|
اتحداكم ياجمهور الرياض ان يتعدى حضوركم 10 الاف يوم السبت @@ للاسف الكل هنا جالس يقول اللاعبين واللاعبين طيب قبل ننتقد اللاعبين نجي لحضرة الجمهور الكريم العاشق لفريقه الي هو سبب وجود هيبة للهلال في كل مكان جمهوووور الهلال اذا كان هذا الجمهور لن يحضر حتى باحلك الظروف واوقات الحسم فمتى يحضر ؟؟ بعد تحقيق البطولة ؟ والا في النهائي فقط ؟؟؟ اتذكر مباراة الهلال والاتحاد في كأس الملك قبل ثلاث سنوات عندما غاب سامي عن الفريق وايضا عناصر اخرى وكان الاتحاد مكتمل الصفوف ولكن بوجود الجمهور الكبير استطاع الهلال كسب اللقاء بهدف كماتشو من ركلة حرة وبعدها صعدنا للنهائي واخذنا البطولة والجماهير كانت هي الدافع الحقيقي لذلك من الان ان لم تحضر الجماهير يوم السبت فلن الوم اللاعبين مهما كانت النتيجة لاننا سنكون شركاء في الخروج وكم تمنيت المباراة تكون في الشرقية لنرى كيف يكون الحضور الجماهيري سياتي من يقول ان جمهور الرياض كبير وان ملعب الملك فهد كبير ومها حضر المشجعون فسيكون كأنه قليل سوف اقول له اريد ان يتعدى حضور الجمهور 10 الاف مشجع وان شاء الله يخيبون ظني اهل الرياض ولكن ننتظر ونشوووف وانا اول واحد في الملعب سلام |
لا حياة لمن تنادي " جمهور الرياض جماهير نهائيات فقط " |
إقتباس:
علموهم ان الدوي صار نقاط ولاعاد فيه نهائيات الا في الكأس خلهم يشوفون مباريات الدوري الاسباني والايطالي والانجليزي كل الفرق برشلونه ريال مدريد انتر ميلان مانشستر تشلسي ارسنال كل هذي الفرق ماتشوف مباراة وحدة لها في الدوري المدرج فاضي حتى لو كان المقابل فريق صغير ونقاط الهلال في الدوري ماضاعت الا في الرياض اتمنى ان تتغير ثقافة جمهور الرياض خلال المباريات الجاية وخلال الموسم القادم واعطاء جميع المباريات حقها |
الموضوع مكرر وطفشنا من كثر الرد واذا تتحدى انا اتحداك تحضر وخل عنا عندي دوام اختبار ما عندي فلوس وكل الاعذار المشكلة في لاعبين الفريق اذا انحلت سترى جمهور الهلال فقط دمتم بزعامة |
لو إنك في الرياض أقسم بالله ما راح تحضر كل المباريات ولا حتى نصها |
حياك الله أخوي مناجي الهلال أخوي سبب عدم حضور جمهور الهلال هو أن مقر النادي في الرياض يعني كل ماطرت علي نطيت للعريجاء أو رحت للمباراة بس شوف المناطق الأخرى الملعب يكون ((فل)) و الدليل مباراة الهلال مع نجران و الوطني و الحزم و الطائي ........ بس سجل أنا و أربعة أخوياي حاضرين من 4 عصراً |
الله الله بالحضور اناا ما اقدر احضر 1- انا اسكن بالاحساء 2-عندي اشغال ضروري |
لا انا تحداهم اذا وصل عدد الجماهير 5000 شخص لكن ان شاء الله مايخيبون ضننا وبالتوفيق للزعيم ان شاء الله |
اقوال ملعب جده مايكفي عشرين الف ولا يمتلي ههههههههههههههههههههههههههههههههههههههههه اهم شي انا احضر مالي دخل بغيري الوعد السبت لاتنسون ترا وجهة الاستاد اكبر من ملعب جده |
لا تخاف محنى مخيبين ظنك ... بيجي أقل من 10000 مشجع علشان عيونك .. غير ذا شي ... . . . . |
يارجال مشكله اللي يسب ومايدري ان ملاعبنا كبيره ,, عموماً ترا اللي حاضر مبارة الهلال والشباب الهلالين بس تقريباً 20 الف هلالي وانا متاكد من هالرقم ,, لكن لان الأستاد كبير ماعبو ولا ربعه !! يعني لو وديناه ملعب جدة ولا ملعب الشرقية ياللي ساكنين برا الرياض تهايطون كان عبوه وبقى الفين بالشارع .. ياناس ابثرتونا جمهور الرياض جمهور الرياض بدل ماتسبون الإتحاد السعودي اللي مخلي المبارة يوم الثلوث والإياب السبت !! وبدال ماتسبون الاعبين وبدال وبدال وبدال قاعدين على الجمهور !! واقول للي يسب جمهور الرياض ليش مباريات كاس اسيا الحضور يكون ممتاز لحد يقول علشان مجاني 70 الف مو كلهم جاين مجاني ولا حد يقول من برا الرياض 40 باص 500 شخص مو شيئ بالنسبة لـ70 الف السبب الأهم ان كاس اسيا المباريات يوم الربوع وهذ اللي مخلي الحضور صح ,, واللي يقول تعلمو من الدوري الإسباني هناك عندهم المباريات السبت والاحد وهذا يوم الأجازه عندهم خلوه عندنا ربوع وخميس وشوفو الحضور !! والأهم ليش ماخلو المبارة في الملز وزينو ارضيته !! استاد الملك فهد ترا بالنسبة لسكان الرياض يعتبر خط سفر ساعه روحه وساعه رجعه !! يعني مخلينها بوسط الأسبوع وبالأستاد كنهم يقولون نبي الملعب فاضي !! عموما انا بحضر يوم السبت واتمنى الفريق مايخيب ظني وخفو شوي عن جمهور الرياض تراكم اقلقتونا بدال ماتسبون الفريق والمدرب شاطرين علينا بس !! |
آه بس ................................................................ |||||||||||||||||||||||||||||||||||||||||||||||||||||||||||||||| |
وانا معاااااااااااك لااظن انهم سيتعدون ال10 الاف شكرااااااااا لموضوعك في محله |
الحين اللي مايحضر يقول إنك مندس .............!!! ويجيك التشكيك من كل جهه .. الله يعطيك العااافيه ونبي نحضر حنا ولاعلينا من النقاد الكبار في هذا المنتدى ... والمباراه يشوفها في البيت .. !!!!!! |
انا عندي حل اذا جمهور الرياض ما يحضر غير المباريات القوية خلاص له المباريات القوية والمباريات الي مع الفرق الضعيفة يلعبها الهلال برى الرياض في جده في الشريقة في حايل في تبوك كذا محد له عذر وبيصير جمهور الهلال اكثر جمهور في المملكة لانه خارج الرياض اعداد كبير يصعب تعدادها اللهم زد وبارك صدق انها ما تصير لاكن ليتها تصير كان ماحد يوقف في وجه الزعيم |
| الوقت المعتمد في المنتدى بتوقيت جرينتش +3.
الوقت الان » 07:46 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd