|
بصــراحــه .. السلام .. انا طبعا عضو مسجل من زمان لكن فقط متصفح .. يعني قد تكون مشاركاتي بالمنتدى قليله .. لكن حبيت اضيف الموضوع هذا لأني لاحظت اشياء صراحه ( تجيب المغص ) .. فيه كم موضوع سابق تابعته وتابعت الردود اللي تدور فيه .. وخاصه مواضيع نقد مستويات اللاعبين .. انا ما اشوف فيه مصداقيه وخاصه من بعض الاعضاء اللي مشاركاتهم وافره ماشاء الله .. تلقا مشاركاته 2000 او 4000 ولاحظت شي سخيف اسمحولي بهالكلمه .. وخلوني اضرب لكم مثال .. اللاعب فهد المفرج .. اللي مسبب أزمه قبل الاصابه وبعد اصابته بحيث انتقل الانتقاد الى المدافع البديل ماجد المرشدي فهد المفرج او ( المسكين ) اللي اصبح لا اريد ان اقول ( علك ) لأن وسيلة هذا المنتدى "كتابي" ولكن الأفضل ان اقول ( عجينة ) بأيدي من هم يحسبون او يضنون انفسهم " فلاسفة كرة القدم " لاحظت من كم عضو اذا اخطأ هذا اللاعب اجد من بعض الاعضاء اللي قررت ان الاحظ اسلوبهم في التحطيم انه يلعن ويشتم ويبصق وانصحهم واقول لهم شوي شوي على الكيبورد حبايبي .. واذا ابدع المفرج صفقوا ورقصوا بالمنتدى وهللوا ولشلشوا :clap::clapping: والحين الله يعين المرشدي على الـدلوخ او مانسميهم بـ ( دلوخ المنتديات ) والله الظاهر لو تسأله وشلون شكل الكوره قال ( مربعه ) تحياتي اذا |
مسوين نفسهم مدربين لا ويطالبون بأقالة كوزمين بعد ياعالم أتركوا المدرب والاعبين يعملون وبعد نهاية الموسم أنتقدوا على كيفكم تعبنا بتعليق الفشل على أبو سلطان والمدرب والاعبين العيب بصراحه في بعض الجمهور الهلالي اللي يحطم اللي ماينحطم وألا المفرج لو ماله ذنب سبوه وشتموه حتى لو أحتياط خلاص تعودوا على كذا ولكن لانظلم جميع الجمهور المتواجد هنا بالمنتدى هناك أعضاء أقسم بالله مكانهم منصب بالنادي وجزاهم الله خير على مواضيعهم الهادفه وليس الهدامه تقبل تحياتي |
ياخوي وش نسوي مع ذولي الاعضاء هذا انت قلتها اذا لعب المفرج شبو عليه والمرشدي مثل والله يعين الباقين |
إقتباس:
ثاني شي الاعضاء مو كلهم عقلاء اغلبهم عاطفي وفيهم الصغير وفيهم الي عنده ضغط وسكر وفيهم العصبي بعدين سامي الجابر في عز توهجه كان يلاقي مثل هالانتقادات ... بس سامي يسكتنا في الملعب كلامك فيه نقاط صحيحة لكن لاتلوم الجماهير الزرقاء لانها دائما متعطشة للبطولات |
أنت ذكرت شيء بسيط مرة يتجهوا لرئيس النادي ومرة ع المدرب النقد لابد منه ولكن بعقلانية ولكن ليس بهمجية يعطيك العافية |
صدقت بخصوص المفرج لكن المرشدي؟؟؟؟ الله يعيننا على المرشدي وتخبطاته |
فيه مثل يقول ما يسبك إلا الذي يحبك وخلنا واقعيين المفرج بصراحة ليس علي مستوي طموح دفاع الزعيم لأنه لا يمكن أن يرد مالك معاذ أو ناصر الشمراني أو كيتا أو ياسر القحطاني لو لعب ضده وهذا ليس عيب المفرج فهذا مستواه ولن يتطور واعتقد اخذ فرصته وزيادة وأيضا عيب الإدارة الهلالية لم تحضر أو تشتري قلوب دفاع علي مستوي صالح النعيمه أو تفاريس وتأخرت في شراء أسامه هوساوي فالأعضاء معذورون بحبهم للزعيم والنقد والصراحة لابد منها للتعبير عن مشاعرهم ومع الأيام يتعودون علي النقد الهادف بدلا من الجارح فأعذرهم ووسع صدرك فهم تعود علي المنصات والذهب والكؤوس .... وما يلامون |
المــــــفرج عرفنا قيمته ... بصراحة افضل من المرشدي والهليل المرشدي مرتبك ويمكن خايف يغلط عشان كذا مستواااه نازل ... ولا يهون الهليل .. الله يخلي تيفااااا ... وبصراحة الباقين دجة في دجة |
جيت على الجرح في بعض نقاطك ..!! مكمن الخلل تدري وش هو ؟؟ فيه اعضاء ما يكلف نفسه يقرأ أصلا !! فأكلف ما عليه يقول ((والله إنك صادق )) !! وبعضهم أصلا ما اقتنع بالفكرة (( بس اذا شاف العالم له كم عضو مميز .. فهو لازم يصير مع الخيل يا شقرا .. ويرد وبكل ثقة ويقول " انتم صادزين !! انتم صادزين !! )) !! والمشكلة إذا جاء موضوع نقد للاعب !! ما تلقاه بلحاله !! لازم (فيه صوت ثاني يرّد ) !! فتلقى أبو الشباب (جاب نقاط من الموضوع الأول ) وأضافها لموضوعه !! وقال هه يالله خوذوا هذا موضوع جديد !! لأنه داري ان فيه ناس (( يهمها الأسلوب .. وأبعد ما تكون عن المضمون )) !! بمجرد ما تلقى العضو .. يهز راسه !! وكل شي ( صح ) !! وكل شي ( اي والله أنا معكم ) !! أدر انه (درج) !! حلو يكون الواحد (له اضافاته ) له تعليقه !! له (رأيه المستقل) يا اخي ليه أربط (تفكيري وأحصر عقليتي ) وأشابهها بيوزر ثاني !! على حساب (منطقي ومبدأي) !! وبالأخير !! أنا أقول كل واحد يحق له يقول اللي يبي !! دامه (ماتجاوز الخطوط الحمراء اللي تتعارض وقوانين المنتدى ) !! وأنس تقدر تخلي الاعضاء (على ما تبي ) !! لكن حلو تعرف من تقرا له !! وتحط فلترة ضد (الاعضاء المنتشرة ) رغم انها ( غلط في غلط ) !! ليس بالضرورة ما يجمع عليه الناس (صح) !! فيا كثر الامور اللي مجمعين عليها (وهي غلط ) !! |
مغـاط .. ولا يهونون البقيّـه صراحه كلامك يعكس الواقع اللي يعيشونه اعضاء هذا المنتدى .. بالفعل .. حتى اني اذكر فيه عضو ( الله يستر علينا وعليه ) فيه موضوع انتقاد للمدافع فهـد المفرج من حيث مستواهـ وقيل عنه انه ( نكبـه) . ( مخرج 17 ) .. الخ .. المهم .. وجدت هذا العضو واضع جم خضبـه على هذا الاعب .. حتى اني قلت الظاهر لو يشوف فهد المفرج قدامـه ذبحـه .. وبعد احدى المباريات اللي خاضها الهلال مع فريق ( لا اذكر متى ) أبدع المفرج .. وتحسن مستواه .. بالصدفـه .. دخلت موضوع للتبريكات بفوز الهلال .. وجدت هذا العضو يثني ويمدح .. وقلت في نفسي .. الظاهر لو يشوف المفرج بوّس رجليه .. يعني لماذا نحن نقيس اللاعب من خطأ او خطأين ..؟؟ وياليت لو كان خطأين بل حتى لو أخطأ نصف خطأ جعلناه ( أسفل سافلين ) ..؟؟!! ياشباب .. اللاعبين بشــر صدقوني ... ان لاعبين الهلال اكيد فيه منهم من يدخل هذا المنتدى وفيه منهم من يقرأ تعليقاتكم الجارحــه .. التي لو ووجهت لعدوا ( تبنّج ) وشعر بإحباط نفسي .. فكيف بلاعب يعاني من ضغوطات الدوري والجماهير والاعلام ..؟؟ نحن نحب الهلال ونحب جميع لاعبي الهلال وهذا المنتدى وضع في خدمة فريق الهلال اولا وجماهير الهلال ثانيـاً رجـاءاً لم آتي الى هنا لكي اصلح الأعضاء .. ولكن اقول .. " خفّـوا على اللعيبه شوي " وصيروا لهم عون .. .. |
لابد ان كل مشجع:yes:..متعصب.. ان يعرف ان مستوا الاعب معرض لى الهبووط..التذبذب.. في يووم يكووون العب يووومه متوفق في جميع الكووورات وانا بصراحه انا ارتاح بووجوود المفرج اكثر من المرشدي :naughty: |
كلامك سليم وياليتك ماتتصفح دايم ودنا ان فية اعضاء مثلك بهذا الفكر الراقي انهم يكتبون دايم ويفكونا من وجع راس بعض الاعضاء اللي من كثر تخبطاتة في نقدة وقوتها تحس انة يكرة الهلال مو يحبة تحياتي لك اخوي azoz for ever |
كلامك .. سليــم .. لاكن ثق ثقــة تاامــة .. أن الأعضاء اللي تكلموا .. وتــتكلم عنهــم .. ماكتــبوا إلا لمصلحــة الزعـيم . ولكــنهــم لايعـرفون متى يكون النقد في محـلة .. |
| الوقت المعتمد في المنتدى بتوقيت جرينتش +3.
الوقت الان » 06:05 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd