لو بحلف انك انت اول واحد يروح للمقاهي واذا تبي تطرح موضوع اتمنى يكون مفيد للقارئ
وهالاسطوانه ترا سمعناها مليون مره وصارت سامجه من كثر ماتكررونهاا

الإحترام المتبادل لابد من وجودة
ممكن نكون جمهور مقاهي (على حسب قولك ) لكننا مع الهلال وين ما راح
انت رحت للملعب وشفت المعاملة اللي يعاملونك فيها ؟؟؟
رحت للملعب وشفت الهمجية في الترتيب والتنظيم ؟؟؟
رحت للملعب وشفت الممنوع والمسموح ؟؟؟
تقولي كل شي يهون للهلال بعد الهلال ما يبي يظر جماهيرة ...
رقموا الكراسي ونظموا الدخول وبعدين راح تزحف الجماهير لكم وهذا الكلام معروف لمين موجه
وياليتك تحسن اسلوبك شوي اخوي لأنك اهنتنا شوي والنقد ترا مو بالطريقة هذي
الله يوفق الهلال وين ما راح

جمهور الزعيم بالرياض لهم ولازال لهم وقفات مع الازرق

إقتباس الرسالة الأصلية كتبت بواسطة روحي الوجله كلام جارح لجمهور الهلال العريق بالرياااااااااااااااااااااض ياخوي ياما وياما خلاك تفرح وتفتخر قدام العالم وتقول شوفو الجماهير الاوربيه بالله سألتك بالله جيب لي نادي يحضر جمهوره بعدد 70 الف انتم مشكلتم تملون ملاعبكم وهي صغيره وترجونا جمهور الرياض جمهور الرياض لو سعة الملعب ياحبيبي 30 الف كان شفت في كل مباره الملعب مليان ولكن احنا عندنا ملاعب اوربيه سعتها 80 الف

أي عريقه هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه ههههههههههههه

معليش حبيبي

ترى إذا جاء وقت الجد ما تلقى إلا جماهير الرياض
وترى مافيه فرق بين جماهير الهلال لا بالشرقية ولا الغربية ولا الوسطى

أتمنى تعدل أسلوبك في الطرح

اسمعوني جمهور الرياض جمهوووووووور كبير وعريق

ولااحد يغلط عليه لو سمحتوووا ترا هذا جمهور الزعيم .. الملقب بالموج الازرق ... وبتشوفون اليوم

وصدقوني لو ما حظر الي متوقعينه واكثر اوعدكم ما اوريكم وجهي بالمنتدى واحول عن الهلال

بس صدقوني جماهير الزعيم ماراح تخذلني ... ولا تخذل فريقها... ومحبيها ...

ااااااااااااااااااااااااااااااااااااااااااااااااااااااااااااااه كم احبك يا هلال واحب جمهورك

وعلى فكره واثق الخطوه يمشي ملك

تفائلوا ياجماعه الفوز للهلال إن شاء الله بس نبي الهمه يالله للملعب............................................

لا تحمل الجمهور مسؤولية النقاط الضايعه...

لكن على قولتهم

الـــوعـــد الــمــفــرق

إقتباس الرسالة الأصلية كتبت بواسطة هلالي بكل بساطة أخوي بلو ,, انا بالشرقية واسمح لي موضوعك مكرر وطريقة طرحك للموضوع ما تخدمنا كجمهور هلالي لا بالشرقية ولا بالرياض,, أتمنى لو عندك فكرة أنك ترتقي بطرحك شوي وتعرضها بصورة جميلة يتقبلها القارئ ,, وما أحلى النصيحة عندما تخرج من محب ولكن الأسوأ أن يزود العتب وتتحول إلى (فضيحة),, شكرا لك,,

صح لسانك


وما عليك زود


والاخ كاتب الموضوع / اذا كان هذا تفكيرك لاعاد تحظر

هذا انا الحين مشغل الموتر بالحق على المباراة الي يبي يروح معي يدق علي بيجر

إقتباس الرسالة الأصلية كتبت بواسطة الصويلح 9 اه بس لو اني من سكان الرياض والله لاحظر كل المباريات

ماقلنا شي اخوي بس بدون حلف الله يخليك لانك ماتدري وش راح يصير لك بعدين

انا رجال ساكن الرياض واحضر للهلال كل مبارياته وكل شهر اروح للنادي رغم بعد المسافه لاني ساكن في شرق الرياض الوضع مو مثل اول ياصاحبي ,, انا كنت احضر على وقت ابو يعقوب وكل مباراة للهلال احضرها بشكل مستمر وقبل موسمين كنت احضر حتى خارج الرياض لعشقي وجنوني بنجوم الهلال وحققنا الست بطولات لكن للأسف بعض اللاعبين يكرهونك في الملعب اتذكر مبارياتنا مع الكويت الكويتي والوحده الاماراتي والشباب والاتحاد كرهتني في الملعب واخرتها خروجنا المر من بطولة الخليجيه مع الاتفاق هي كانت بمثابت الصدمه لي فقررت ان لا احضر على الاقل هذا الموسم حتى يصلح حال فريقنا واكتفي بمتابعتها في المنزل


اخيراً اتمنى كل التوفيق لزعيمنا ولك اخي الكريم

اخووي لو تحسن اسلوبك شووي كان ماصار الموضوع كذا


وبعدين الجماهير تجي بعد المغرب اصبرلها شوووي


وبعدين اخوي يعني جماهير الرياض ماقد بيضو الوجه ؟؟

مشكوووووووور والله يعطيك العافية

............................