حضر ياسر والتائب والشلهوب في المباراة ولكن غاب اهم واحد ؟؟ - نادي الهلال السعودي - شبكة الزعيم

STS2005 · #1 27/02/2008, 03:36 PM

بسم الله الرحمن الرحيم

كنا في السابق نربط الفوز باي لاعب من هؤولاء

سواءا ياسر او التائب او الشلهوب او حتى عزيز والغامدي والدعيع

ولكن بعد مباراة الامس اتضح ان اهم واحد في الزعيم لم يحضر ....

اتدرون من هو هو جمهووووووووووور الزعيم الرقم الصعب

هو من يهز الفرق الاخرى وهو من يبث الرعب في اي فريق ...

وكأني بالشباب لما راو المدرجات خاليه تنفسوا الصعداء ... وارتفعت روحهم المعنويه

هذا هو السبب يازعماء انتم الاسطوره وانتم القناص وانتم الموهوب وانتم الذئب ..

وانتم من سيبقى للزعيم الى الابد ...ان شاء الله وانتم بطولاته ...

فهل ستكونون في تشكيله الزعيم ... في المباراة القادمه .. فلاعبين نادي الشباب ينتظرون ردكم
على احر من الجمر..

بنت نادى الهلال · #2 27/02/2008, 03:50 PM

ياخوى اشكرك على موضوع بس لاتعب نفس مدام المباره برياض انسى وفكر بصحتك

عزتي في سمو ذاتي · #3 27/02/2008, 04:10 PM

مايبيلها كلام .. اذا يبون الفوز ويبون التأهل يحضرون ..
ولا يسكتون ولايعاتبون اللاعبين .. اذا هم مايحضرون .. اكيد اللاعبين ماراح يلعبون بروح وبمستواهم ..
الجمهور اذا يبي التأهل للنهائي ويبون الدوري .. يروحون للمعلب ويساندون فريقهم ..

سعودي_10_شلهوب · #4 27/02/2008, 04:11 PM

إقتباس


	ياخوى اشكرك على موضوع بس لاتعب نفس مدام المباره برياض انسى وفكر بصحتك

.................................................................................................... .........................................................

~| A z ! z |~ · #5 27/02/2008, 04:24 PM

إقتباس


	مايبيلها كلام .. اذا يبون الفوز ويبون التأهل يحضرون .. ولا يسكتون ولايعاتبون اللاعبين .. اذا هم مايحضرون .. اكيد اللاعبين ماراح يلعبون بروح وبمستواهم .. الجمهور اذا يبي التأهل للنهائي ويبون الدوري .. يروحون للمعلب ويساندون فريقهم ..

........................................................................................

الجلمود الهلالي@@ · #6 27/02/2008, 04:30 PM

مادام المباراة بالرياض انسى احد يحظر ادعوا بس ان النهائي اذا تأهلنا ان شاء الله يكون بالدمام

أميرٍ · #7 27/02/2008, 04:33 PM

ياجماعه الخير ،، لاتلمون حقين .. الرياض ..!! ورده

ترى مصختوها كل يوم .. منزلين موضوع ..!! ورده

ترى ايام دراسه وكل يومين ثلاثه مباره ،،! وصعبه واحد كل يوم طاقها من العصر ورايح .!! ورده

وفيه ناس عندهم ظروف ..!! ورده

انتم المفروض . لو جاكم الهلال .. مفروض تملون الملعب كله .. لانه مايجيكم الامره او مرتين .. في السنه علشان كذا ،!!

ورده

مجـنـ الزعيم ــون · #8 27/02/2008, 04:38 PM

إقتباس

الرسالة الأصلية كتبت بواسطة عزتي في سمو ذاتي


	مايبيلها كلام .. اذا يبون الفوز ويبون التأهل يحضرون .. ولا يسكتون ولايعاتبون اللاعبين .. اذا هم مايحضرون .. اكيد اللاعبين ماراح يلعبون بروح وبمستواهم .. الجمهور اذا يبي التأهل للنهائي ويبون الدوري .. يروحون للمعلب ويساندون فريقهم ..

كلام من ذهب اخووي

يا جمهوور اللي وده يفوز الزعيم يرووح للملعب ويرفع معنويات اللاعبين

هذا اذا كان ودكم يفووز الهلال

هلال الشرق الأوسط · #9 27/02/2008, 05:07 PM

شفت ان جمهور الرياض يفشل بكل امانه اجل مباراة شبه نهائي والحضور كذأ ...

لو المباراة لــــ ...؟؟؟؟ وش بيكون الجمهوووور

فيصل بن محمد · #10 27/02/2008, 05:20 PM

مشكور اخوي على الموضوع

بصراحه ياريت المباراه خارج الرياض وربي تشوف الجمهور على اصوله
عتبي على مجلس الجمهور ليه ما فيه اي فكره لجذب الجماهير في الرياض
حبايبي بقولها بصراحه في مباراه الاياب إذا كان الجمهور مثل مباراه الذهاب فودعوا البطوله
ومو بس هذي البطوله لا واللي بعدها

اختاما اتمنا أن جمهور الهلال في الرياض يتعلمون من جماهير الهلال خارج الرياض
جده ــ القصيم ــ الجنوب ـــ حائل ولا يهنون الباقيه
وربي جماهير المدن ذولي انهم يحضرون لرياض في المبارايات القويه
يمشورون لجل الهلال وعيال الرياض عند الملعب ولا يجون

تحياتي لكم وشكرا

saad_ss · #11 27/02/2008, 05:58 PM

ان شــــــــــــــــــأء الله جمهــــــــور الرياض يكفي ويوفي امين

general alhilal · #12 27/02/2008, 06:00 PM

مادام المباراة بالرياض انسى احد يحظر ادعوا بس ان النهائي اذا تأهلنا ان شاء الله يكون بالدمام

hamad9 · #13 27/02/2008, 06:04 PM

انا مادري ليش بس حنا الفريق الوحيد اللي جمهوره بينه وبين بعضه عنصرية ماشوف الفرق الثانية تقول جمهور المدينة الفلانية بس حنا.
ماقول غير حسبي الله على اللي قسم جمهور الهلال لجمهورمناطق