بسم الله الرحمن الرحيم
السلام عليكم ورحمة الله وبركاته ...
بخش في الموضوع سييييييده سييييده
وباخذ يمين بعدين يمين شفها هناك تنطرني
خربنها وقلبنا التكسي
...
والله العظيم يا جماعة الخير انا ترى من بداية الدوري وانا ساكت
ومقهور ولا قلت شي ..
لا تقولون انت مشجع متعصب وتوك تتكلم عن الهلال عشانه تعادل البارح والكلام الفاضي ... ومعليش مشرفينا الاعزاء بتكلم وبنقد ويمكن اجرح
بعض الاعبين بالكلام .. بس والله من اللي بداخلي ومن حبي للزعيم ..
بسألكم سؤال واتمنى اي واحد يقرا الموضوع يجاوبني ؟؟
بالله عليكم من بداية الموسم ابي واحد يقول لي انه شاف الهلال بمستوى مقنع وبمستوى يشرف ..؟؟ لا يجي واحد ويقولي ما خسر الا مباراتين بالدوري
... جت من الله يالله لك الحمد ..
الشي الثاني لا تصدقون الموضوع بس انا اشوف النقد كثير على كوزمين وانا بصراحه اشوف كوزمين مدرب له احترامه ومدرب يشتغل صح
... بس والله ياجماعة الخير لو تجيبون فابيو كابيلو ولا انشلوتي
وتقولون درب الهلال ويجي يدرب الزعيم ويشوف بعض لاعبينا اللي الواحد مايدري هم جايين يلعبون ولا يفصلون ثياب
ان يقول كابيلو انا اعطيكم فلوس ولا ادرب الفريق وانشلوتي يكتب قصيده رثاء بنادي الهلال ويقدم استقالته من التدريب كله
...
والمغصوبه مافيها لبن ...
اللاعب اللي عنده احساس وحماس وحب للفريق وجمهور الفريق .. لو باقي على المباراة دقيقه وحده وتشب عليه بالكلام طلع لك اللي فيه والنار ما تزود الا اذا انفخت عليهاااااااا
مثل جديد مشالله علي
....
نرجع لمحور بربرتي وانا قعدت اهرج ونسيت موضوعي المهم كنا نقول يا ناس ياعالم ياهوه يا اداره يالاعبين ياجمهور... الهلال يحتاااااااااااااااج غربله وتنسيق بعض لاعبيه مو تنسيقه الا يكتبون عليهم في كل مباراه لوحات على ظهورهم ((
للتقبيل مع سنه هديه مجانيه ))
عندنا نجوم شباب عندنا عناصر متحمسه ليش نظلمهم ونخليهم اولمبي ياخي هاتهم خلهم يلعبون مع الاول وش فيها اذا انهزم مره مرتين وتعلم واخذ خبره بالمباريات الكبيره .. ياخي كل الانديه تهزم وكل الانديه تهزاء... روما صقعه منشستر 7 صفر وهذا هو ينافس على الدوري الايطالي ...
والله انا كتبت هذا الموضوع حب للزعيم وحب لجمهور الزعيم ورب الكعبه المباراه البارح لاعبينا فيها يضحكون وخصوصا الجهه اليمنى اذا اجتمع فيها
العرجاء والمنكسره
لا والتايب راح يسار وخلاهم بلحالهم الله الله الله
(( على قولة عيسى الحربين)) تعال شف الجهه الناريه شي يفرح مشالله
قسم بالله تضحك من
م ق إلى
ف م اه بس يالدوخي واه يالثنيان اذا صفو ورا بعض والله الجهه تشعلل شعلله يا شيخ كنها طريق الملك فهد ما تطفي
ما ودك المباراة تنتهي ... تدرون عاد ارجع واسألكم وبكل امانه
فيه احد اقتنع بالهلال السنه هذي او اي مباراه حس انها تليق باسم الهلال؟؟؟؟ ....
وانا عارف الردود بتجي ياللي بيقولي مندس واللي بيقولي مادري وش فيك واللي بيقول بعد مره ثانيه مادري وش فيك .... لكن حبي للهلال خلاني اكتب كذا انا ما احب الهلال انا اتنفس هواه
تحيــــــــــــــــــــــــــــــــاتــــي ولا احد يزعل مني رجاء انا قلت وجهة نظري
الوضع العادي
