|
ريال مدريد و اسلوبه في الليغا ,, خوف ام حق مشروع ؟ [ نقاش ] ريال مدريد الفريق العظيم في اسبانيا وا الفريق الاكثر القاب في الليغا و دوري ابطال اوربا ..بدأ في أخر السنوات في اتخاذ اسلوب جديد في بيع لاعبي فريقه لأنديه الليغا ..وهوو انه يتم بيع الاعب لنادي معين وان يلعب جميع مبارياته الا ضد ريال مدريد ! وبدأت هذه العاده بعد تألق بعض لاعبيه السابقين عندما يلعبون ضد الريال !فبعد ما فعله سامويل ايتو تحديداً في البرنابيو مع ميوركا اولاً ومع برشلونه ثانياً أصبحت هذه الطريقه هي الحل الأمثل ! فلاعبي الملكي المعارين للأنديه الاسبانيه كـ خيتافي الذي سيقابله غداً في البرنابيو كـ " ديلا ريد " والهداف " ستيفان غرانيرو لن يتمكنوا من اللعب لوجود هذا الشرط الذي اذا اخله النادي الصغير سوف يدفع للريال تعويض او ما يسمى ( مبلغ جزائي ) ومن الاسماء التي اتخذت اداراه الريال هذا الاسلوب معهم هم "نيغريدو" لاعب المريا ومنعه من اللعب ايضاًومنهم مورينتيس ومونيتيس . . واخيراً ما علي الا ابداء وجهه نظري اعتقد ان لو كل نادي كبير في اسبانياً كـ الريال و برشلونه وفلنسيا و اشبيليا و الاتلتيكو يبيع او يعير لاعبيه الى الانديه الاسبانيه الصغيره بهذه الطريقه لانعدمت روح المنافسه في الليغا خصوصاً ان اغلب لاعبي الانديه الصغيره هم من بقايا كُبرى الفرق هناك ! وتبقى وجهه نظر واتمنى ان كل واحد يقول وجهه نظره دون تعصب و بطريقه عقلانيه و واقعيه نايـف |
والله أعتقد ان من حق الملكي يفعل الطريقة اللي تعجبه و تنفعه في المواسم القادمة |
حياك نايف .. طبعا اولا وقبل كل شيء هذا من حق الريال انهم يطلعون شرط زي هذا .. بعض الانديه تشترط على الانديه الي تشتري لاعبينها بعض الشروط الي منها الغريب والعجيب .. كـ مثال بيكهام يوم جاء للريال .. المان طلبوا من الريال فلوس الى قالوا آمين .. اذا جابوا الدوري نصيب مانشستر مادري كم واذا جابوا الأبطال نصيب المان مادري كم ووو الخ .. هنري حاليا مع برشلونة أتذكر فيه شرط انه اذا اخذنا الابطال نعطي أرسنال مبلغ .. اعتقد كذا .. وغيره وغيره طبعا .. الي بقوله هو من حق الريال وضع شروط من هالنوع .. لكن أشوف انه انعدام للمنافسه الحقيقيه إذا كلن قال مابي الاعبين الي يطلعون مني يلعبون قدامي .. سافيولا مهب لاعب قدامنا طيب مثلا اذا أصيب نستلروي وروبينهو .. هذا شيء .. شي ثاني أنا ما أشوف فائده للريال في حال سوو شغلات زي هذي .. يعني هم أصلا ماباعوا هالاعب الا لأنه فيه الي أفضل منه أو ان مستواه ضعيف .. أو إذا كان مستواه كويس لكن فيه الي أفضل منه .. لكن إذا كانت صفقات زي رييس أتلتكو مدريد فـ اكيد بيتضرر الأتلتكو من هالقرار لان ريس لاعب جدا مميز وطبيعي بيسوي شيء قدام الريال .. لكني اختلف معك في كون الفرق الصغيره نتاج او بقايا الفرق الكبيره في الليقا .. بيتيس وبلباو وفيلاريال سرقسطه او حتى ليفانتي وبلد الوليد وخيتافي والشله ذولا .. ما اتفق معك في كونهم بقايا للفرق الكبيره الي ذكرتهم .. كل نادي وله مساهماته وله استقداماته سواء من داخل اسبانيا او خارجها .. نقطه أخيره سيلاديس لاعب قدام الريال على ما اعتقد مع سرقسطه في الدوري هالموسم في مباراتهم الي راحت .. ناسي بصراحة لكن أذكر انه لعب بهالمباراة .. |
NayeF.FC والله خبر غريب .. معقول في فريق يقبل بمثل هذه الشروط ..!! وحتى إذا قبل النادي واللاعب إيضاً .. هل النظام يسمح بهذا الشرط ..؟؟ لكن إذا النظام يسمح ليش لا .. من ابسط حقوقه يتشرط . ولا تنسى موضوع البرنس تاغو البارح ..!! تقبل مروري . |
وانا اخوك اللي اوله شرط اخره نور من حق الريال انه يضع الشروط اللي يبيها في العقد فاذا كان الفريق الاخر قبل بها فانها تصبح ملزمه له وانا اشوف انها طريقه ذكيه من الريال للاستفاده سواء من الدخل المادي او من حيث محاوله تعثر المنافسين للريال ولو انها طريقه حقيره مثل ماذكرت في عنوان الموضوع كان الريال خلا لاعبينه في الفرق الاخرى يلعبون ضد الريال ولكن بطريقه اخرى يطلب منهم الريال ان ينكبون فريقهم لمصلحه الريال شكرا |
88 اكيد الي اوله شرط اخره نور ! لكن هل تستغل الفرق الكبيره حاجه الانديه الصغيره لهذا النوع من الاعببين وضعف امكانيتها الماديه بهذه الطريقه ؟!! ولو كل نادي كبير فعل هذه الطريقه خصوصاً في بيع و اعاره الاعبين من هم تحت الفريق الاول في النادي !! فكم لاعب برشلوني و مدريدي و ومن فالنسيا يلعب في الليغا كثير صدقني :) |
باك .. ترى مقصد ريال مدريد ماهو خوف او شي من هالقبيل , لكن من القهر ان الريال مثلا ينافس على الدوري وبآخر جوله يسجل لاعبنا المعار علينا ويضيع الدوري :bigeek: وحتى الاعب اذا لعب قدام فريقه وهو معار تحس تروخ النخوه :d وممكن يتعلق بفريقه واذا رجع للريال تلقاه يفكر بالفريق الاول ويحس ان مستقبله معهم ..! وبذلك يخسر الفريق تعبه على صقل الاعب واعارته للتعود على الاجواء والخساير :d ,, المهم ترى ريال مدريد احسن فريق بالعالم :d وبرشلونه وع :d ,, شكرآ لك ورده:wink2: |
هو احد امرين ,, 1/ ان الريال خايف ان الاعب يتفلت قدامهم ,, 2/ عشان الاعب اذا رجع تكون نفسيته زينه مو مدخل هدف على فريقه ويمكن يقولون هذا الهدف هو السبب خسارة مباراة او الدوري كله |
عَ فكرهـ هآلشرط آللي تقوله .. غآلبآ يكون آذآ كآن آلعقد آعآرهـ .. مو بيع .. ديلآريد بيع مع آمكآنية آلآسترجآع خلآل موسمين [ آعآرهـ بطريقة ثآنية ] .. غير هـذآ كله .. سيلآديس بآعه آلريآل مآ آعآرهـ ويقدر يلعب ضدنآ لآنه ملك سرقسطة .. ديوقو لآعب سرقسطة بآعه آلريآل مآ آعآرهـ عشآن كـذآ يلعب .. نيجريدو لعب مبآرآهـ آلدوري آلآيآب ضد آلريآل ترآ وسجل هدف وهو معآر من آلريآل .. جرآنييرو معآر مآبآعه آلريآل .. وعَ فكرهـ لو كلهم معآرين يقدرون يلعبون ضد آلريآل بس مقآبل مبلغ مآلي .. وين آلحقآرهـ فيه .. آنآ آبي مبلغ مآلي تبي تدفعه آدفعه مآتبي لآتلـّعب هآللآعب ضدي .. شي آرآهـ آنآ من مصلحة آلريآل وأي فريق كآن .. سليمآن ورده .. في حآلة بيع لآعب [ مآ ] مآيكون لـِ آلشرط هـذآ وجود غآلبآ .. دآيمآ يكون هآلشرط بآلبيع مع آمكآنية آلآستعآدهـ .. آو آلآعآرهـ .. ومثل مآغيرك يستفيد بأي طريقة مشروعة كآنت آو غير مشروعة.. لك آلحق تستفيد آنت .. سآفيولآ مآيقدر برشلونه يحط هآلشرط ترآ .. تدري ليه !؟ لآنه آنتهى عقدهـ وصآر لآعب حر .. .. مآ آدري ليه تـُنعت هآلطريقة بـِ آلحقيرهـ لمآ يكـون هآلشي متعلق بآلريآل مع آنه حق مشروع .. وتصير خطأ بشري لو كآنت آستفآدهـ فريق [ مآ ] شرعية وآلحجة خطأ بشري مثل آخطآء تحكيمية.. مآيسمى هآلشي قتل للمنآفسة بعد .؟ ومآنقدر نسميه فوز من آستفآدهـ حقيرهـ !؟ مع آني مؤمن آن فوز برشلونه قدآم سرقسطة كـَ آقرب مثآل .. كآنت بآخطآء تحكيمية غير مقصودهـ .. لـِ آي شخص حرية آطلآق آي مسمى لآي حدث يشوفه آو شي يستغربه .. لكن آلآهم من هآلشي كله ثبآت آلمعآيير وآلآحكآم بغض آلنظر عن آلميول وآلآهوآء .. .. عَ فكرهـ تتوقعون لو لعب ديلآريد آو جرآنييرو [ بتتغير آلنتيجة ] !؟ قتل لـِ آلمنآفسة مآيلعبون ضد فريق مآقبلهم يلعبون آحتيآطيين عندهـ !؟ كل آلمسألة ترآ آن آلريآل يقلل من آلسكوآد حق آلفريق آللي آستعآر لآعبك .. ولو حصل يلعب وتدفع فلوس هنآ آلريآل يصير آستفآد بشكل آكبر .. .. جوآب سؤآلي آتمنى آشوفه منكم وآعتبروآ جوآبي آستطرآد لكلآمي آللي بديته .. تقبلوآ مروري ورده :smilie47: .. |
اعتقد انه من حقه يحط الشروط الي يبي لكن من جد فيها قتل للمنافسة في الدوري فلما اعير مثلا خمس لاعبين ولايلعبون قدامي والفرق الي معيرلها ضعيفة هذي تقريبا 15 نقطة بالمخباة ماصار دوري .....! لكن اوفوا بالعقود .. ومن حقهم |
عبد الرحمن ورده بالنسبه لـ سافيولا عندي خبر ان عقده منتهي مع البارسا ولا ماكان سمحوا له البارسا ينتقل :d .. لكن كلامي كان مجرد مثال لا أقل ولا اكثر .. أما بالنسبه لـ الإعاره وماشابه فـ حتى لو كان إعاره .. صحيح انه من حق النادي هالشيء وماحد يقول شي .. لكن المقصود انه شرط أشوفه غريب بعض الشيء وماله داعي يعني .. النادي ما أخذ هـ الاعب الا علشان يستفيد منه وخصوصا قدام برشلونة مثلا او الريال النادي الأسبق للاعب .. أما بالنسبه لـ مثالك لـ التحكيم فـ صحيح انه مجرد مثال عابر .. لكن كل مثال وله وقته دحيم :d وش جاب لجاب :razz: .. لكن اعتقد ان مثال التحكيم في الي يسويه الريال أبعد مايكون عنه .. لو الفريق الـ (ما) سوى زي ماسوى الريال .. راح يسوون جماهير الفرق الثانيه مواضيع زي ماسوى نايف ولا انا غلطان :) .. صحيح ان صاحب الموضوع اخطأ بعض الشيء بالوصف لأنه يبقى حق من حقوق الريال .. لكن الكلام على المبدأ .. |
السلام عليكم .. شكرا اخوي نايف ع النقاش الجميل .. ونتمنى انه يستمر .. ولايكون موضوع عليه قفل :d بالنسبه لـ اسلوب مدريد .. فهو اسلوب خوف مع احترامي الشديد .. كيف تعير لاعب وتقول لايلعب معي .. :d .. أبي افهم هذا وش يسمى .. !! موب خوف ,, فـ أغلب الاندية .. تعير لاعبيها دون هذا الشرط .. الذي اعتقد انه موجود في الريال فقط .. !! إقتباس:
اسمح لي بعلق على نقطة .. عشان استفيد فقط .. :yes: مع احترامي لـ مدريد .. فهو نادي كبير .. وهذا الشرط اعتقد انه نوع من الخوف .. وانت تقول يجي لاعب يلعب ويضيع جهد .. مدريد اكيد واثق من امكانيات لاعبيه .. فهل لاعب واحد .. يبي يضيع مجهود 10 لاعبين ( مع استبعاد الحارس ) ..!! أعجبتني الجملة الاخيرة :d ,, ورده :smilie47: |
خخخخ انتم باقين للحين :D هالشرط موجود بكل مكان حتى بالسعوديه موجود واول من طبقة نادي النصر بالسعوديه مع لاعبينه الاجانب يشرط عليهم عدم اللعب في السعوديه الا في النصر او بموافقته والاتحاد يعملها حتى الان وتحديدا مع تشيكو اشوف انه شرط منطقي مافيه شئ ومن حق النادي يحط من الشروط اللي يبيه ولو اني اشوفها كبيره من الريال وكبيره جدا , فالريال ماتعود يهاب احد , كيف بلاعب مايبيه :) |
يا اخوي الشرط انهم ما يلعبون قدامه بالبرنابيو عشان الجمهور ما يسويلهم صافرات استهجان وكذا |
السبب باختصار انهم منتقلين إعارة وأظن ان عدم السماح لهم باللعب فقط على البرنابيو اكبر مثال اللاعب نيجريدو لاعب الميريا .. أظن غاب عن لقاء الذهاب في البرنابيو وشارك في لقاء الإياب على أرض فريقه <- - - - مو متأكد ياليت أحد يأكد هالمعلومة وطبعاً اشوفها منطقية انك تمنع لاعبك المعار من اللعب على ارضية فريقك يمكن مع الحماس تصدر منه حركة مو كويسة للجمهور او يسجل فيك هدف حاسم او او او لو كان هاللاعب مبدع مثلاً .. كيف راح ترجعه لو صار منه موقف معيّن .. ! وماعرف صراحة وين الموضوع أصلاً لانه باختصار اللاعب مدريدي والشروط موضوعة واللي يبي يغيرها يدفع مبلغ زيادة !! يعني كل شيء بيد النادي اللي يستعير لاعبينا .. ! عندك فلوس حياك الله .. ماعندك اسمع الكلام زي الشطار ويادار مادخلك شر :) ,,,,,,, بس سؤال بسيط لـ صاحب الموضوع : لو عضو مدريدي نزل موضوع وكتب فيه إدارة برشلونة رفضت إعارة مهاجم فائض عن حاجتها وكتب فيه أسلوب حقير من الادارة والقصد منه عدم إعطاء فرصة للمنافسين لـ تقوية صفوفهم هل راح تتقبل الموضوع !؟ :smilie47: |
| الوقت المعتمد في المنتدى بتوقيت جرينتش +3.
الوقت الان » 05:05 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd