العبرة بكمال النهايات لا بنقص البدايات ... (الجواب الكافي لمن سأل عن الدواء الشافي)
بداية مساؤكم ورد وياسمين
وكل عام وانتم بخير
صراحة في وضع الهلال الحالي الواحد ما يقدر يذب كلام ولا يقدر يطلق قفشات واستهبالات لأن الوضع الهلالي محرج نوعا ما
لكن اللي أحرج من الهلال جمهوره واللي في أخر سنتين أصبح يفكر ويوجه انتقاداته واقتراحاته بطريقة يكتشف في ما بعد أنها خاطئة لكن هناك أصرار رهييييييييب على صحة الرأي وتمسك أليييييييييييييييم بالقناعة
ولو أتينا على سبيل المثال بحادثة كوزمين الآن وتعاطي الجمهور الهلالي معها لو توقف كل منا دقائق معدودة وأخذ يشرح الموضوع بروية ويسهم بعض العارفين بالشأن الهلالي في حادثة كوزمين ووضعها على طاولة للحوار سيكتشف حقائق غائبة عن باله كثيرا
لاحظوا جميعا كيف أننا نئد البطولة قبل أوانها ونذبحها قبل ولادتها
لاحظوا أغلب المواضيع في المنتدى ماذا تقول؟؟؟؟؟؟
كوزمين والسير للهاوية ...
كوزمين يغرق الهلال فمن المنقذ ....
كوزمين يعتمد على اجتهادات ياسر وطارق ....
بهذة التشكيلة سيحصد الهلال كل بطولات الموسم .......
وعلى ذلك فاعمل قياسك
بصراحة وبالعربي الفصيح وليفهمها غير الحصيف
والله يا عندنا ناس ما تقدر كل همها وش سوى ياسر وش سوى طارق ومتى يرجع الصويلح
ولا كأن بالهلال غير ذا اللاعبين
يتناسون كل الأعمال الجبارة اللي يسويها اللاعبين خلال الموسم يبدع الهلال في مباراة مثلا ويحرز الهدف ياسر بصناعة من التايب تلقى المنتدى شاب ومولع تصاميم ومقاطع وفوتشوب جاي وفوتشوب رايح
وأي زلة من الدعيع من الزوري من الخثران من ....من ... تلقى المنتدى شغال شذب وحش وتقطيع
والله يا جمهور الهلال أنه يمر بحالة أول مرة أشوفها بحياتي عاطفي لدرجة رهيبة
أنا أبعلمكم حاجة فريق الجار (النصر) على مر العشر سنوات اللي راحت تغير فيه كل شي أنسلخ جلده كذا مرة بس بدون فايدة تغير اللاعبين كلهم وتغير الطاقم الفني وتبدلت الاداراة وأحيان يطلع لك أعضاء شرف مدري من وين جدد بس الوضع على ما هو عليه تدرون ليه؟
لأن التفكير العقيم لجماهيرهم ما تغير وهذه أم المصائب
والهلال -الله لا يقوله- بادي يسير على هذا النهج يا جماعة أعقلوا وفكروا بالهلال
أعذروني على الاطالة وأسف من الأعماق على المصطلحات المستخدمة لكن الله يعلم أن الكلام نابع من القلب عله يسقي قلوبكم
تحياتي