#1  
قديم 23/02/2008, 06:36 PM
الصورة الرمزية الخاصة بـ رساوي برساوي
زعيــم مميــز
تاريخ التسجيل: 03/07/2006
المكان: الرس
مشاركات: 2,103
افرحوا زي ماتبغون .. الدوري طار .. وينهم يا كوزمين ؟ كل مايخص الهلال

بسم الله الرحمن الرحيم

أولا هارد لك على التعادل المخيب للآمال
والذي باركه كل من المدرب والإدارة واللاعبين والجماهير

الجماهير
لما كتبوا بعض الشباب مواضيع قبل يومين وأنا منهم
يقولون لاتبالغون بالفرحه حتى لا يطير الدوري بسبب القادسيه
رد الكثير من الأعضاء يقولون حنى بنفرح زي مانبغى ولا راح يؤثر على اللاعبين
وكأن اللاعبين لا يدخلون المنتدى ويتأثرون نفسيا ويبدؤون بالاستهتار بالقادسيه
وكأن منصور الأحمد معه ريموت كنترول لتعديل نفسية اللاعبين

صدقوني اذا اللاعبين شاهدوا الفرحه من الجماهير بالمنتدى
وحسوا انه بعد الأهلي البطولة للهلال
والله لا المدرب ولا الإدارة مايقدرون يعدلون نفسياتهم بسهوله

بل والله حتى الإدارة والمدرب تأثروا بفرحة الجماهير وليس اللاعبين فقط
فرأينا كيف جلس الخثران والتايب والقحطاني احتياط
مع أن تفاريس والزوري ونامي والصويلح والمفرج غايبين

يعني حتى الجهاز الإداري والفني تأثروا بالفرحة المبالغ فيها من قبل الجمهور
وأنا أبغى اللي ردوا باستهتار بالمواضيع اللي تكلمت عنها قبل يومين
يقولون لي كيف اللاعبين مايتأثرون
وكيف اذا تأثروا بيجهزهم نفسيا منصور الأحمد أو حتى الرئيس بهالسهولة؟؟؟

عالعموم اللي فات مات
لكن نتمنى من الجمهور الرقي بمستوى الوعي
وثقافة الدوري تختلف عن ثقافة المربع الذهبي

....................

بالنسبة للدوري
تقريبا طار على الهلال
لكن لايزال فيه أمل
والأمل لا يتحقق الا بشيء وحيد
الا وهو الدخول في جميع المباريات القادمة على أنها نهائيات

واذا القادسية تعادل معنا بالرياض
وش نقول بالحزم بالرس
والاتفاق بالدمام
والشباب بالرياض مباراتين
وأخيرا الاتحاد مباراة وبجده

يعني من الحين نطالب الادارة والمدربين واللاعبين والجماهير بالتكاتف
ودخول جميع المباريات القادمة بقمة الحماس

ما أبغى أقول الاتحاد بينهزم أو يتعادل مع الشباب ومن هالخرابيط
صدقوني اذا بنعتمد على الفرق الثانية والله مانحلم بالبطولة
نبغى ناخذها بجدنا واجتهادنا
نبغى نفوز بجميع المباريات
وأخيرا على الاتحاد بأرضه

أما اذا استمر الكثير من الجماهير بعقلياتهم فقولوا على الدوري السلام
فمنصور الأحمد لا يستطيع لوحده اعداد اللاعبين بعد أن أفسدهم الجمهور

......................

نقطة أخيرة وياليت توصل لكوزمين

هل المبارك والموري وليلو والخراشي أفضل من الكلثم؟؟؟؟؟
هل الشلهوب بمستوياته الحالية أفضل من الفريدي والدوسري بمستوياتهم الراقية؟؟؟؟

أم عندك كاس فيصل أهم من الدوري
اذا الدوري بيضيع علينا بسبب كاس فيصل
خل كاس فيصل يطير

أما اذا تشتكي من لخبطة جدولة المسابقات بدون التحرك لتجعل الفريق يخرج منتصرا بأحدها
فلا نريد الشكاوي التي لن تنفعنا شيئا
أما اذا تبغى تحصل جميع البطولات
بهالجدولة الخايسة من اتحادنا الموقر
اقشع هالفكرة من راسك
لكن نبغى الدوري
وعلى أسوأ الاحتمالات الكاس

.................
من اليوم ورايح
نطالب الإدارة والمدرب واللاعبين والجماهير
بالتعامل مع قادم المباريات كنهائيات
وتمييز أي المسابقات أهم من الأخرى
وعدم الاستهتار بأي نادي سواء على أرضه أو خارج أرضه






دمتم زعماء ودام الذهب أزرق

رساوي برساوي
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 12:58 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube