#1  
قديم 27/02/2008, 09:53 PM
زعيــم متواصــل
تاريخ التسجيل: 01/11/2006
المكان: جدة
مشاركات: 99
Question (###)@ جمهور الرياض أمس في الملعب (شيء ما شفتوه و لا شفناه و لا أحد شافه)@(###)

فعلا .... شيء ما شفناه أمس
أين هو ذلك الجمهور؟؟؟؟؟؟؟؟

من قلب محروق بنيران الغضب .... عندما رأيت ذلك الحضور الهزيل يوم أمس؟؟؟؟

أين يحصل هذا ؟؟؟؟
في درة الملاعب


وماهي المناسبة؟؟
مباراة ذهاب نصف نهائي كأس


و من هو أحد أطراف اللقاء؟؟؟؟
هو فريق نادي الهلال السعودي الأول (النادي الجماهيري الأول على مستوى المملكة)



بعد المقدمة اللي بالفصحى خليني أفضفض و أقلبها بلدي:




المشكلة أن الفريق كامل ... يعني لو في لاعب ماراح يلعب نقول يمكن (جمهوره) ماراح يحضر


طيب نشوف إيش الأعذار في العزوف الجماهيري بشكل عام ؟؟؟
عشان يمكن نطلع لهم عذر أمس


أنا بصراحة غير مهتم بمعرفتها و لكن أحب أرد على كل واحد يجيب هذه الأعذار:

التدخين

يعني أبغى أسألكم سؤال ... جماهير الهلال أيام زمان كانت كلها تدخن و ما عندها مشكلة مع الدخان؟؟
و لا كانوا كلهم ما يدخنوا؟؟؟

وبعدين أمس المدرجات فاضية ... يعني تمغط فيها مثل ما تبي

البرد

س/ هل تغيرت نوعية الجلد الذي تخلق منه هذه الأجيال الجديدة؟؟
يعني بمعنى آخر ... ما تقدر تدفي نفسك؟؟ و بعدين الملعب لا صار ممتلئ بالجماهير و مع حماس المباريات ما أتوقع إنك راح تحس بالبرد

طيب خلينا نجي لعذر آخر

الإختبارات

هذ العذر هو الوحيد المقبول من بين كل الأعذار ... مع إنه في ناس و الله ما درت عنها و ربي و ما عندهم غير الهجولة و الضياع و لو حضر الملعب أحسن له من فعل شئ آخر
و أنتم تعرفون خفايا أيام الإختبارات

لكن مع ذلك نقول ... يالله مشي حالك , كل الشعب بيذاكر .. !!

هل يوم أمس الثلاثاء كان في إختبارات؟؟؟ .. أنا أتحدى أي واحد يقول كان عنده اختبار , عشان إحنا لسا بسم الله توها بدأت الدراسة!!

و كان يوم الثلاثاء يعني اللي بعده الأربعاء .. يعني ما في أحلى من كذا مع بداية عطلة نهاية الأسبوع.

و مع ذلك يستمر مسلسل الأعذار

السب و الشتم

أنا لا أنكرأبدا و من منطلق ديني إن هذا الشئ لا يجوز بتاتاً البتة!!
و لكن هل نقدر أن نقول بأن (سماعنا) للسب هو عذر كاف لعدم الحضور؟؟؟

يا خي لا تسب و إن شاء الله ما عليك إثم .. بس تجي تقول لي إن سماعي للسب يمنعني من الحضور؟؟ معليش فهي سنة بني آدم في أن يلتقي الخير بالشر و إن اجتمعا في نفس المكان

ثم أن السب (و هو لا يجوز) قد نسمعه في كل مكان و آن!!


الملعب بعيد

يعني لو إنه كان في طلعة بر و مقناص .... ما راح يكون بعيد !! و لا برد و لا حر حتى!!

كفاكم أعذار


رؤوف خليف (أو أي معلق آخر تتحمس له) + (أي أر تي) + جلسة في البيت
+ أكل وشرب + ناصر الفراعنة + .......

هل هو أهم من مساندتك لفريقك الذي هو بأمس الحاجة لك و لدعمك ؟!

يا خي إذا كنت تقول لي و الله أنا مشترك ART و دافع فلوس
طيب ياخي خليها حق برامج التحليل و ردة الفعل و التحكيم و غيرها
وبعدين تنعاد كثير لحد ما تطفش منها .. و كمان ما يمنع تتفرج عليها مباريات أخرى في الدوري أو الدوري الأوروبي أو غيره

بس يوم مباراة فريقك ..... فريقك ينتظرك في الملعب !!!

و ين الجمهور اللي يفرح معاه اللاعبين إذا فاز الفريق؟؟؟
بس الرابطة و كم واحد (يعطيكم العافية اللي حضرتوا أمس) ..
أصلا كيف تبغى اللاعب يتحمس و يحس إنه في أحد يتابعه و يشجعه عشان يقدر يعطي في المباراة؟؟ و طبعا هذا ما هو عذر للاعب دام إنه المفروض (محترف)
و لكن أي إحتراااف هذا اللي عندنا يا بو إحتراف؟؟!!!
الحضور الجماهيري من أساسيات الإحتراف و دعم إستثمارات الأندية.
ولكن إحنا ما نبغى النقطة السابقة .. على الأقل الدعم النفسي للاعب
(كما في دواري الحواري)

(يمكن الملاعب ما تناسب جماهير الرياض)؟؟
و يبغوا يحضروا مباراة للهلال في سان سيرو و لا في أولد ترافورد!!!!
و يمكن يفكروا !!



و يستمر مسلسل خذلان جماهير الرياض


تحية عسكرية خاصة : جماهير جدة و الشرقية و مكة و تبوك و حائل
أنتم السند (بعد الله) للفريق




همسة :
على قدر أهل العزم تأتي العزائم
اضافة رد مع اقتباس
  #2  
قديم 27/02/2008, 09:58 PM
زعيــم مميــز
تاريخ التسجيل: 19/05/2007
المكان: الرياض وقلبي سدير
مشاركات: 2,614
اقول بلا هياااط مافي احد مثل جماااهير الرياااض
ولا مايبي يحظر بالطقاااق مافي شي يجي بالغصب !!
اضافة رد مع اقتباس
  #3  
قديم 27/02/2008, 10:17 PM
زعيــم متواصــل
تاريخ التسجيل: 01/11/2006
المكان: جدة
مشاركات: 99
الأخ ليتكم مثلي ..... يا ليتنا مو مثلك في ردك اللي ما قدرت أطلع منه شي مفيد !!!

جمهور إيه اللي انتا جاي تقول عليه ... إلا قول الله يعوض عليه
اضافة رد مع اقتباس
  #4  
قديم 27/02/2008, 10:17 PM
موقوف
تاريخ التسجيل: 20/11/2006
مشاركات: 2,485
إقتباس
اقول بلا هياااط مافي احد مثل جماااهير الرياااض
ولا مايبي يحظر بالطقاااق مافي شي يجي بالغصب !!



ما شوفـ جمهور الهلال برآآ الرياض قآل اللي تقوله
جمهور الرياض مايقصّــر بس مدري
وش فيه هـ الأيـآم مسوي زعلان ع الفريق .!!
وإذا جت مبآرآهـ كبيرهـ في الرياض مو جمهور الرياض لحآله يحضر
كل جمآهير الهلال في المملكة والخليج عآمه تحضر ..,,
اضافة رد مع اقتباس
  #5  
قديم 27/02/2008, 10:23 PM
زعيــم مميــز
تاريخ التسجيل: 19/05/2007
المكان: الرياض وقلبي سدير
مشاركات: 2,614
إقتباس
الرسالة الأصلية كتبت بواسطة aahd2xxx
الأخ ليتكم مثلي ..... يا ليتنا مو مثلك في ردك اللي ما قدرت أطلع منه شي مفيد !!!

جمهور إيه اللي انتا جاي تقول عليه ... إلا قول الله يعوض عليه

الشي المفيد ياحبيبي ان كل واحد على راااحته اللي يبي يحظر يحظر ولا مايبي بالطــقاق كيفه
عمرره ماحظر
يعني الحين الجمااهير موب راايحه الا اذا قلتها أنت !!

صراااحه موضوعك كله على بعضه النقاااش فيه عقيم لأنه يعتمد على اشخاااص وكل شخص حر بنفسه !!
اضافة رد مع اقتباس
  #6  
قديم 27/02/2008, 10:23 PM
الصورة الرمزية الخاصة بـ e.a.g.l.e
زعيــم مميــز
تاريخ التسجيل: 25/10/2004
المكان: jeddah
مشاركات: 1,958
اشكر حبيييبي فعلاا بردت قلبي بكلااامك ........

وجمااهير الرياااض عااالم تطااالب بالبطولات ولا تريد الدعم .........

اغلبهم عادي عنده الهلااال شاف اخوانه يشجعون الهلاال وعيال عمه وسوى زيهم

ماادرى عن الدنيااا ..... ولا حب الهلاااال صحيح .....
اضافة رد مع اقتباس
  #7  
قديم 27/02/2008, 10:27 PM
زعيــم مميــز
تاريخ التسجيل: 06/05/2004
المكان: شبكة الزعيم
مشاركات: 3,038
قسم بالله يانكم مقلب ياجمهور الرياض


حتى المباريات المهمة صدقوني مايلمى الملعب غير الجماهير من برا الرياض


من الشرقية والغربية


فريق في امس الحاجة للجمهور وماتحظرون ياعمي والله فشيلة


شوف جمهور الاهلي حتى لو الاهلي مايقدم مستويات حظورهم مايقل وكفاية صبرهم على ناديهم 13 سنة

بدون ولا بطولة
اضافة رد مع اقتباس
  #8  
قديم 27/02/2008, 10:30 PM
الصورة الرمزية الخاصة بـ الزعيم00الهلالي
زعيــم مميــز
تاريخ التسجيل: 11/01/2007
المكان: لا اله الا الله
مشاركات: 2,002
لا انشاء الله الجمهور مايخيب ضننا في الاياب سلاااااااااااااااااااااااااااااااااااام
اضافة رد مع اقتباس
  #9  
قديم 27/02/2008, 10:30 PM
زعيــم فعــال
تاريخ التسجيل: 03/12/2005
مشاركات: 216
فــــــــــــــي الــــــــصميم























مشكوور
اضافة رد مع اقتباس
  #10  
قديم 27/02/2008, 10:30 PM
زعيــم متواصــل
تاريخ التسجيل: 16/03/2007
مشاركات: 110
سجل عندك انا اول واحد راح يحضر .وانا عندي احساس ان الروح الهلاليه راح نشوفها فالمباراه ونفرح بالتأهل ان شالله
اضافة رد مع اقتباس
  #11  
قديم 27/02/2008, 10:42 PM
زعيــم متواصــل
تاريخ التسجيل: 01/11/2006
المكان: جدة
مشاركات: 99
إقتباس
الرسالة الأصلية كتبت بواسطة ليتكم مثلي
الشي المفيد ياحبيبي ان كل واحد على راااحته اللي يبي يحظر يحظر ولا مايبي بالطــقاق كيفه
عمرره ماحظر
يعني الحين الجمااهير موب راايحه الا اذا قلتها أنت !!

صراااحه موضوعك كله على بعضه النقاااش فيه عقيم لأنه يعتمد على اشخاااص وكل شخص حر بنفسه !!

يس إحنا ما نتكلم عن حرية .... أنا أتكلم عن أعذار واهية

و لا إذا كان على حرية كل واحد حر إن شاء الله فريقه ياكل هوا
اضافة رد مع اقتباس
  #12  
قديم 27/02/2008, 10:47 PM
زعيــم مميــز
تاريخ التسجيل: 21/03/2006
المكان: عــــــاصمة نادي القــــــرن
مشاركات: 1,838
كلامك عين الصواب ولاكن مو كل جماهير الرياض لأني منهم وأنا الحمدلله مواضب على الحضور
اضافة رد مع اقتباس
  #13  
قديم 27/02/2008, 10:51 PM
الصورة الرمزية الخاصة بـ ABo kLBshH
زعيــم نشيــط
تاريخ التسجيل: 21/10/2006
المكان: في قلب أميمتي
مشاركات: 681
وانا عندي احساس ان الروح الهلاليه راح نشوفها فالمباراه ونفرح بالتأهل ان شالله
اضافة رد مع اقتباس
  #14  
قديم 27/02/2008, 10:53 PM
زعيــم نشيــط
تاريخ التسجيل: 29/12/2006
المكان: قـلـب ll الـهـلال ll .. !
مشاركات: 743
ان شاء مباراة الاياب سيرد عليكم جمهور الرياض

والله دمعت عيني يوم دخلت الملعب امس وشفته فااااضي
اضافة رد مع اقتباس
  #15  
قديم 27/02/2008, 10:54 PM
زعيــم مميــز
تاريخ التسجيل: 19/05/2007
المكان: الرياض وقلبي سدير
مشاركات: 2,614
إقتباس
الرسالة الأصلية كتبت بواسطة aahd2xxx
يس إحنا ما نتكلم عن حرية .... أنا أتكلم عن أعذار واهية

و لا إذا كان على حرية كل واحد حر إن شاء الله فريقه ياكل هوا

ليه اعذار وهميه بالعكس يمكن يرد عليك عشره وكل واحد يعيطيك عـذر فهل الأعـذار هذي تشمل اهل الريــــــاض كلهم !!

وبعدين كــل واحد وظرووووفه وانا عن نفسي مااحظر الا على حسب مزااااااجي واذا كانوا اخوياي بيرحوون بس !!
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 05:47 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2024, Jelsoft Enterprises Ltd

Google Plus   Facebook  twitter  youtube