طبعاً صار اللي صار وضاعت نقاط القادسية الثمينة وقدر الله وماشاء فعل
ماراح أعيد كلامي عن بعض اللاعبين واللي أوقفت بسببه عن الكتابة لأني كنت صريح
مثل مسفر القحطاني وغيره من أنصاف للاعبين اللي من العار أن يلبسوا شعار الهلال
لكن مثل ماقلت لكم في الخفاء مافيه ومازلنا ندور في حلقة البلوي النتنة واللي تجبرنا نطارد كل
أتحادي حتى لو كان يلعب كيرم!!!!
على العموم أنتهى كل شي بالنسبة للأمس وضيعها مدربنا العزيز واللي شكله مايعرف أن القادسية
من يوم يومها وهي لها مواقف كثيره مع الهلال بل أن لاعبي القادسية يدخلون المبارة كنها على نهائي
وهذا من حقهم إيقاف الهلال شرف ويعد بطولة..
ولو كانت الدعوى لومني وألومك للمنا كل الطاقم الفني والإداري وكل البشكة.
عموماً اللي ماياكل بيده مايشبع قالوها قبلنا ونقولها ذلحين وفعلاً نظرية صحيحة مية بالمية
وإذا نبي الدوري لابد نفوز في كل المباريات ولاننتظر الإحسان من أحد لأن الفرق كلها تتمنى هزيمة
وخسارة الهلال
يعني يانفوز والا نرتاح لأنه ماراح أحد يتعب عشان الهلال يكسب الدوري
وبيننا وبين الاتحاد الملعب ندرسهم وماهي غريبة نفوز ونكسر روسهم ونعلمهم الفن الهلالي
والهلال دائماً نادي مواقف حطه بالموقف الصعب وخذ ولد
عشان كذا لازم اللاعبين يشدون الهمة ليتحقق الفوز ولتتحقق البطولات.
تحياتي لكم
(ألف شكر لإدارة موقعنا تفهمها وجهة نظري وهذا يدل على رقيها برغم ماحصل)
الوضع العادي
