السلام عليكم

والله يا اخوان انا لي فتره طويله مسجل هنا بالمنتدى بس قليل ما اكتب او ارد!!!

مهوب هذا الموضوع

اللي ابغى اقوله ... انه ماعاد لي نفس اتابع المباريات لا للهلال ولا لغيره حتى المنتخب صرت ما احرص اشوف مبارياته.

الدوري عندنا يارب لك الحمد صار مربع ومثلث وكل الاشكال الهندسيه ممكن تحصلها فيه... بينما كل دول العالم نظام الدوري معروف اللي يجمع اكبر عدد من النقاط هو اللي يفوز.

الدوري السعودي ( اقوى دوري عربي ؟؟؟؟؟؟؟) اليوم فريقك يفووز بثلاثه وبكره ينهزم بمثلها والبركه في مزاج اللاعبين والحكام.

نظام الاحتراف وانواع الضحك فيه كل يوم شكل اللي يصلح لك مايصلح لغيرك والعكس صحيح والبركه في المسئولين ومزاجهم وطريقة حلهم للقضيه.

الاتحاد السعودي المسئول عن كل النشاطات الرياضيه يدار حسب المزاج والاهواء الشخصيه.. فلو كانت لك قضيه مطروحه امامه محددة المعالم ومعروفة الاطراف فلايمكنك الاستناد الى مواد النظام لكي تحصل نتيجه لهذه القضيه بل الامر متروك بيد فلان وعلان .. فريقك يتعب ويدفع آلاف الريالات لإعداد اللاعبين وتحرم منهم في مشاركاتك المهمه داخليا وخارجيا

عندنا عشرين طعش بطوله محليه ليييييه؟؟؟؟ ثنتين وواجد خلوا الناس تلقى وقت تتابع وتتحمس وبرضه خلو اللاعبين يجلسون مع اهلهم ويريحون شوي من هالكوره.. من مباراة لتمرين ومن تمرين لمعسكر داخلي ومن المعسكر الداخلي لمعسكر المنتخب والله بيجيهم الصمرقع على كذا وما ينلامون اذا صاروا كل يوم في حاله.

وكل هذا يهون عند التصريحات اللي تفشل من بعض الاداريين.


طيب انا وش محدني ( محدني يعني غاصبني ) على متابعة هالكوره اللي هذا حالها؟؟
وتلوموني ليه ملللللللليت!!!!

الا انتم وش رايكم؟؟؟؟ ورى ما تملون معي؟؟ ;)

وسلااااااااااااامتكم

انت صادق في كل الي قلته .


































انت من صفوى الصمرقع كلمة من صفوى (انا من صفوى)

ماخلق الفريق اللي ماينهزم ,,,,,,,,,, هلاليه وبس ,,,,,,,,

مساء الخير لكل الأعضاء الرهيبيين.
وبالنسبة ياخوي أرجوك كل شي ممكن تمل منه إلا الهلال صحيح إحنا زعلانين شوي لكن ياما خلا فمنا يوصل السماء علشان كذا لازم إننا نتحمل المسؤولين , ومن اجل الهلال كل شي يهون والله كل شي يهون هذا الزعيم زعيم البطولات زعيم الفرق وأتمنى نشوفه يلعب مع الفرق العالمية لأن هذا مستواه , وإن شاء الله الهلال اليوم يفوز على الإتحادونتصدر, يالله همتكم ياشباب يالله في الملعب نروح ونهتف بأحلى الأسامي الهلال الزعيم

هذا يحصل في اي دوري في العالم ماهو فقط الدوري السعودي

سلامي للجميع،،،،،،،،

أخوي الكابوس .... انا من الرياض اخوي .... جعلك الصمرقع .

الأخت امل الهلاليه ..... من جاب طاري الهزيمه الحين؟؟؟؟

اخوي مصعب التويم .... يبدو لي اخوي انك مافهمت وش اقصد ؟؟؟

الأخ هلالي حتى النهايه ...... ما اعتقد ان اللي يصير عندنا في الدوري يصير في اي دوله في العالم ....اقلها سالفة هالمربع ( مربع برمودا )!!

وعموما مشكورين اخواني,,,,,,,,,

هم الظاهر ما يبون الهلال في هذه الطريقة
لان افضل نادي في المملكة في النفس الطويل اهلال

شكرآ لك أخي "ريفيلينو"

موضوع مطروح سابقآ ولاكنه مهم للغايه ويجب طرحه والنظر فيه اكثر واكثر.

الفرق الكبار -وهي عادة ما تضم في صفوفها اللاعبين الدوليين- تشارك بمعدل خمس الى ست بطولات في الموسم الرياضي الواحد:

بطولة الصداقه
بطولة كأس الأمير فيصل
بطولة كأس خادم الحرمين
بطولة كأس ولي العهد
بطولة خارجيه واحده على الأقل

بالأضافه لمشاركات المنتخب!!...

كل ماكان فيه بطولات اكثر كل ما انشغل الشباب اكثر هذا هدفهم...وبعضهم يشوف ان البطولات الكثيره تقوي مستوى الاعبين وبالتالي يستفيد المنتخب

ولاكن الواقع هو العكس!..فالمشاركات الكثيره لها سلبيات اكثر من ما لها من اجابيات...وعلى سبيل المثال لا الحصر:

1. تشبع الاعبين من الكره
وهذا بحد ذاته له عواقب جسيمه على مستوى الدوري ومن اهمها ضعف عامل الأداء بروح عاليه وهو عادة ما يكون اهم من عامل المهاره واللياقه وغير ذلك من الأمور الفنيه وبالتالي قلت الأثاره والمتعه.

2. كثرة الأصابات نتيجة للأجهاد الزائد فالاعبين بشر وليسوا مكائن!

3. عدم قدره بعض اللاعبين على ممارسة حياتهم الأجتماعيه بشكل طبيعي وتأثير ذلك على حالتهم النفسيه.

4. عزوف الجمهور عن الملاعب وقلت الأهتمام بمتابعة انديتهم لأنهم بالأضافه لقلة المتعه والأثاره هم ايضآ قد تشبعوا من الكره ناهيك عن مشاهدتها.

وغير ذلك من الأمور...

ارا انه يجب الغاء كأس الأمير فيصل وترك الخيار للأنديه بالمشاركه في بطولة الصداقه مثلآ.

ومن الجانب المادي أمر اخر...

وهو أنه لو الغيت بطولة كأس الأمير فيصل فأن ذلك يعني تقليل فترة الموسم الرياضي بمدة شهرين او اكثر وبالتالي تقليل مده التعاقد مع االمحترفن الأجانب والتخفيف من الألتزامات الماديه للأنديه ولو بشيء بسيط.

واللة حتى حنا ملينا مثلك ياالكابوس بس وش نقول فيهم خلنا ساكتين احسن لان لو نتكلم يبغالنا كتب ومجلدات 00000