار باللاعب نواف التمياط اخر شي اعرفه انه دخل التدريبات الجماعية لكن هل بامكانه المشاركة حتى لو يكون لاعب احتياطي كورقة رابحة اتمنى من لديه معلومة اذا كان يستطيع اللعب حتى لو احتياطيا في الفريق اتمنى منكم الرد |
قسم الاستفسآآرآآت فيه مشرفين مختصين للاجآآبه على هالاسئله ,, بالتوفيق للزعيم ,, |
اخبر انا انه موجود في التدريبات الجماعيه لأن يوم مباراة الهلال مع القادسية الأولمبي الصويلح والتمياط كانوا في الاحتياط .. اتمنى مشاركة نواف صراحة لأنه لاعب مميز .. وان شاء الله يكون عون لمحمد الشلهوب .. |
تبون الفريدي احتياط والتمياط أساسي . أتمنى تنسيق نواف التمياط لأن وجوده لا يخدم الفريق . أخوي النمنم الهلالي تقول وجوده يفيد من أي ناحية يفيد . نواف التمياط لا يفكر إلا بالمكأفات ومقدمات العقود والتاريخ يشهد . اتمنى منكم أن نكون منطقين ولا تأخذنا العواطف . هذه وجهة نظري والأختلاف في الرأي لا يفسد للود قضية . |
|
أقول اذكر خير بس فيه لاعبين أفضل بكثيررررررر ونتأمل منهم الكثير فأتمنى عدم احباطهم &&&&&&& |
مع احترامي لك ياازرق متعبهم شكلك من مواليد عام 2000 م التمياط اللي انت تتكلم عليه هو من اللاعبين اللي اسسو وبنو تاريخ الزعيم مع الدعيع وسامي والثنيان وصالح النعيمة وليس بلاعب لاتجده في مبارايات حاسمه اما بكرت اصفر او لديه اعلان تجاري او راح يتصور بمطبخ اذا كان تبي تلغي عقده عشان هبوط مستواه فمن الاولى الغاء عقد ثلاثة ارباع لاعبين الهلال لضعف مستواهم عدا التايب وتفاريس والدعيع والباقيين نلغي عقودهم لانه مستواهم هابط اعتقد ان الامور لاتدار بهذه الطريقة ولكن وجود نواف كورقة رابحة مع الشلهوب والفريدي وعبدالعزيز الدوسري والكلثم اضافه لهؤلاء اللاعبين واذا نواف زي ماقلت كان يدور على العقود رغم انه هو من فرط في عرض رودا الهولندي وابدى مصلحة الهلال انذاك عكس بعض اللاعبين اللي مافكرو بمصلحة الهلال وتمرنوا في الاندية الاوروبية وضربو بمصلحة الهلال عرض الحائط هذا الكلام مايفيد الحين نحن حندعم الهلال الى ان ربك يفرجها يوم السبت |
هذي مشكلة عامة فينا كسعوديين وكجماهير هلالية بشكل خاص الا وهو (الحب المشروط) تلعب زين تحقق بطولات تستعرض تسوي اللي نبيه (حنا نحبك) نفسيتك تعبانة مستواك منخفض ما تحقق بطولات (ما نعرفك ) للاسف هذه هي الحقيقة , ما اجمل الحب المطلق في كل شي , حب الوالدين الغير مشروط حب الصداقة حب الناس (حب الهلال) , الحب المطلق يعطي الانسان راحة ويبعده عن التشنج والحالة النفسية التي تنتابه عند الهزيمة , غير راضين عنك (ولكنا نحبك) انت سيء (ولكنا نحبك ) انت لست في مستوى طموحنا (ولكنا نحبك ) انت لا تجلب لنا البطولات (ولكنا نحبك ) صدقوني انه شعور ممتع جدا يحتاج فقط لتغيير المعتقدات انظرو الى حالتنا عندما يخسر الفريق (تشنج) , (اكتئاب) , (غضب) , ( توتر) كل هذه الامور ستذهب اذا تعودنا ان يكون حبنا للاشياء مطلق وليس (مشروط) نطالب بالبطولا ت والفوز والمستوى (ولكن لا نجعلها شرطا للحب والمساندة) نحن نحب ونحضر الى الملعب ونساند فريقنا (لاننا نستمتع بذلك ولاننا نحب ذلك ولاننا نريد ذلك ) ..... |
|
أخوي النمنم بنسبة لعرض الفريق الهولندي لنواف الأداراه الهلالية هي من رفضت العرض وليس هو من فرط ورغم هذا تم تعويضه على العرض الهولندي . نواف في عهد سعود بن تركي يوقع بأربعه ملايين لمدة سنتين واستلم مبلغ العقد كاملا فور توقيعه وسامي في نفس الوقت يوقع في نفس الوقت بمليونيين لمده خمس سنوات واستلم مليون فور التوقيع والمليون الثاني استلمه بعد سنتيين . أخوي إذا كنت تقصد ياسر ببعض اللاعبين اللي مافكرو بمصلحة الهلال وتمرنوا في الاندية الاوروبية وضربو بمصلحة الهلال عرض الحائط فأنت مخطئ ياسر القحطاني ضحا كثير للهلال وأنت تعرف هذا رفض خمس عشر مليون ريال وسياره فارهه وفيلا تقدر قيمتها بخمسه مليون ريال من منصور البلوي وقبل بعرض الهلال الذي يقدر بخمسه مليون وسياره فارهه وتنازل بمليون ريال من نصيبه لنادي القادسية حتى يتسنى له الانتقال للهلال . |
إقتباس:
وبعدين الادآآره مآآشتكت لا لك ولا لغيرك ,, ولاتنسى انجآآزآآت نوآآف قبل الاصآآبه وحتى يوم رجع منهآآ جآآب هدف ضد الاهلي في النهآآآئي وجبنآآ الكآآس ,, وهو اللي سجل هدف في تصفيآآت كآآس الخليج وتآآهلنآآ لدور النصف نهآآئي ,, وترى مآآآتهون العشره الى على ابن الحرآآم ,, والحمدلله اخلاقنآك هلاليين لاتسمح لنآآ بنكرآآن الجميل او هوآن العشره ,, بالتوفيق للزعيم ,, |
|
مستـــواه في هبــوط مستمــر وما راح يفيدنا في شيء بيرفع ضغطنــا زيــاده الى متــى واحنـا نجــامله ونعطــيه الفرصــه |
صدق ان البعض ناكرين الجميل واللي يقول يتمنى تنسيق نواف الأولى تنسيقه من جماهير الزعيم لأن عقليات جماهير الزاعيم واعيه وعاقله نواف خدم النادي وقدّم الكثير لكن الاصابات اثرت فيه .. لو لاعب ثاني مكانه كان شفناه انتهى من زمان بس لأن نواف صابر ومثابر على التمارين الحمدلله رجع يلعب .. تذكر صولات نواف وجولاته في الملعب وكم بطوله ساعد في تحقيقها ..!! نواف اخر من يتكلم عن الماده .. واخر من يفكر بنفسه .. رغما عن العذال بإذن الله نواف بيرجع افضل .. |
الله يرجعه بالسلامه والله له وحشه أبوبندر والله ذكريات جميلة |
| الوقت المعتمد في المنتدى بتوقيت جرينتش +3.
الوقت الان » 09:29 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd