برنامج (ردة فعل) .. ممثلة بقناة الـ ART تعلن مقاطعتها للهلال - نادي الهلال السعودي - شبكة الزعيم

ابو طـــــلال · #1 23/02/2008, 05:23 PM

السلام عليكم ورحمة الله وبركاته

جمهور الزعيم ... وسع سدرك ... وسع سدرك

>> على قولة داووود حسين ..

تعادل قوم الدنيا ولاقعدها ...

كبير الزعيم ... جمهورة مايبي إلا الفوز ... حتى التعادل مايرضيه !

طبعا اقدر زعلكم بحكم ان التعادل مثل الهزيمه خصوصا في هالوقت من الدوري ..

إن شاء الله نعوضها والأمل مازال موجود ...

تصدقون لاحظت شي وهذا هو سبب موضوعي ..

برنامج ( ردة فعل ) ماياكل عيش مع جمهور الهلال ...

ماقد طلعوا من الملعب مهزومين .. دايم ردة فعلهم ايجابيه ومبسوطين على الاخر ..

قليله جدا جدا .. ماتجد احد من جمهور الهلال يصرح ويصارخ ويبكي .. على فريقه في هالبرنامج ..

اما فرق اخرى .. فهم مادة دسمه جدا للبرنامج وفكرته ... سعيد هلال مبسوط عليهم ..

يقولون مثبتين الكاميرات في مدرجات باقي الأندية .. وخصوصا الأصفران .. على قولة الشاعر ( الهزاني ) اصفر مع اصفر ليت (سعيد ) يشوفه !!

سعيد وعمر باحكيم .. مقدمان البرنامج ( ردة فعل )

يبي تصريح مايلقى .. الهلال مايعطيه فرصه لأكتمال نجاح هذه البرنامج .. دايم يفوز ..

سعيد هلال ... مدري كم سطره جته وحذفها المونتاج

يسأل اسئله يسمع فيها بالجراءه ..

يخش على واحد مرقوع ( ثلاثه ) او ( اربعه ) يحط المكفرون بخشمه ويقول فاوزووا عليكم خل عنك هع هع هع

!!

يقوله وخر يابن الهلال .. قول وش فيك معصب عادي انهزمتهم .. شوي وطيلع له لسانه يقهره

سعيد هلال .. اذا الكف مابعد وصلك للحين .. نصيحتي هدي اللعب شوي .. لأنه بالطريق من احد جمهور الفريق المهزوم اللى انت تتبيجح معه !!

انا لو جايني بهالطريقه والهلال متعادل مع القادسيه .. مااقول اسطرك .. بس ( مدري .. مدري )

شاكر للجميع .. قدامنا بطولات لابد من الوقوف مع الزعيم ... وتصفية الحسابات بعدين ...

اخوكم الصغير ابو طلال ...؟؟

سؤال ؟؟ متى بيقفل موضوعي !؟

>>>> متعود

R.o.N.a.L.D.o.9 · #2 23/02/2008, 05:26 PM

وسعت صدري الله يوسع صدرك

مابغيت تطلع من " منتدى المجلس العام " !

الله يعطيك العافية يا ابو طلال

نزيه المشاعر · #3 23/02/2008, 05:33 PM

الله يعطيك العافيه يابو طلال

بس شي يقهر القادسيه الفريق الهابط يحرج الزعيم

والله شي يقهر من جد

تقبل مروري

amw470 · #4 23/02/2008, 05:34 PM

هههههههههههههههههههههههههههههههههههههههههههههههه
وسعة صدري الله يوسع صدرك بالإيمان وطاعة الرحمان..

أجبرتني أسجل دخول وأرد عليك ..

موضوع بقمة الروعه وهذا اللي نبيه بهالوقت إننا نوقف حالة السب شوي (كل شوي واحد طالع لنا يسب فلان والثاني يسب علان)
اللي علينا هو إننا ننبسط ونستانس ونخلي أملنا بالله ثم بالاعبين قوووي .. وحنا نسوي الي علينا كجماهير إننا نحضر ونشجع والباقي على اللاعبين والجهاز الفني والإداري..

والله يكتب اللي فيه الخير
ألف شكر لك خيوو أبو طلال

algohmani · #5 23/02/2008, 05:35 PM

عوافي اخوي أبو طلال

لماذا نحن جمهور الهلال :

لأننا نمتاز بقوة الشخصية والإتزان الإنفعالي والتوازن العقلي

هذه الثلاث مقومات قد لاتجدها كاملة في اي جمهور آخر ولهذا نحن زعماء

ايضا لاحظ كيف يتحدث الهلال عند الخسارة ولاحظ كيف يتحدث غير الهلالي

لم أشاهد ردة فعل حتى اللحظه بقراءة موضوعك احسست اني شاهدت البرنامج

اخوك : ابو عبدالله

عاشق يــاســر · #6 23/02/2008, 05:37 PM

إقتباس

الرسالة الأصلية كتبت بواسطة ابو طـــــلال


	سؤال ؟؟ متى بيقفل موضوعي !؟ >>>> متعود

هههههههههههههههههههههههههههههههههههههههههههههههههههه

ومشكور على الموضوع الرائع

الفارس الولهان · #7 23/02/2008, 05:46 PM

وسعت صدري الله يوسع صدرك

مابغيت تطلع من " منتدى المجلس العام " !

الله يعطيك العافية يا ابو طلال

ڪـيــف الـζــآل ؟ · #8 23/02/2008, 05:46 PM

وعليكم السلآم ورحمة الله وبركــآـته .... !

::

( القضـية ) .. " قضـية " .. ( ربــح ) .. " No More " ........... !
ومـتى .. " أصبـح " .. ( العـمل ) .. مـع .. ( جمآهير الزعيم ) ............. !
(إيجآبيآ ) .. يـكون .. ( الأمـر ) .. " مـدعـى " .. لـــ ( المقآطعـة ) ....... !
" البرآمـج " .. ( تسعـى ) .. لـ الربـح .. و ( الربـح ) .. مـع .. ( جمهور الزعيم ) .... !
" غيـر مـجدي " ...... !

::

يعطيك العافية

fuad29009 · #9 23/02/2008, 05:48 PM

شكرا لك على موضوعك وتغطيتك الرائعه لهذا المنتدى الرائع وتقبل مني فائق التحيه والاحترام ودمتم بود ومحبه .

saja · #10 23/02/2008, 05:51 PM

هههههههههههههههههههههه

يعطيك العافية

الله يوفق الزعيم

alsalman · #11 23/02/2008, 05:54 PM

تدري لو يجيني وش بسوي بعطيه بقس يخفس وجه هع هع هع هع

كاريرا · #12 23/02/2008, 06:02 PM

ههههههههههههههههههههههههههههههه

يعجبني فيك مواضيعك تدخل فيها شوي من الكوميديا اللي يخليها مميزه

تقبل مروري

هلالي إلى اللحد · #13 23/02/2008, 06:04 PM

اما متى بيتقل موضوعي
حلوهههههههههه
اما بخصوص موضوعك يجب احترام النفس قبل كل شي!!!

بـريداوي هلالـي · #14 23/02/2008, 06:10 PM

إقتباس

الرسالة الأصلية كتبت بواسطة algohmani


	عوافي اخوي أبو طلال لماذا نحن جمهور الهلال : لأننا نمتاز بقوة الشخصية والإتزان الإنفعالي والتوازن العقلي هذه الثلاث مقومات قد لاتجدها كاملة في اي جمهور آخر ولهذا نحن زعماء ايضا لاحظ كيف يتحدث الهلال عند الخسارة ولاحظ كيف يتحدث غير الهلالي لم أشاهد ردة فعل حتى اللحظه بقراءة موضوعك احسست اني شاهدت البرنامج اخوك : ابو عبدالله

^_^
........................................
صـــدقـــــــت يــــــا الـــــغـــالــي

........................................

الهاديو · #15 23/02/2008, 06:17 PM

هلا وغلا بالغلا والحلا كله ،،

أبوطلال مبسوط ولاهمه الله يديم السعادة ،،

بخصوص البرنامج المسمى ردة فعل فهو مخصص لنادي ضربني وبكى سبقني واشتكى

أما رقم الهلال الصعب ففريقه عوده على الوقوف كالجبال الشامخة في وجه من يحاول أن يصطادهم
بالماء العكر ،،

أما المدعو سعيد الهلال فكم يضحكني عندما يستفز جمهور زيت الشمس

باقي عشر دقايق والمباراة ما انتهت وين رايح << والنتيجة خماسية
وغير استفزازته الكثيرة ،،

لذلكـ لاتستبعد ان المنتج اجهد من القص والتعديل ،،

دمت سعيداً ويحفظ ربي طلال ،،

تركي العتيبي!!