السلام عليكم ورحمة الله وبركاته :

( سواليف أبو عبدالله : الأسبوع الرابع )

هانحن نلتقي في سواليفنا للأسبوع الرابع واتمنى ان تكون الأسابيع قد نال إعجابكم , وفي هذا الأسبوع سنلتقي مع سواليف جديده أتمنى ان اكون موفقا في إختيار فقراتها وادعوا الله ان يكون تواجدي بينكم كضيف خفيف الظل وليس ضيف غير مرغوب فيه .




بين مجتمع ينظر للشخص المراجع للطبيب النفسي على أنه مريض نفسيا ومجتمع آخر يعرف أهمية دور الطب النفسي , هناك من ينظر للشخص الذي يذهب للطبيب
النفسي ويتعامل معه على أنه مريض يجب ان يتم التعامل معه بطريقه خاصه , ولهذا نجد ان الزائر للطبيب النفسي يحاول كتم سرية زياراتة للطبيب المعالج ولايحدث بها أحد
ولكن بين هذه النظره والنظرة الأخرى التي ترى أن كل شخص بطبيعته هو مريض نفسي وإن اختلفت الحالة وحجمها من شخص لشخص ولهذا ترا أن الأمر عادي جدا.

المحور الأول :

هل ترى أن الشخص الزائر للطبيب النفسي هو مريض نفسي وبالتالي يجب التعامل معه على هذا الأساس .

المحور الثاني :

ألا ترى ان المجتمع ظلم المراجع للطبيب النفسي بنظرته المقتصرة . وماهي الأسباب التي أدت الى ذلك .

المحور الثالث :

ماهي الحلول التي تراها بوجهة نظرك كحلول فاعلة تؤثر في تغيير النظره العامة .

المحور الرابع :

هل تشعر أحيانا بانك قد تكون معرض لمرض نفسي من خلال بعض الحالات التي قد تمر بك .



يعاني كثير من الخريجيين في المملكة من عدم وجود تعيين لهم في الوزرات المعنيه ومن ضمن تلك الوزارات وزارة التربية والتعليم , ولعل البعض يلجأ للذهاب للدول الخليجية
بغرض الحصول على وظيفة , ولكن وبعد أن استنكر مجلس الشورى في هذا الأسبوع أؤلئك الذين يذهبون الى دول خليجية نتسائل ونقول أين انتم من حقوق الخريجيين
في تلك الوزارة المتخبطه ولماذا تلومون الخريج ولا تبررون موقفه .

على الصعيد الشخصي كنت ساذهب لإحدى الدول الخليج لكني تراجعت خوفا من ان يصل ملفي الى المجلس ومن ثم يتخذ قرار بتجميد رقمي في وزارة الخدمه المدنيه وهنا سيقع المحذور .

اذا لابأس بالجلوس لسنوات في البيت أمام شاشة الإنترنت وشاشة التلفزيون حتى يأتي الفرج .




لا .. لا نقولها هذه المره لاولئك الشباب الذين اثناء المناسبات يتسببون بالإيذاء المباشر للحضور من خلال رنات جوالاتهم والتي تحمل أغاني . البعض وصل فيه الأمر الى إسماع المصلين تلك الرنات.

ولايتوقف الأمر عند هذا الحد فالنغمه المسماه برنان نغمه مزعج فعندما تتصل بشخص لاتسمع الرنه العاديه بل تسمع أغاني طيب يالغالي تظن بعد هالاتصال عادني بدق عليك .
وانت ماتحترمني تسمعني اغاني .

( العجائز والمسلسلات المكسيكيه )

مشكلة بعض العجائز الله يصلح حالهم يحبون المسلسلات , خصوصا العجوز اللي ماتت صديقتها ايام الصغر ولكن الغريب في الأمر او المضحك هو حال تلك العجوز التي تتابع
المسلسل المكسيكي وهي لاتعرف وش سالفة هالمسلسلات , لا وبعض العجائز تتفاعل مع المسلسل وتلقا تبكي على عشان ليخاندروا مات . صدقوني واحد يقولي امي كل يوم القاها طابه بمسلسل مكسيكي طبعا تتابع عن حسن نيه ماتدري وش فيها ومافيها . اهم شي تتابع قصه

(إنتبه لنفسك ياقحماني )

ليلة مباراة الأهلي والهلال الاخيره بغيت اروح في داهيه قبل المباراة بساعتين رحت اجيب غرض للبيت عاد كنت مستعجل شوي ابي اجيب الأغراض والحق التحليل حق المباراة
وفي نفس الوقت ماني مركز . المهم انا رحت شريت من مركز تجاري بعيد شوي كل اغراضي وانا راجع كان فيه خط سريع طبعا السريع حق جدة - جيزان ( باقي ماضبطوه يعني يمديك تخالف )
المهم في قطعه بسيطة تقريبا 100 متر قلت بخالف فيها وبعدين بحول على الخط الثاني . وفي نفس الوقت خائف من أمن الطرق يحصلوني وانا عاكس يعطوني قسيمه . المهم مشيت بالسيارة بسرعه الين اللفه اللي ابي الف عندها وارجع على الخط . المهم توني لاف وجيب الدوريه توه لاف بعد وهو برضو مسرع وبغينا نسوي حادث على مستوى , يعني بالعامي متعوب عليه ( الحمد لله عدت على خير وروحت بسلامه للبيت )
المهم يمكن ماكان باقي بيني وبين الجيب إلا يمكن عشرة سانتي فقط آه لو سمعتوا صوت الفرامل حق كورلتي وجيب الدوريه كان قلتم هذا فيلم امريكي حقيقي . المهم انا يوم شفت
يالله سترك الهويه ماعندي رخصه واستماره ماعندي وفوقها كبس لي طاح قلبي يارب سترك وش هالمشكله . الحين انا رجعت ريوس والرجال رجع ريوس وماخرج يتفاهم معاي قلت شكله ناوي خير

مر من جنبي وقال انتبه لنفسك ياقحماني . وانا عاد من الفلسفه يالله ماصار إلا كل خير . المهم وقتها من الربكه مشيت وبعد مامشيت فكرت في كلمة قحماني وقلت في نفسي وش دراه بإسمي وحتى اللحظه ماني عارف من هو الشخص اللي كان بالدوريه .

بناء على طلبات احد الأعضاء سأعود مجددا لمواقف التطبيق ..
أحد زملائي الله يذكره بالخير كان يحب النوم الكثير والمدير حقنا شوي متساهل في مراقبة المعلمين فكان يجي يوقع ويطلع ينام طبعا هذا الشيء يقوم بتنفيذه كل يوم احد لأنه فاضي الين الحصة السادسه . وبالجوال حقي اصحية من المواقف التي لا أنساها طبعا انه انا وزميلي متفقين اذا جا المشرف احاول اصرف المشرف واصحي زميلي .

في يوم من الأيام جا المشرف وادق على زميلي والظاهر ان الرجال في سابع نومه طبعا المشرف على كذا راح يعطيه انذار واحنا عندنا ثلاثة انذارات من أول الحين احمد لو ماجا معناته انذار رابع وبالتالي رفع تقرير للإدارة وسحب التطبيق منه , المشرف من كثر ماسألني وين احمد وانا اصرف فيه

كل مره اقلة دقيت علية وقلي جاي لانه راح الجامعه يستخرج شهادة بدل فاقد لشهادته الجامعيه لأننا كنا ندرس دبوم مابعد الجامعه عشان لاحد يتلخبط منكم ويقول كيف تتطبقون
ومعاكم شهاده جامعيه . اخر شي قله قلة معاك عشر دقائق لو ماجيت اعتبر نفسك محروم من التربيه الميدانيه ودقيت هالمره مع إن في المرات الماضية زميلي ماكان يرد ورد هالمره
قلتلة لا تغسل وجهك ولا شيء البس ثوبك وتعال علطول المشرف موجود . زميلي طبعا جا للمدرسة قبل العشر دقائق وكل ماطالع بوجهه اضحك بعد ماحط دفتر التحضير على فمي عشان الدكتور .

مايكتسف شيء وعاد زميلي وقتها ماكان يحط عينه بعين الدكتور عشان مايكتشف انه توه صاحي . من بعد هالموقف صار يداوم من بدري ومايخرج من المدرسة لدرجة اني اذا قلت يالله خلنا نطلع نفطر من برا يقول لا بوفية المدرسة حلوه وكويسه ومافيها شيء .


للحديث بقية مع مواقف كثيره في الملتقي القادم



من المواقف التي قال لها لنا احد دكاترة جامعة الملك خالد ولازلت اتذكرها حتى اليوم ذلك الموقف الذي هدد فية الدكتور احد زملائي بالقاعه برمي جواله مع الشباك ونحن بالدور الثالث

اي انه لو رماه ( يخلف الله عليك ) وقال لي بالحرف الواحد ذلك الدكتور المصري : انا رميت غوال زميلكم في القاعه التانية رحوا وسألو وتتأكدوا لو حد تاني رن موبايله رح ارميه مع الشباك

هنا خليك مكان الطالب الذي رمي جواله طبعا الدكتور .

هل ستاخذ حقك من الدكتور أم انك ستعديها وابعد عن الشر ياعمري وغنيله

أم ياترى لديك حل ثاني انتظر اجاباتكم .


شكر لكل من سجل تواجده بالسواليف السابقه الترتيب حسب أولوية الردود )

العضو بني حارث

أي غني ياطويل العمر ترا الشغله كلها 5000 ريال يعني لاراحت ولا جات بس ليتها مليون ولك نسبه منها .

العضو حبيبي الأزرق

أجل عساها تجيك 5000 مادام بتعطيني نصها بس خلك على وعدك انا بدعي لك ترا بس لو جاتك مليون اكيد لي نص المبلغ بعد

العضو ((( أخلاق سامي )))

هلابك يالغالي قلتلي بترجع ومارجعت الا السحبات وانا اخوك على العموم تشرفت بوجودك

العضو السمسار الهلالــي والعضو moha501

مع سواليف ابو عبدالله مش حتقدر تغمض عينيك ها اشكركم على الدعايه المميزه للسواليف والإطراء يالغالين

العضو عشقي تيماوي

منور الموضوع اخوي عبدالرحمن وبردك الجميل سلمت يداك أيها الشائب اعلم كم عمرك

العضو : الزيرابوعزيز

ياخي طيب عيال حارتنا مايلعبون بلاي ستشين الظاهر بشتريلهم واحد واريح نفسي من صجتهم ( احسن رد على الموضوع )

العضو : مجنون الزعيم(9)

صار تبي تعرف المقهي لا ابشرك ماتدخل إلا ومعاك عائلة يعني ريح نفسك واقعد وانا اخوك بعدين وراك مشغول كلش بالماسنجر

العضوه : هلالية من زمن آخر

ههه ماعندك حساب ومسويه برايفت لامع ابو عبدالله مافي برايفت على العموم مشاركتك جميلة واشكرك على الإهتمام الخاص بالموضوع

المشرف : الكــلاسيكي

بكل تأكيد مالوم المشرف وبالعكس اقدر مجهوده شاكر لك على المرور هنا والمرور الخاص في موضوعي الأخير بالمنتدى الجار مجلس الجمهور

العضو : هلااالي ومحبوب

هلابك يالغالي ونورت بالموضوع وننتظر طلتك معي بشكل دائم وشكرا على الإهتمام

العضوه : && هلااااااليه &&

يعني انت شاكه ان السعودي مايحب من قلب ماعتقد لان التعميم ماينبغي وبعدين حتى لو نحب من قلب لا والف لا لعيد الحب . شكرك لك على التواجد

العضوة : بنت الساحل

هلاوغلا ونورتي الموضوع ووجود اسمك يشرفني







إعتذار :


اعتذر عن التواجد معكم للاسبوع القادم وذلك لظروف تربطني بالإشراف على عمل صباح الخير ياهلال والذي سيقدم خلال الأسبوع القادم . ونلتقي في الأسبوع بعد القادم على خير


اخوكم : ابو عبدالله