تجربتي الشعرية بينكمـ ,, فهل تلقى من يحضنها ,,, يآفريق الزعآمه ....!! - نادي الهلال السعودي - شبكة الزعيم

الزعيم يكلك · #1 26/02/2008, 02:02 AM

السلام عليكم ورحمة الله وبركآته
بدآية أقول لكمـ صبحكمـ / مسآكمـ الله بالخير والسرور
الصرآحة دخولي قليل وموآضيعي أقل

ولكن لعل أحدهمـ حمسني بقوله أطرح قصيدتكـ وكثير رآح يشآركونكـ النقد والآرآء والآفكآر
ونمي قريحتكـ الشآعريه معهم ,,,
قلت متآكد قآل ماعليكـ
قلت مايحذفون موضوعي

قال أزهلها وطق صدرهـ
قال يمكن يثبتونه
قلت هلا هلا

ترددت كثيرا
ولكن لقرب المبآرآة غدا
قلت أسدح هذي هنا قبل لايروح طعمها
وبكرهـ لها وحدهـ لحالها

بسم الله

طبعا كلش سريع سريع
يكون له طعمه الخآص

يقول الشآعر << أنا

>> يآرب ماأمدح نفسي

ماعودتنا على كذا لكن ياعل خيــــرهـ ,,, الله عليـك الله يافريـق الـزعامــــــــــــــــــــــه
كـنـا وكـنـا نـقـول هـنـا وبكـل ديــــــرهـ ,,, أنت عنوآن البطولة وصدقني وسآمـــــــــــــه
كوزمين روق ببايسن وإلا ببيــــــــرهـ ,,, وسمت على القادسية وسآم وعلامــــــــــــه
ماشفنا أهدآف كبيره ولا صغيــــــــرهـ ,,, نبي نلوح فوق الروس تآج وعمآمـــــــــــــه
الجمهور من بعدكـ أغلبها كسيـــــــرهـ ,,, صفر صفر من الآرقام ماهي كرآمــــــــــــــه
صحيح إن الكآس موجود غيــــــــــرهـ ,,, بس هذا وغيره نبي إذا الزعيم ضرغامــــــه
أنا أشهد إن جمآهير الآزرق كبيــــرهـ ,,, مثل مايقولون الهوى سآمي وللحب سلطانه
لو نقيس الفن بريال وفلس وليـــــــرهـ ,,, يبقى بعدكـ يالتآيب من الإمتــاع حطامــــــــه
الزعيم للبطولات سيد ورئيس وأميرهـ ,,, مثل مالجينيس موسوعة حصيلة أرقامــــــــه
لو يمشي الأزرق بالدروب العسيـــرهـ ,,, لآبقى معه وآفي وغارق بحبه وغرامـــــــــه

هي ليست قصيدة
ولكني أحب أن أعبر بما رآيتم
ولا أحد يقولي بدري
لآني كآتبها منذ تلك الليلة
ولكن مالزم علي الرجال إلا من شوي

آي كلمة أشكلت عليكـ

لاتتردد بالسؤآل

والصرآحة يمكن أحد يتذيكى ويقول ليش بس ذكرت التايب ولم تذكر بقية اللعيبة
الصرآحة لآنه سآحرني وهو من أحببني للكورة وهو برنس الإمتاع والإستمتاع
وإلا خلهم يفوزون مع الشبآب وإن شاء الله أصف اللاعبين

<< تفآئلوا بالخير تجدوهـ

ذآيب مع التآيب

ابو شوشن الهلالي · #2 26/02/2008, 02:19 AM

لو يمشي الأزرق بالدروب العسيـــرهـ ,,, لآبقى معه وآفي وغارق بحبه وغرامـــــــــه

صح لسانك اخوي وكلمات روعة ولاعدمناك يالغلا ..

تقبل مروري وبالتوفيق للهلال مع الشباب وفي مشواره المتبقي ..

لاعب فاشل والله ما يستاهل يلعب في الهلال ..!

النايف2007 · #3 26/02/2008, 02:21 AM

أخوي قصيده جزله وصح لسانك بس كلمة ضرغامه ماتحس انها مالها داعي بس انا داري انك مجبر عليها
على العموم نريد المزيد من امتاعك وبأذن الله راح نشوفك في شاعر المليون
وتقبل مروري

الهلالي التايه · #4 26/02/2008, 02:27 AM

لا اجيز القصيده نظرا للخل الواضح فيها من كسور وجبر لبعض الابيات مثل ضرغامه ومثل صفر صفر امى البيت الثامن فلا علاقه له بالشعر وشكرا

شلهوبيه10 · #5 26/02/2008, 02:32 AM

بداااايه حلوووه’’

والشعر يجنن لانه عن الزعيـــــــــــــــــــم ’’

الى الامام ,,

^_^

AnDrSoN · #6 26/02/2008, 02:34 AM

صح لسآآآآآنك وابيآآآت حلوه ,, عسآآك عالقوه ,,

بالتوفيق للزعيم ,,

الزعيم يكلك · #7 26/02/2008, 02:36 AM

إقتباس


	صح لسانك اخوي وكلمات روعة ولاعدمناك يالغلا .. تقبل مروري وبالتوفيق للهلال مع الشباب وفي مشواره المتبقي ..

صح بدنكـ
أسعدني مروركـ وكونه أول مرور
لاتحرمنا طلاتكـ
وهذا من ذوقكـ يالغلا

إقتباس


	أخوي قصيده جزله وصح لسانك بس كلمة ضرغامه ماتحس انها مالها داعي بس انا داري انك مجبر عليها على العموم نريد المزيد من امتاعك وبأذن الله راح نشوفك في شاعر المليون وتقبل مروري

كلمآتكـ وسآم على صدري
أحسنت بصيآغة العبآرآت
ولن أنسى جميلكـ
لاتحرمنا إطلالاتكـ المتوآصله

إقتباس


	لا اجيز القصيده نظرا للخل الواضح فيها من كسور وجبر لبعض الابيات مثل ضرغامه ومثل صفر صفر امى البيت الثامن فلا علاقه له بالشعر وشكرا

العفو أحترمـ وجهة نظركـ
وبالعكس
كذا أستفيد أنا أولا وأخيرا
وأتحآشى الآخطآء
وكملة أمى >> الصحيح كتابتها أما << فقط تنبيه بسيط
يعافيكـ ربي
ولاتحرمنا من ملحوظآتكـ

إقتباس


	بداااايه حلوووه’’ والشعر يجنن لانه عن الزعيـــــــــــــــــــم ’’ الى الامام ,, ^_^

الحلى طلاتكمـ
وصدقوني أفخر بها

إقتباس


	صح لسآآآآآنك وابيآآآت حلوه ,, عسآآك عالقوه ,, بالتوفيق للزعيم ,,

صح بدنك
والآحلى مروركـ العبق اللطيف
الخفيف ,, لاتحرمناهـ

وآصلوا تقييمكمـ
كوني مبتدآ

ولاعدمناكمـ

ولاخوف علي دآمي معآكمـ

ديلا876 · #8 26/02/2008, 02:38 AM

صــــــــــــــــــــــــــــــح لســـــــــــــــــانـــــــــــــــك والله لا يحرمنا من ابداعتك

هلالي مزاااج · #9 26/02/2008, 03:50 AM

صــــــــــــــح لســــــــانــــــــــك اخوي

والله يوفقك ويسهلك وتكتب قصيده احسن

من هذي لكنك معذور لانها اول قصديده للزعيم <على ما اظن<

شكرا لك

DR.KHALID · #10 26/02/2008, 02:28 PM

هلا اخوي ...

اولا صح لسانك ..

واذا تبي تنمي موهبتك الشعرية على قولتك ..

اقبل مني هالنقد البسيط ..

اولا ... الافكار رائعة .. لكن صياغة الابيات تحتاج للتنقيح ..

يعني حاول تكون نهاية الابيات مخارجها خفيفة عالقارئ .. عشان يستسيغها ..

مثلا:
لو يمشي الأزرق بالدروب العسيـــرهـ ,,, لآبقى معه وآفي وغارق بحبه وغرامـــــــــه

ثانيا ... فيه بعض الأبيات و بالاصح كم شطر من كم بيت افكارها شوي لك عليها ...

ثالثا ... اذا تبغى تعرف وزن القصيدة كويس او لا .. طبعا اي واحد يسوي قصيدة يقدر يحط اخر حرف من اخر شطر متشابه في كل الابيات او اخر حرفين ويقول هاه انا وزنت القصيدة ...

لكن هذا م يعتبر وزن بمعناه الصحيح ...

الوزن وانا اخوك انه خذ 3 ابيات مثلا من القصيدة وحاول تحط لهم لحن معين .. بحيث تستطيع تغنيهم كلهم وبنفس اللحن واستمر كذا على كل القصيدة ...

طبعا موب كلامي لكن كلام النقاد الكبار والشعار الكبار ...

عالعموم المحاولة الاولى دائما تكون شوي تحتاج ترميم ..

ولو تسأل اكبر الشعار عن محاولاتهم الاولى يرفضون يقولون ...

يعني محمد ابن فطيس طلب منه واحد اول قصيدة سواها ..

قال لو اقول اول قصيدة سويتها طحت من عيونكم

..

صح لسانك

ومعليش عالاطالة

تحياتي

طفشاان · #11 28/02/2008, 05:49 AM

صح لسانك اخوي

بدايه جيده

لكن اتمنى انك تركز على الوزن...

ن ا ر ...009 · #12 28/02/2008, 04:57 PM

صح لسانك
صراحة تقييمي كله
بكلمتين

فالك البيرق

والله قصيدة روووعة
يعيطك الف عافية

والله قصيدو\رز