بعض الجماهير اتمنى عدم حظورهم في الملعب ,,, والسبب في الداخل السلام عليكم ورحمة الله وبركاته طبعاً انا هنا لا احب ان اكتب مواضيع من نسج الخيال لان هذا الصرح الكبير يحوي كتاب اعلى من كل المستويات وافضل من كل المنتديات .. لذلك انا هنا اكتب شي حصل امام عيني من بعض جماهير الزعيم التافهه واتمنى منكم انو محد يقول انت مندس ولا شي لانو الواحد هنا كل ماتكلم بالحقيقه قالوا هذا مندس وهذا و و و و .. على اية حال راح اقول لكم الموضوع في مباراة الهلال والاتفاق في البطولة الخليجية ( اياب ) انا كنت حاظر المباراة وطبعاً كنت حاظرها من العصر يعني من بعد مافتحوا باب الملعب حضر جمهور الزعيم وحضر جمهور الاتفاق وحضرت رابطة الاتفاق وبدأت بإطلاق الأهازيج لـ فريقها وهذا حق مشروع لها .. الشاهد ان رئيس رابطة مشجعي الفريق الاتفاقي قبل ان يبدأ بالأهازيج قال ( اللهم صلي على محمد وآل محمد وصحبة اجمعين ) قام بعض من جماهير الزعيم التافه يرددون عبارة ( شيعه شيعه شيعه ) وفي كم واحد قال مانعرف مانعرف !!!!!!!!! استغفر الله ربي العظيم كيف ماتعرف تصلي على النبي وبعدين انا ما اشوف اي داعي انو نطلق مثل هذه العباراة ( شيعه ) او ( مانعرف ) لانو محد راح يستفيد من كلامنا هذا اي شي والاثم الكبير راح يكون علينا حنا وبعدين لاعبين الاتفاق على ما اعتقد انهم مش شيعه او مش كلهم شيعه اللي ابي اوصل له إذا كنا نبي الله يوفق الزعيم في مبارياته اتمنى ان نحترم الجميع يعني مو حرام الرجال يقول مانعرف نصلي على النبي .. كيف وانت مسلم ؟؟؟؟؟؟؟؟ ياريت محد يزعل من كلامي وهذا كلام والله صار قدام عيني وشوفوا ذاك اليوم الهلال ودع البطوله وماحالفه الحظ ان يكسب لقاء الاتفاق اتمنى ان نحترم الجميع سواء لاعبين او جمهور وكل رابطه ولها طريقتها في التشجيع ومافي افضل من الصلاة على النبي قبل كل شي والمفروض على رئيس رابطة مشجعي الهلال الاستاذ إبراهيم حقوي يمنع هالشي ولكن ابو خليل ما الومه لانو اتوقع انو ذاك اليوم صار هذا الشي قبل مايجي بو خليل |
لا اله الا الله ... هذا محسووب ع الجمهور الهلال وبصراحه ضيقت خلقي بمووضوعك بديت ااخااف من بعض الكلامات |
إقتباس:
واتمنى من كل الجماهير الهلاليه تكون واعيه مثلك اخوي كل هذا اعتقد انو راح يكون نحس على الهلال لو استمر الحال كما هو عليه .. فـ كلنا ندعي انشاء الله الزعيم يفوز وإنشاء الله الزعيم يفوز ولكن كيف يفوز وحنا صلاة على النبي مانعرف ؟! |
كلام سليم وفي مكاااااااانه يعطيك العافيه شكراااااااا |
اعوذ بالله الله لا يبلانا يا خوي لا انت مندس ولا غيرهـ..الكلام الصحيح ما ينزعل منه المهم ان اصابعك مو سوا والاشكال ذي محسوبه على جمهوووور الزعيـــم للاسف وان صلوا على الحبيب صلى الله عليه وسلم المفروض يردون عليه ...لان الرسول قال في ما معنى الحديث من البخيل من ذكرت عندهـ..ولم يصلي عليه.... المفروووض من العقلاء اللي جنبهم يزجرونهم لانهم في سكوتهم يعني الراضي كالفاعل اتقوا يا جمهورنا العزيز ونتركـ..اخلاق الغرب تدخل فينا الله يهدي الجميع واشكركـ..اخوي والمفروض انت تقولهم عيب ذا الكلام ولو صاروا شيعه ننصحهم مو ننفرهم من دين اهل السنه والجماعه |
إقتباس:
وخاصة هذه الفئة من الناس اللي تجاهلة الصلاة على النبي اشكركم جمبعاً على تفهمكم الموضوع واتمنى انو مايحذف |
قال ( اللهم صلي على محمد وآل محمد وصحبة اجمعين ) قام بعض من جماهير الزعيم التافه يرددون عبارة ( شيعه شيعه شيعه ) وفي كم واحد قال مانعرف مانعرف !!!!!!!!! استغفر الله ربي العظيم كيف ماتعرف تصلي على النبي وبعدين انا ما اشوف اي داعي انو نطلق مثل هذه العباراة ( شيعه ) او ( مانعرف ) لا اله الا الله محمد رسول الله عليه افضل الصلاه وازكى التسليم وتبون بطوله؟؟؟؟ والمصيبه نلوم الدنمارك ونلومهم والعيب فينا (( انا مع المقاطعه ومحاسبه من يعتدي على رسول الله لو كان امي او ابي)) فداك امي وابي الحمدلله ان الله جاب عقابنا عاجل ورحمنا احسن مايكون عقاب اجل وطويل الامد والحق على حقوى والشباب المفروض سطروهم شله المهابيل شكرا لك والله ماكنت اعرف ارفع لك القبعه احتراما اخي العزيز |
استغفر الله العظيم بس ! هذا اللي قالها والمجموعة اللي معه سفهاء ولايعتبرون ضمن رجال وجماهير الزعيم .. ! بل هم من يجوبون الشوارع ليلا ونهارا وياتون الى المدرجات ولا يعرفون اي مباراة التي يحضرونها الآن .. ! |
مشاركة للتصحيح فقط حضور - حاضرين - حضورهم -حاضر تحية |
اعوووذ بالله معقوله فيه جماهير بهالعقليه التافهه اللهم لا شماته بي صدق من قال ان العلم نور مانقول الى الله يهديهم بس كلش ولا الرسووول لا تنسينا الكوره ديننا واخلاقنا النبيله الاسلاميه |
اتمنى من الجميع التنبه بهذا الشي والصلاة على النبي مافي اسهل منه تقول الصلاة وتكسب الأجر وبعدين ياريت حنا نسويها بعد قبل بداية الاهازيج الف شكر لكم على تفهمكم الموضوع بعقلانية والله يهدي الجميع إنشاء الله |
اي جمهووووور لازم يكون فيه قله فااشلة اهم شي نبي حظووووور العاقلين http://www.alhnuf.com/up/m1/d7fd91416d.jpg |
إقتباس:
إنشاء الله انا اول الحاضرين بإذن الله ويارب مانطلع من الملعب إلا وحنا مستانسين |
إقتباس:
ثانيا باذن الله نطلع فاااايزين |
استغفر الله العظيم هذآآ يحسب علينآآ كجمهور الزعيم ,, بالتوفيق للزعيم ,, |
الوقت المعتمد في المنتدى بتوقيت جرينتش +3.
الوقت الان » 05:07 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd