ياحليلك ذكرتني بالسينما


وانا اتفق معك بكل الي قلته

ولكن صدقني في ناس اعمارهم 14 ويفهمون كوره اكثر مني ومنك يلي اعمارنا وصلت 25

عموما مهما اختلفنا نتفق على حب الهلال ورده

^^^^^^^^^^^^^^

اعجبني كلامك
ويعطيك العافيه اخوي

لاهنت اخوي على موضوعك الرائع

كل ماشوف يوزرك اتذكر توقيعك حق القبطان نامق

يا اني كل ماشوفه افطس من الضحك ههههههههههههههههه

إقتباس 1- مواضيع خاصة بالمدرب: وتجد بعض الأعضاء ورغم قلة خبرته بالرياضه حيث ان عمره الحقيقي دون 16 عام وعمره الرياضي لايتجاوز 5 سنوات ومع ذلك ينصب نفسه زاجالو زمانه ويبدا في انتقاد المدرب وانتقاد الخطة ولماذا لم يلعب فلان محور وعلان ظهير وليش يهاجم بواحد ويدافع بخمسة وبعضهم تصل به الجرأه لوصف المدرب بالجبان اذا مالعب هجوم وقد تصل المسالة الى الطلب من الإداراة بإقالة المدرب ويضع من أجل ذلك تصويت ومطلوب مليون صوت بعد المباراة تحس اننا في بلد كلها مدربين

المدرب عندما يخطئ يجب ان ينتقد مثل مباراة الوحدة الاماراتي يلعب بتشكيل مدري وش يبي وينزل الموري وبالاخير!!

لكن بالدوري انا اشهد انه اسد

إقتباس 2- مواضيع انتقاد اللاعبين: بعض الأعضاء يكون مجهز موضوع متكامل قبل المباراة لنقد واحيانا تجريح شخصي للاعب معين سواء كان هذا اللعب نجم المباراة او اسوء لاعب فيها !! ومثل هذا المواضيع يكون فرصة للمندسين لتأجيج مشاعر الجماهير ضد هذا اللاعب وبالتالي يكون تحت ضغط نفسي وتكثر أخطائه!! والضحية هو الفريق الأزرق. الحملة بدأت بالمفرج ووصلت الأن لنواف التمياط ولاندري من القادم ؟؟

فهد المفرج عبداللطيف الغنام عبدالعزيز الخثران انتقاد الجمهور وصلهم الى اهم لاعبي الفريق بالفترة الاخيرة

ونواف عاجبك حاله كذا؟

أنا والهلاليين لاوالله موب عاجبنا وسيُنتقد الى ان يصبح نواف الذي عهدناه

إقتباس - مواضيع موديل 2008 توها نازلة !!! أغرب المواضيع ولا أدري من اين بدات وهي الهجوم الشخصي على جماهير الهلال في مدينة الرياض وأنها لاتستحق اللعب عندها !!! لست في حاجة للتذكير بمواقف جماهير الهلال عامة اذا كانت المباراة في الرياض ولكن اطالب هؤلاء المنتقدين ان يذكروا مباراة هامة وحاسمة للهلال بداية من عام 1397 هـ الى 1428هـ كان جمهور الرياض فيها غائبا ؟؟؟

جماهير الرياض هي جماهير مباريات نصر وحسم فقط

إقتباس وقد وصل البعض منهم لدرجة المطالبة بتغير رئيس النادي لمجرد الإخفاق في بطوله او خسارة مبارة من ثلاث نقاط !!

8 بطولات متتالية.. تطير واحدة تلو الاخرى..

ابتعاد طوال الموسم..

تصاريح مال ام امها داعي..

تعاقدات مع لاعبين مدري وش يبون.. مثل العصفور والعنقري ونامي 6 مليون والمحترف العاالمي برونو.. لو كان واحد غيره صاحي لعب بجمب ياسر بالاسيوية انا اضمن لك البطولة..

تطفيش اهم لاعب بالفريق..

استقالة التويجري والبطي..

خلها مستورة الواحد مبسوط هاليومين من مستويات الفريق وماوده يقلب


موضوعك حلو بس المفروض انك ماتقول المواضيع.. لا طريقة سرد المواضيع وطريقة الانتقاد..

أحياناً انتقاد بناء ويفيد وبعضها او الاغلبية للاسف انتقاد هدام وتجريح شخصي

هنا المنبر الاول لجماهير الزعيم.. دعهم يكتبون مابخواطرهم لكن باحترام

_______________

ماودك تنزل صورة نامق

يعطيك العافيه
وما اقول الا بصمييييييييم

يعطيك الف عافيه

وصدقني اللي يكتبون الكلام

ويتنقدون المدرب وارئيس وبعض اللاعبين

ماهو الا حب بالهلال بس قد يون هم يخرجون حبهم بطريقه خاطئه

الله يعطيك العفيه

المشكله مو في العمر اخوي قرقاص

المشكله في العقل وحب الهلال من قلب

وتسلم على ملاحظاتك

يعطيك العافية وزي ماقلت المهم الارتقاء بالمنتدى

كلام منتديات يعني في النهايه لا يقدم ولا ياخر
خلوهم ياخذون راحتهم ..
..
يتنفسون شوي
لني لو انا لاعب ما دخلت المنتديات ..
على قولتك عمره الرياضي خمس سنوات ويقيم اللاعبين والمدرب ..
طبعا التقيم حسب الكعب والرقص والتهريج

انا صراحة مستغرب من هالموضوع ..

من زمان ما قريت موضوع طرحه رائع في المنتدى زي موضوعك ..

والردود أروع .. متفاعلة مع الموضوع ..

بالنسبة لهالنوعية من الجماهير ياخي انا اعتبرهم مصيبة ..

واعتقد ان ضررهم على النادي أكبر من ضرر جمهور الأندية الثانية على الهلال ..

الفتنة من الداخل شي خطير ..

وانا اعتقد ان الحل هو زرع حب الهلال ككيان في نفوس الجماهير .. بدلا من حب لاعب أو مدرب أو عضور شرف معين !!

يعطيك العافية قرقاص ..

ولا تحرمنا من هالمواضيع ..