27/02/2008, 12:54 AM
|
زعيــم متألــق | | تاريخ التسجيل: 31/03/2003 المكان: نادي الهلال
مشاركات: 1,256
| |
كفىَ ولا .. ياإدارة المنتدى ننتظر منكم المزيد .. ياجماهير الرياض وقفه طفح الكيل !!
السلام عليكم ورحمه الله
هاردلك التعادل
ولو اني اشوفها عادله نسبه للعب الفريقين
الفريق اليوم ماقصر وان شاء الله الحسم السبت
وهذا مايمنع ان فيه انتقادات كثيره
ولكن الانتقاد بهذا الوقت هو قتل للمباراه القادمه وللاعبين
نأجل كل شي بعد مباراه الاياب باذن الله
ممكن تكون نتيجه 0-0 تكتيك من المدرب !! ماحد يعلم بهالشي الا الله
وان شاء الله مباراه السبت يلعبون فيها 50% من الاولمبي لانه فعلا فريق بروح
راح تكلم عن الموضه الجديده
والي انتشرت بشكل كبير جدا جدا
وللاسف الاداره ساكته ممكن يكون من باب حريه الرأي
ولكن حريه الرأي اذا وصلت للحد الاقصى فيجب ان نضرب بيد من حديد
مب عشاني ولا عشانك وللا عشان فلان
عشان الكيان الهلالي عشان الزعيم عشان عشقنا الذي عشقناه من طفولتنا وشربنا معه الافراح والاحزان
يازعماء انتشرت موضه جمهور الهلال في الرياض !!
حتى وصلت للحقد والحسد والبغضاء والكره
وصار البعض يستحي ان يكتب بملفه انه من جمهور الرياض
هي كلمه من مندس استغلها في طيبه الجمهور الهلالي
والرسول صلى الله عليه وسلم قال ( الفتنة نائمة لعن الله من أيقظها )
والي نشوفه ماهو الا فتنه انتشرت في بعض الدخلاء والمعتبرين بانهم من جمهور الكيان الهلالي
انا مع الجميع بان جمهور الهلال في الرياض قليل في الايام الاخيره
لكن سئلنا نفسنا ليه صار هالشي !!
ولا كل واحد يتكلم عن نفسه !!
قبل كل مباراه يطلعلنا مليون فرعون بالمنتدى وانهم عاشقين الزعيم وشاربينه شرب وبدال الحث للجماهير بالحضور
صارت مواضيع استفزازيه وتحقير للجمهور وتشبيهم بالفاظ فسوقيه استغرب من الاداره بعدم حذفها
الانسان بطبعه مايحب انه يجبر على شي
((ان الانسان خلق خلوعا اذا مسه الشر جزوعا واذا مسه الخير منوعا))
فاذا انت شخص جالس بمنتدى وتسب فلان وعلان وتستهزء فيهم هل من المعقول ان يستجاب لك !!
الله سبحانه وتعالى يأمر نبيه من فوق سبع سموات حين قال ( ولو كنت فظاً غليظ القلب لانفضوا من حولك )
يوم بعد يوم نشوف الجماهير تنقرض
حضرت اليوم مباراه الهلال كانت جميله وكان التفاعل الجماهيري جيد جدا مقارنه بالعدد القليل
وهذا مايثبت انه ماحضر الملعب الا المخصلين للهلال المبتعدين عن كلام بعض ( اطفال العقول )
فشفنا تعامل من الجميع
والشكر اييضا موصول للرابطه بتواجد امبراطور الزعيم حقوي واليوم كان توب ونتمنى دايم كذا
نهايه
اتمنى واتمنى واتمنى اولا من جميع الجماهير البعد عن تفريق الجماهير لانه هذي فتنه وانتشرت بشكل كبير
اتمنى من الاداره وقف هالشي سريعا لان المرض انتشر وبالطبع اذا انتشر اكثر راح يصعب زواله
وان شاء الله يوم السبت راح يثبت الزعماء من جماهير ولاعبين بانهم اوفياء وعمر الجماهير مابعدت عن الفريق ولكن الظروف اكبر !!
بالتوفيق للزعيم في ايامه القادمه |