|
الزعيم يعلن انسحابه من كأس ولي العهد بسبب ياسر والتايب !!! مساء الزعماء هكذا هي أكثر المواضيع التي نزلت اليوم بعد المباراة ، استسلام وتسليم بالخروج من البطولة بسبب غياب ياسر والتايب، ومع كامل احترامي وتقديري للنجمين الكبيرين واللذان كان لهما دور كبير هذا الموسم إلا أن هناك بإذن الله من سيظهر في المواعيد الحاسمة وينهي الأمور. لعلها خيرة بإذن الله فدخول الشباب بثقة زايدة في غياب النجمين شيء جيد لصالحنا وتذكروا أننا سنلعب 11 لاعباً مقابل 11 لاعباً وليس 11 مقابل 9 . أعرف أن الزعيم يعاني من إصابات متعددة وإيقافات كثيرة ولكن كل من يرتدي الشعار الأزرق ويسمع هدير الموج الأزرق الذي نعرفه فتأكدوا بإذن الله سيكون أكثر حماساً وإصراراً لتقديم شيء لهذا الكيان. الأمل بالله كبير وبنجوم الزعيم لتجاوز مهمة الشباب وتذكروا أن هدف وحيد يؤهلنا للنهائي !! تحياتي |
هذااااااااا الكلام الصح بس لوتغير عنوان الموضوووووووع |
مشــــــــــــــــــــــكور وما قصـــــــــــــــــــــرت |
بارك الله فيك أخوي بإذن الله يبيضونها ليلة الأحد والزعيم لا يعتمد على لاعب معين ولا اثنين ولا ثلاثه خسرنا مباريات ومستوى واحنا مكتملين وفزنا في بطولات من أضيق الأبواب لأننا الزعماء واذا حضر الموج الهادر في المدرجات فسيرعب الخصوم ويبث الروح في زعماء المستطيل الأخضر الموج الأزرق هو اللاعب رقم واحد ولن يتأثر الفريق إلا بغيابه هو فقط |
هدف ولا مو هدف لو بل بلنتيات اهم شي نتأهل تسلم اخوي |
نتمنى ان يكون النقص مولد للقوه وليس مولد للإستسلام |
اول شيء غير عنوانك ...!! كلامك صحيح بس عنوانك خرب مضمونك موفقين ان شاء الله |
والله كلامك عين العقل والصواب وانا متفائل خيــر وبأذن الله نفرح بالفوز والغالي المباراه حاااااااااااسمــه واتمنى من الجمهور الحظووور بشكل أفضل لنرعب الخصم |
النقص انشاء الله ما راح يأثر والمفروض تتم معاقبة ياسر والتايب لأنهم أخذوا كروت على لعبات ميته والسبب استهتارهم وهذا ما يعمل به في أوروبا (( معاقبة اللاعبين بغض النظر عن أسمائهم )) |
بودي بعد يرتاح الغامدي المباراة الجايه حتى انه يصحصح شوي وينسى التأخر بالتسليم للكره عشان بالمره نعطي الاولمبي الفرصه ياريت يريحونه ومكانه عزيز ويكون الوسط الشلهوب خالد عزيز وعبدالعزيز الدوسري ولاعب الاخر والله دايم انسى اسمه بس فنان عجيب اللي سجل الهدف على القادسيه من مسافه بعيده يطربني هالاعب بجد |
صحيح ان الهدف يكفي لكن المشكلة وشلون يجي هالهدف في هذا الأداء... العنوان أربكني... ومشكور. |
ياااااعيني عليك وكلاااام صحيح والله ,, مع عتبي على عنوان الموضوع ,, |
والله العظيم صح كلامك ماقصرت,, وان شاء نعوض في المباراه القادمه |
الهلال ما يتأثر بلاعب او لاعبين مهما كان حجمهم راح الثنيان وسامي وقبلهم النعيمه والبيشي ونجوم كبار والبطولات ماتروح عن الزعيم الزعيم يعرف كيف يخرج من عنق الزجاجه |
قسم بالله موضوع شخص يدل بفكره الكبير هذا هو الموضوع ولابلاش. باقي الجماهير عجزت تحمل مين مره المدرب مره مسفر القحطاني مره الاداره مره عبداللطيف الحسيني وخذ من الكلام هذا بس كلامك هو المنطق. وأنا أظن سبب خساير الهلال في الرياض السبب الوحيد هو الجمهور الكل يعرف أنها تعادلات بس بمثابت الخساره لان الجمهور هو الوقود الحقيقي للهلال وياليت الاداره الهلاليه تطالب بتغيير مواجهات الهلال في المنطقه الغربيه أوالمنطقه الشرقيه بسبب كثافة الجمهور الهلالي في هذه المناطق وهذا هو الحل السليم. |
| الوقت المعتمد في المنتدى بتوقيت جرينتش +3.
الوقت الان » 11:19 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd